Свет
Поранешен војник во Франција пукаше во полицијата, го бркаат хеликоптери и 200 полицајци
Нa jугот од Франција, во тек е голема полициска операција за пронаоѓање на маж кој пукаше кон полицајците. Во акцијата учествуваат повеќе од 200 полицајци, полициски кучиња и хеликоптери.
Неименуваниот маж има околу 30 години и и е познат на полицијата по семејно насилство. Се работи за поранешен војник, кој е вооружен со висококалибарско оружје, пишува Би-Би-Си.
Локалната власт ги повика жителите да останат дома.
#LeLardinSaintLazare ? L'intervention de la #gendarmerie se poursuit
? 250 #gendarmes / véhicules blindés / équipes cynophiles / hélicoptères
ℹ️ L'ex concubine et ses enfants indemnes, sous protection de la gendarmerie
⚠️ Respectez les consignes@Gendarmerie_024 @Prefet24 pic.twitter.com/475smB5Old— Gendarmerie nationale (@Gendarmerie) May 30, 2021
„ Во текот на ноќта тој отиде во куќата во која живее неговата поранешна партнерка. Имаше спор што доведе до полициска интервенција, а потоа осомничениот пукаше во нив. Потоа избега во блиската шума”, изјави Фредерик Перисат, жупан на округот Дордоња, за телевизијата БФМ.
Перисат додаде дека човекот се наоѓа во „ридско, шумско подрачје“ во радиус од околу четири квадратни километри. Областа била опколена од полицијата.
„Франсинфо“ пренесува дека инцидентот започнал синоќа, кога човекот по кој се трага го нападнал партнерот на неговата поранешна партнерка. Наводно пукал во него. Поранешната партнерка и нејзините деца не се повредени и се под полициска заштита.
Откако полицајците пристигнале на местото на настанот, мажот пукал кон нив и кон нивните автомобили, а потоа побегнал во шумата. Полициските службеници не се повредени, но оштетени се неколку полициски возила.
Градоначалничката на Лардин-Сен Лазар, Франсин Бура, за БФМ изјави дека осомничениот бил ослободен од затвор и носел електронска белегзија. Му било забрането да се приближува до домот на неговата поранешна партнерка, рече таа.
Полицијата ги затвори патиштата низ градот и постави барикади. Вооружениот напаѓач наводно пукал во хеликоптер кој летал над пошумената област.
Петилот исто така рече дека осомничениот „сака полицијата да го убие“, додавајќи дека тој го повикал да се предаде.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп му постави услов на Путин: „Нема да губам време“
Американскиот претседател Доналд Трамп изјави дека нема да се сретне со рускиот претседател Владимир Путин сè додека не се постигне конкретен договор за мир меѓу Русија и Украина.
Иако претходно се очекуваше двајцата ќе се сретнат во Будимпешта, до средбата не дојде и истата е одложена.
„Морам да знам дека ќе постигнеме договор. Нема да губам време“, изјави Трамп во авионот „Ер форс“.
Тој додаде дека секогаш имал одличен однос со Путин, но дека ситуацијата е разочарувачка. Последната средба на 15 август на Алјаска беше оценета како продуктивна.
Во меѓувреме, нападите врз Украина продолжуваат — во најновите руски ракетни и дрон-напади загинале најмалку четири лица, а 20 се повредени. Украинскиот претседател Володимир Зеленски побара од САД нови санкции против целиот руски нафтен сектор и ракети со долг дострел.
„Ројтерс“ вчера објави дека американската администрација подготвила дополнителен пакет санкции против руската економија, вклучувајќи банки и нафтна инфраструктура, што ќе се активира доколку Москва продолжи да го одолговлекува мировниот процес.
Извори за Ројтерс наведуваат дека Вашингтон разговара со европските сојузници и за користење на замрзнатиот руски имот за набавка на американско оружје за Киев.
Рускиот пратеник Кирил Дмитриев кој се наоѓа во Вашингтон вчера изјави дека Москва, САД и Украина се блиску до дипломатско решение, додека украинската страна ги поздрави новите санкции.
Свет
Рубио: Подготвуваме план за испраќање меѓународни сили во Газа
Државниот секретар на САД, Марко Рубио, изјави дека американските претставници спроведуваат консултации за можна резолуција на ОН или меѓународен договор со кој се овластува распоредување на меѓународни сили во Појасот Газа и дека ќе разговараат за ова прашање утре во Катар.
„Многу земји изразија интерес за учество на некое ниво – или монетарно или човечка сила или и двете – и ќе им треба тоа (резолуција на ОН или меѓународен договор) бидејќи нивните национални закони го бараат тоа“, им рече Рубио на новинарите во авион на пат помеѓу Израел и Катар.
„Имаме цел тим што работи на план за тоа.“
Администрацијата на претседателот Доналд Трамп сака арапските држави да придонесат со средства и човечка сила во мултинационална сила што ќе го одржува мирот во Појасот Газа. Израел се спротивставува на учеството на турските сили.
Свет
Трговските преговори меѓу САД и Кина се во тек
Главниот кинески трговски преговарач Ли Ченгганг и кинескиот вицепремиер Хе Лифенг пристигнаа во Куала Лумпур за вториот ден од трговските разговори меѓу САД и Кина.
Кинеските економски претставници се состануваат со американскиот секретар за финансии Скот Бесант и американскиот трговски претставник Џејмисон Грир на маргините од самитот на Здружението на земјите од Југоисточна Азија за деескалација на трговската војна.
Двете најголеми економии во светот се обидуваат да избегнат ескалација на трговската војна откако американскиот претседател Доналд Трамп се закани со нови 100 проценти царини за кинески стоки и други трговски ограничувања почнувајќи од 1 ноември како одмазда за значително проширените контроли на извозот на минерали од страна на Кина.
Портпаролот на Министерството за финансии на САД им рече на новинарите во саботата дека првиот ден од разговорите бил „многу конструктивен“. Позитивен исход од разговорите би ги отстранил пречките за средба меѓу Трамп и кинескиот претседател Шји Џинпинг.

