Свет
Познат американски универзитет отпушти 2.000 луѓе, Трамп го скрати финансирањето

Универзитетот Џон Хопкинс денеска објави дека ќе отпушти повеќе од 2.000 вработени во САД и во странство, откако администрацијата на претседателот Доналд Трамп ја намали поддршката од 800 милиони долари за реномираната институција.
Ова е најголемото отпуштање во историјата на овој прв американски истражувачки универзитет и влијае на 247 вработени во САД и уште 1.975 луѓе во 44 земји низ светот.
„Го направивме возможно прочистувањето на водата, бевме пионери на полето на генетскиот инженеринг и ја потврдивме автентичноста на свитоците од Мртвото Море. Ги измисливме сахаринот, CPR и суперсоничниот млазен мотор. Нашите напори резултираа со закони за безбедност на детските седишта, изум на Драмамин, Мербромин.
Џон Хопкинс, меѓу другото, ја создаде најнапредната протетичка рака контролирана од мислата, испрати вселенско летало во орбитата на Меркур и за прв пат успешно слета на астероид, го разви првиот ефикасен лек за српеста анемија и човечкиот имунитет на убоди од пчели, се наведува на неговата веб-страница.
Кратењата ќе влијаат на одделот за јавно здравје на Блумберг, неговото медицинско училиште и поврзаната меѓународна здравствена асоцијација Jhpiego.
„Ова е тежок ден за целата наша заедница. Прекинувањето на финансирањето на УСАИД во вредност од повеќе од 800 милиони евра сега не принудува да ја намалиме основната работа овде во Балтимор и ширум светот“, се вели во соопштението на Универзитетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.