Свет
„Политико“: Трамп е сѐ поблиску до воен конфликт со Иран

Администрацијата на американскиот претседател, Доналд Трамп, го пренасочи насачот на авиони „Абрахам Линколн“ кон Блискиот Исток, бидејќи очекува дека Иран ќе се откаже од договорените обврски за замрзнување на својата нуклеарна програма.
„Претседателот Трамп е најблиску до воен конфликт со Иран во својот досегашен мандат, откако ги пренасочи воените бродови на Блискиот Исток за да одговори на она што официјални лица во понеделникот го оценија како зголемени закани од Иран кон американските војници и воени објекти“, пренесува сајтот „Политико.еу“.
Вршителот на должноста министер за одбрана на САД, Патрик Шенахан, објави дека одобрил распоредување на ударна групација на бродови на чело со носачот на авиони, како и праќање бомбардери на подрачјето на Блискиот Исток, поради, како што тврди тој, основаните сомненија за закана од страна на силите на иранскиот режим.
„(Испраќањето воени средства) претставува разумно распоредување на сили како одговор на основаните сомненија за закана од страна на силите на иранскиот режим“, напиша шефот на Пентагон на „Твитер“.
Тој додаде дека САД го повикуваат иранскиот режим да ги прекине провокациите.
„Ќе го сметаме иранскиот режим за одговорен за секој напад врз американските сили или нашите интереси“, напишал во твитот Шенахан, а пренесе „Ројтерс“.
Во понеделникот портпаролот на Пентагон, Чарлс Самерс, изјави дека овој потег гарантира дека САД ја имаат силата што им е потребна во регионот, со цел да се одговори на непредвидени ситуации и да се бранат војската и интересите на САД во овие области.
Тој додаде дека САД не бараат војна со иранскиот режим, но дека ќе го бранат американскиот персонал, сојузниците и интересите во регионот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија и Украина утре ќе разменат 175 воени заробеници

Русија и Украина утре ќе разменат 175 воени заробеници од двете страни, изјави претседателот Владимир Путин за време на телефонскиот разговор со неговиот американски колега Доналд Трамп.
-Путин објави дека на 19 март руската и украинската страна ќе разменат по 175 затвореници, се вели во соопштението на Кремљ.
Белата куќа, од своја страна, објави дека Трамп и Путин се договориле за 30-дневен прекин на огнот во енергетскиот и инфраструктурниот сектор на Украина и дека преговорите за ставање крај на конфликтот ќе започнат „веднаш“.
Тие разговори ќе бидат на Блискиот Исток, соопшти Белата куќа, пофалувајќи ги „огромните придобивки од подобрените односи“ меѓу САД и Русија
Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.