Свет
Познат фотограф паднал во центарот на Париз, лежел 9 часа на студ и починал
Смртта на 85-годишниот фотограф Рене Роберт во Париз, кој подлегна на хипотермијата откако падна и помина девет часа целосно игнориран од минувачите на студениот тротоар во центарот на градот, предизвика тага, гнев и неверување во Франција и пошироко, пренесува Гардијан.
Овој швајцарски фотограф, познат по фотографиите на некои од најпознатите шпански фламенко ѕвезди, починал минатата недела откако се лизнал за време на една од неговите ноќни прошетки во парискиот кварт каде што живеел, а според неговиот пријател, новинарот Мајкл Момпонтету, Роберт паднал на тротоарот на улицата Турбиго, пишува британски весник.
– Му се вртеше и падна. Не можел да стане, девет часа лежел на студ додека бездомник не повикал брза помош. Имаше хипотермија и не можеше да преживее. Во тие девет часа ниту еден минувач не застанал да провери зошто овој човек лежи на тротоарот. Никој – напиша Момпонте во серија твитови.
Тој за Франс ТВ Инфо ги објави и околностите за смртта на неговиот пријател, каде рече дека Робер е „убиен од рамнодушност“.
– Кога оваа страшна смрт би можела да послужи за каква било цел, тоа би било вака: кога човек лежи на тротоар, треба да провериме што е тоа – без разлика колку сме зафатени. Ајде да застанеме за момент – рече Момпонте.
Тој истакна дека многу луѓе, меѓу кои и тој, често гледаат од друга страна кога се во прашање луѓето на улица.
Смртта, која се случи во областа на Париз, каде спијат многу бездомници, предизвика дебата за граѓанската одговорност и основната пристојност, пишува Гардијан.
Насловот во Фигаро гласеше: „Фотографот Рене Роберт, мртов во рамнодушност на сред улица“.
Шпанската амбасада во Холандија на Твитер напиша дека смртта на „Рене Роберт, кој со својата камера ги овековечи сите големи фламенко уметници, ја предизвикува нашата колективна совест“.
– Многу сум тажен поради загубата на Рене Роберт, кого имав среќа да го запознаам и фотографирам. Не можам да разберам зошто никој не му помогна. Не сакам да мислам дека живееме во општество со толку мала вредност – рекол фламенко пејачот Аркангел, добитник на Греми, пренесува британскиот весник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ги повлекува тенковите Абрамс од борба: Пет од нив веќе се уништени во руските напади
Украина ги повлече од борбата тенковите Абрамс М1А1 испратени до неа од САД, делумно затоа што нападите со руски беспилотни летала ја попречија работата на тие тенкови и затоа што тие се цел на напади, изјавија за АП двајца американски воени претставници.
Засега, тенковите се преместени од првите линии на фронтот, а САД ќе соработуваат со Украинците за да најдат нова тактика за користење на тие тенкови, изјавија заменик-претседателот на Здружениот генералштаб, адмирал Кристофер Грејди и неименуван претставник на одбраната.
САД одобрија испраќање 31 тенк Абрамс во Украина во јануари 2023 година, откако украинските власти побараа нивна испорака, тврдејќи дека тенковите, кои чинат по околу 10 милиони долари, се од витално значење за пробивање на руските борбени линии.
Оттогаш фронтот значително се промени, особено поради употребата на руски извидувачки беспилотни летала, што им отежна на украинските сили да ги заштитат тенковите Абрамс од руски напади, бидејќи беспилотните летала брзо ги откриваат, наведува АП.
Агенцијата додава дека пет од 31 тенк Абрамс веќе се уништени во руските напади.
Свет
Јенс Столтенберг: Украина се уште може да ја добие војната против Русија
Генералниот секретар на НАТО Јенс Столтенберг изјави дека Украина се уште може да победи во војната против Русија, но дека сојузниците ќе мора повеќе да се ангажираат за Киев да ја добие поддршката што ја вети Алијансата.
Во четвртокот, на состанокот на непрофитната организација „Атлантски мост“ во Берлин, Столтенберг рече дека членките на НАТО сега треба да го претворат она што и го ветија и обврзаа на Украина во итна испорака на оружје и муниција, објави Киев Индипендент.
„Во последните месеци, членките на НАТО не ја дадоа поддршката што ја ветија“, рече Столтенберг.
Свет
Во Аргентина откриен нов вид диносаурус
Аргентинските палеонтолози објавија дека откриле нов вид диносаурус, наречен Chakisaurus nekul, кој живеел пред околу 90 милиони години во областа на денешна Патагонија.
Chakisaurus nekula е тревојаден диносаурус со средна големина, а фосилот е пронајден во природниот резерват Пуебло Бланко, во јужната провинција Рио Негро, каде што претходно биле пронајдени бројни остатоци од други диносауруси, цицачи и риби.
Се смета дека најголемиот чакисаурус достигнал големина од три метри во должина и 70 сантиметри во висина, а новите студии покажуваат дека овој тип на диносаурус трчал брзо и имал невообичаено закривена опашка, наведува Ројтерс.