Свет
Пожари во САД, евакуирани илјадници луѓе

Поради шумски пожар што избувна во американската сојузна држава Аризона, во округот Јавапаи, прогласена е вонредна состојба.Пожарот што избувна во Националната шума Прескот, во Аризона, продолжува да се шири. Пламените јазици со помош на ветерот со брзина и до 56 километри на час зафатија подрачје од 8.300 хектари.Гувернерот на Аризона, Даг Дуси, прогласи вонредна состојба во Јавапаи, а затворени се и сите главни патишта кои водат кон градот Прескот.Во Мајер и Дјуи-Хумболт евакуирани се околу 6.000 луѓе. Со огнената стихија се борат околу 500 пожарникари, а еден од нив е повреден.
Во шумскиот пожар што изби во Аризона во 2013 година животот го загубија 19 пожарникари.
Пожари се појавија и во западниот дел на САД каде што е причинета значителна материјална штета, а евакуирани се неколку илјади лица. Во пожарот што изби во северниот дел на Лос Анџелес изгореа многу куќи. Пожарот во Сан Луис Обиспо го зафати и имотот на ѕвездата на популарната серија „Big Bang Theory” Џони Галецки.Во сојузната американска држава Јута изгореа 13 куќи, а евакуирани се 1.500 лица кои се наоѓаа во скијачкиот центар.
Пожар се појави на три места и во сојузната американска држава Вашингтон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Макрон по осудата на Ле Пен: Судството е независно, сите граѓани имаат право на жалба

Францускиот претседател Емануел Макрон денеска изјави дека судството е независно и дека сите граѓани имаат право на жалба, пренесува БФМ ТВ.
Макрон потсети на три факти поврзани со убедувањето на лидерката на крајнодесничарската партија Национален собир (РН) Марин Ле Пен, изјави владината портпаролка Софи Прима по завршувањето на Советот на министрите.
Макрон посочи дека судството е независно, потоа дека заканите упатени кон судиите што ја изрекле пресудата против Ле Пен се апсолутно неприфатливи и, конечно, дека секој има право на жалба и дека законот е ист за сите.
Судството веќе нагласи дека ново судење во Апелацискиот суд може да се одржи во роковите што оставаат можност за евентуална претседателска кандидатура на лидерот на екстремната десница во 2027 година, објави „Фигаро“.
Судијата Бенедикт де Пертуи претседаваше со тричлена комисија, која по судењето за проневера на средства од Европскиот парламент, во понеделникот донесе контроверзна пресуда против Ле Пен и ја осуди на четири години затвор, од кои две може да ги издржи во домашен притвор, пренесуваат медиумите.
Покрај тоа, Ле Пен е казнета со 100.000 евра и забрана за учество на избори во следните пет години.
По пресудата, сојузниците на Ле Пен во Европа и во Америка ја осудија одлуката на францускиот суд како недемократска, Марин Ле Пен рече дека Де Пертуа донела политичка одлука и дека го прекршила законот, пренесува „Танјуг“.
Свет
Итна порака на Зеленски до САД и до Европа: Не смееме да чекаме до 11 април

Украинскиот претседател Володимир Зеленски повика на глобален одговор по последниот напад со беспилотно летало извршен синоќа од страна на Русија велејќи дека против Русија мора да се реагира без одлагање.
Во директна порака до западните сојузници Зеленски истакна дека е потребен нов и опиплив притисок врз Москва за да се стави крај на војната.
„САД и европските земји не смее да чекаат до 11 април кога завршува цел месец откако Русија го отфрли предлогот на САД за прекин на огнот. Оваа систематска и постојана природа на руските напади јасно покажува дека Москва ги презира дипломатските напори на нашите партнери“, напиша Зеленски на социјалната мрежа X.
Според него, Путин не сака да обезбеди дури и делумен прекин на огнот.
„Не смееме да чекаме до 11 април кога ќе помине еден месец откако Русија му рече ‘не’ на американскиот предлог за прекин на огнот. Мора да се преземе акција што е можно побргу“, напиша Зеленски.
Тој додаде дека Киев е подготвен да соработува со партнерите од САД и Европа со цел да се постигне достоен и траен мир.
Свет
Унгарија има намера да воведе можност за одземање на државјанството

Унгарската влада сака да воведе можност за привремено одземање на унгарското државјанство на одредени двојни државјани.
Соодветниот предлог-закон синоќа до парламентот го поднесе владејачката партија на Виктор Орбан, јавува виенски „Ое24“.
Предлог-законот, кој се очекува да биде усвоен, има цел да им го одземе државјанството на лицата што се карактеризирани како закана за државата.
Според нацрт-законот, одземањето на унгарското државјанство може да важи само за двојни државјани, чие второ државјанство не е државјанство на земја од ЕУ, Швајцарија, Лихтенштајн, Норвешка или Исланд, пренесува „Танјуг“.
Одземањето на државјанството треба да биде можно, меѓу другото, доколку некое лице дејствува во интерес на странска сила или странска организација, ги постигнува целите на странска сила или странска организација и на тој начин претставува закана за јавниот ред и безбедност на земјата.
Предложениот закон може да влијае на унгарско-американските двојни државјани, кои се ангажирани во невладини организации, пишува австрискиот весник.
Одземањето на унгарското државјанство би овозможило протерување лице што е класифицирано како закана за земјата.