Свет
Помпео ќе врати од Северна Кореја тројца американски заробеници
Американскиот државен секретар Мајк Помпео ќе се врати од Северна Кореја со тројца американски заробеници, како и со детали за претстојната средба помеѓу севернокорејскот лидер Ким Џонг-ун и американскиот претседател Доналд Трамп, пренесува „Ројтерс“.
Помпео пристигна во севернокорејската престолнина Пјонгјанг во среда откако претходно беше во посета на Јапонија.
Американскиот дипломат и другите претставници на американската делегација имаа ручек со Ким Јонг Чол, поранешен шпион и сегашен директор на Одделот за Обединетиот фронт – организација која задолжена за меѓукорејските односи.
Претходно, Трамп ја соопшти веста за втората посета на Помпео на Северна Кореја за помалку од шест недели, додавајќи дека двете земји се договориле околу датумот и местото на средбата, без да открие повеќе детали.
Официјален претставник на јужнокорејската Сина куќа изјави дека се очекува Помпео да го финализира договорот околу датумот на средбата и да го обезбеди ослободувањето на тројца американски заробеници.
Додека Трамп порача дека ослободувањето на тројцата заробеници би било „одлична работа“, Помпео за време на патувањето кон Пјонгјанг рекол дека не добил такви гаранции, но дека се надева оти Северна Кореа „ќе ја направи вистинската работа“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Харис: Убиството на Синвар нуди шанса да се стави крај на војната во Појасот Газа
Американскиот потпретседател и кандидат на демократите Камала Харис изјави денеска, по убиството на лидерот на Хамас, Јахја Синвар, дека овој момент нуди шанса да се стави крај на војната во Појасот Газа.
„Правдата е задоволена. Синвар е одговорен за убиството на илјадници невини луѓе, вклучувајќи ги и жртвите на 7 октомври и заложниците убиени во Газа“, рече Харис.
Таа изрази надеж дека наскоро ќе започне „ден потоа без Хамас“ на власт во палестинската енклава, пренесува Ројтерс.
Регион
Во Србија пронајдени три деца киднапирани во Романија
Киднапирани деца од Романија, денеска биле пронајдени во српскиот град Ниш. Министерот за внатрешни работи Ивица Дачиќ денеска за ова ја информирал министерката за внатрешнира работи на Романија.
Случајот во последните денови ја брануваше романската јавност.
Имено, министерот Дачиќ ја информирал својата романска колешка дека припадниците на Министерството за внатрешни работи, Управата за криминалистичка полиција, Службата за сузбивање криминал и Техничката управа, во соработка со Полициската управа во Ниш, постапувајќи по пријава за кривично дело киднапирање извршено во Романија, уапсен е романски државјанин А.М.(1970) поради сомнение дека ги грабнал неговите три малолетни деца, исто така романски државјани на возраст од 11, 9 и 8 години.
Свет
По Германија и Франција ги враќа граничните контроли
Франција најави воведување привремени гранични контроли со шест земји, од 1 ноември 2024 година до 30 април 2025 година, пишува Луксембург Тајмс.
Како што пишува овој медиум, Франција и најавила на Европската комисија гранични контроли на границите со Луксембург, Белгија, Германија, Шпанија, Италија и Швајцарија.
Минатиот месец, Германија повторно ги воведе граничните контроли со Луксембург, поставувајќи контролни пунктови долж автопатите каде Германија ја дели својата граница со Луксембург. Како и Франција и Германија ги карактеризираше своите активности како неопходен одговор на тековните безбедносни закани.