Свет
Поради строгите закони Камбоџа обвинета дека оди кон диктатура
Граѓаните на Камбоџа кои ги прекршуваат ковид-мерките може да завршат во затвор 20 години според новиот закон, што организациите за човекови права наведуваат дека тоа ја доведува земјата до тоталитарна диктатура.
Премиерот Хун Сен предупреди дека Камбоџа е на „работ да умре“, откако беше воведена двонеделна блокада во Пном Пен, во обид да се спречи ширењето на коронавирусот, пренесува „Гардијан“.
Според новиот закон, луѓето осудени за непочитување на истиот може да се соочат со парична казна до 5.000 американски долари и да се соочат со затвор.
Законот исто така ѝ дозволува на владата на неодредено време да забрани какви било собири или демонстрации.
Извршниот директор на одделот „Хјуман рајтс воч“ за Камбоџа, Софип Чак, вели дека новиот закон, кој беше воведен минатиот месец, немаше транспарентност и се користеше нејасна и широка терминологија.
Камбоџа е меѓу земјите со најниско регистрирани случаи на Ковиди-19 во Азија, но имаше поголем пораст на бројот на заразени лица на крајот на февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.