Свет
Пожарите може да ја чинат Австралија до 5 милијарди долари

Австралија се очекува да претрпи загуби од 5 милијарди австралиски долари поради пожарите кои продолжуваат да беснеат низ континентот, покажува прогнозата на австралиската банка „Вестпек“.
Природната катастрофа исто така може да намали за 0,2 до 0,5 отсто БДП на земјата, се вели во првичните анализи на банката. Туризмот и земјоделскиот сектор се најтешко погодени, а најтешко погодената област претставува околу еден отсто од економијата.
Откако беше прогласена катастрофа поради пожарот на 8 ноември досега се поднесени околу 10.550 побарувања за осигурување во вкупен износ од 939 милиони австралиски долари. Додека вкупната штета од катастрофи како што е оваа (вклучително и осигурени и неосигурени загуби за кои се бара помош од Владата) е двојно поголема од осигурената загуба, целосното економското влијание е многу неизвесно, велат од банката.
„Оценувањето на економското влијание на катастрофите е секогаш тешко, особено кога целокупниот степен на штета е сè уште непознат“, велат аналитичарите од „Вестпек“.
Тековната криза со пожарите има поголемо влијание од пожарите од Црната сабота во 2009 година во Викторија, еден од најпознатите погубни пожари во австралиската историја, во кои загинаа повеќе од 170 луѓе, уништени беа 2.029 домови и беа опожарени над 400.000 хектари. Само поплавите од Квинсленд од 2010-11 година имаа поголемо влијание, со проценета вкупна штета од 6,4 милијарди австралиски долари.
Во понеделникот S&P Global Ratings рече дека кризата со пожарите нема да го загрози рејтингот ААА на земјата. Агенцијата верува дека локалните власти ќе можат да ги апсорбираат фискалните трошоци, кои се релативно мали во споредба со нивните буџети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп: Америка ќе ја поддржи Украина, сакам таа војна да заврши

Претседателот на САД, Доналд Трамп, денес изјави дека сè уште не разговарал за конкретни безбедносни гаранции за Украина, но дека Соединетите Американски Држави ќе ја поддржат таа земја.
Зборувајќи за војната во Украина, Трамп им рече на новинарите дека сака војната да заврши, пренесува Ројтерс.
Тој рече дека разговарал за ова со рускиот претседател Владимир Путин и дека Путин не работи на состанок со украинскиот претседател Володимир Зеленски, бидејќи не го сака, јавува медиумот.
Трамп рече дека разговарал и за нуклеарно наоружување со Путин, пренесува Танјуг.
Фото: принтскрин
Свет
Сијарто: Зеленски да престане да и се заканува на Унгарија

Министерот за надворешни работи на Унгарија, Петер Сијарто, го повика украинскиот претседател Володимир Зеленски да „престане да ѝ се заканува на Унгарија“.
Сијарто тврди дека Зеленски го искористил вчерашниот Ден на независноста на Украина „за да упати јасни закани кон Унгарија“. Тој ја обвини Украина за „сериозни напади“ врз енергетската безбедност на Унгарија и предупреди дека „нападите врз енергетската безбедност треба да се толкуваат како напади врз суверенитетот“.
„Војна во која не сме вклучени не е легитимно објаснување за кршење на нашиот суверенитет. Го повикуваме Володимир Зеленски да престане да ѝ се заканува на Унгарија и да престане да ја загрозува нашата енергетска безбедност“, рече Сијарто.
Зеленски претходно сугерираше дека нападите врз нафтоводот „Дружба“ во Русија се директно поврзани со ставот на Унгарија за пристапувањето на Украина во Европската Унија. „Секогаш сме го поддржувале пријателството меѓу Украина и Унгарија. А сега постоењето на „Дружба“, што на украински значи пријателство, зависи од ставот на Унгарија“, рече Зеленски.
Зеленски во четвртокот потврди дека побарал од американскиот претседател Доналд Трамп да се обиде да го убеди унгарскиот премиер Виктор Орбан да не го блокира патот на Украина кон членство во ЕУ.
Унгарија во петокот беше информирана дека нафтоводот „Дружба“ на руско-белоруската граница е нападнат по трет пат за краток период. Орбан одлучи да му напише писмо на Трамп во врска со украинскиот напад врз нафтоводот „Дружба“, а Трамп одговори дека е лут поради нападот.
Фото: принтскрин
Свет
Трамп: Ситуацијата во Јужна Кореја изгледа како револуција

Американскиот претседател Доналд Трамп ја критикуваше Јужна Кореја, велејќи дека земјата се „чисти“, неколку часа пред средбата со јужнокорејскиот претседател Ли Џе-мјунг во Вашингтон подоцна денес.
Трамп изјави на социјалните мрежи дека ситуацијата во Јужна Кореја „изгледа како чистка или револуција“ и дека САД не можат да го дозволат тоа, ниту да работат во таа земја, објавува Ројтерс.
Ли ја презеде функцијата во јуни по предвремените избори откако неговиот конзервативен претходник, Џун Сок Џеол, беше соборен поради обидот за воведување воена состојба во декември.
Вашингтон претходно го пофали Џун за неговиот цврст став кон Северна Кореја, додека Трамп претходно ја критикуваше Јужна Кореја, обвинувајќи ја за злоупотреба на американската воена заштита.
Економијата на Јужна Кореја во голема мера се потпира на САД, а Вашингтон ја гарантира безбедноста на Сеул со војници и нуклеарно одвраќање, додека Ли се надева дека ќе ја избалансира соработката со Вашингтон и Пекинг, соопшти агенцијата.
Поддржувачите на поранешниот претседател Џун се надеваа дека Трамп ќе интервенира во она што го нарекуваат комунистички прогон на поранешниот претседател, кој е на суд за поттикнување бунт, додека неговата сопруга се соочува со можни обвиненија за корупција и мито.
Канцеларијата на претседателот на Јужна Кореја им соопшти на локалните медиуми дека го истражуваат случајот, а јужнокорејскиот министер за правда оцени дека Трамп има „погрешни информации“ за либералната влада во Сеул.
Американскиот претседател Доналд Трамп денес изјави дека неговата администрација ќе продолжи да склучува договори како што е неодамнешното аквизиција на удел во компанијата за производство на чипови „Интел“, бидејќи верува дека тие носат повеќе пари и работни места во Соединетите Американски Држави.
„Ќе работам вакви работи за нашата земја секој ден“, рече Трамп на социјалните мрежи, додавајќи дека „глупавите луѓе“ се незадоволни од аранжманот, кој, нагласи тој, ги прави САД „сè побогати и побогати“.
Економскиот советник на Белата куќа, Кевин Хесет, денес изјави дека овој потег е дел од поширока стратегија за воспоставување американски суверен фонд за богатство, моделиран според суверените фондови за богатство што ги користат земји како Норвешка, Кина и неколку земји на Блискиот Исток.
„Убеден сум дека ќе има повеќе трансакции, ако не во оваа индустрија, тогаш во други“, рече Хесет во интервју за CNN.
Белата куќа во петокот објави дека владата во Вашингтон превззела 10 проценти од акциите во „Интел“, по цена од околу 8,9 милијарди долари. Дел од финансирањето доаѓа од Законот за чипови, додека остатокот ќе биде покриен од други федерални програми поврзани со производство на безбедни полупроводници.
Фото: принтскрин