Свет
Поранешен доктор од Белата куќа: Kогнитивното здравје на Бајден станува проблем за националната безбедност

Републиканскиот конгресмен од Тексас, Рони Џексон, поранешен лекар во Белата куќа во администрацијата на Обама и Трамп, продолжува да поставува прашања за менталното и физичкото здравје на претседателот Џо Бајден, пренесува „Спутник“.
По паѓањето на Бајден на сцената за време на неодамнешната церемонија на Академијата за воздухопловни сили на САД, Џексон изјави дека Бајден не е ментално или физички способен да биде претседател.
Според Џексон, дел од улогата на врховниот командант на САД е да инспирира доверба и да проектира моќ, што тој верува дека Бајден не успева да го направи поради својата возраст и впечатливиот пад во способностите.
Џексон ги истакна многуте гафови направени од Бајден и тврди дека неодамнешниот пад на претседателот само ја зголемува загриженоста за неговата подготвеност за функцијата.
Тој посочи дека физичкиот пад на Бајден сега дополнително го нагласува неговиот когнитивен пад за кој тој тврди дека е евидентен веќе некое време.
„Мислам дека падот во неговата физичка способност и физичкото опаѓање сега почнуваат да го истакнуваат когнитивниот пад, што многу долго го гледаме кај него. Тоа веќе не проаѓа во светот и станува проблем за нашата национална безбедност. Мора да направиме нешто во врска со тоа“, предупреди Џексон.
Изразувајќи го своето неверување дека Бајден (80) размислува да се кандидира за уште еден мандат – кој, ако го заврши, ќе има 86 години – Џексон ја критикува Белата куќа што дозволила тоа да се случи.
Тој повика на одговорност и ги повика блиските до Бајден, вклучително и првата дама Џил Бајден, да преземат мерки. Поранешниот лекар од Белата куќа дури и предложи Бајден да користи шетач за да избегне нови срамни паѓања во јавност.
Загриженоста на Џексон за способноста на Бајден за функцијата не е нова. Во април тој дистрибуира писмо меѓу републиканците во Претставничкиот дом, во кое бараше Бајден да се подложи на когнитивен тест или да се повлече од трката во 2024 година.
Во писмото се наведуваат годините на Бајден, неговите јавни гафови и анкетите во кои многу Американци изразуваат сомнеж за неговата ментална подготвеност.
Администрацијата на Бајден постојано ги отфрла овие изрази на загриженост, а портпаролот на Белата куќа, Карин Жан-Пјер, укажа на успесите на Бајден и увери дека тој е способен да ги исполни своите обврски како претседател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Бес во Кенија: турист објави снимка како сипува пиво во сурлата на слон

Во Кенија се покренати неколку истраги откако еден Шпанец објави видео од себе како сипува пиво во сурлата на слон, предизвикувајќи бура од негодување на социјалните мрежи. Видеото прикажува маж како пие лименка од популарното локално пиво Таскер во резерват за диви животни, а потоа остатокот му го дава на слонот, објавува Би-би-си.
Видеото на Инстаграм, беше избришано кратко време по острите критики од Кенијците.
Би-би-си ја потврди автентичноста на снимката, која е направена во резерватот за дивеч Ол Џоги во округот Лаикипија во централна Кенија. Вработените во приватниот резерват беа шокирани од однесувањето на туристите. „Ова никогаш не требаше да се случи. Ние сме организација за зачувување на природата и не можеме да дозволиме ова да се случи“, рече еден од вработените, додавајќи: „Не им дозволуваме на луѓето да се приближуваат до слоновите“.
🤬 Another “genius.” A Spanish tourist gave beer to an elephant in Kenya
The videos posted on Instagram were deleted after a wave of outrage. However, screenshots show the man drinking Tusker beer and then pouring the rest into the trunk of an elephant named Bupa.
Bupa is a… pic.twitter.com/PisrNbriyB
— NEXTA (@nexta_tv) August 28, 2025
Портпаролот на Службата за диви животни во Кенија (KWS), Пол Удото, потврди за Би-би-си дека неговата агенција, исто така, го истражува инцидентот.
Човекот во видеото, кој се претставува на социјалните мрежи како „Skydive_Kenya“ и се опишува себеси како „зависник од адреналин“, сподели друго видео во вторник. Во него, тој им дава моркови на два слона, а потоа вели: „Време е за пиво“. Стотици коментари, вклучително и повици за депортација, доведоа до отстранување на тие објави.
Ова не е единствениот прекршок на туристот. Пред неколку дена, тој објави видео од себе како храни носорог во блискиот резерват Ол Пеџети. „Ги прекрши нашите правила затоа што не му беше дозволено да допира носорози, тие не се домашни миленици“, рече Дилан Хабил од Ол Пеџети.
Tourists jumped out of their Safari vehicles and rushed to the banks of the river in Maasai Mara to witness the wildebeests’ migration and they blocked their path to the extent that the wildebeests even had to jump back into the water.
A Less than a meter gap! Infuriating. pic.twitter.com/yq2nqDWadG
— BRAVIN YURI (@BravinYuri) August 20, 2025
Откако видеото стана вирално, Министерството за туризам објави построги правила, вклучително и барање туристичките оператори да обезбедат почитување на правилата на паркот.
фото: принтскрин
Свет
Токио објави видео од вештачка интелигенција од ерупцијата на вулканот Фуџи за да ги подготви жителите

Вулканот Фуџи не еруптирал од 1707 година. Сепак, за да го одбележат Денот на подготвеност за вулкански катастрофи, властите во Токио објавија вештачки генерирани видеа кои симулираат потенцијална вулканска ерупција.
Видеата, објавени оваа недела, имаат за цел да ги подготват 37-те милиони жители на поширокото метрополитенско подрачје на Токио за потенцијална катастрофа.
Видео од Владата на Токио предупредува дека ерупцијата може да се случи „во секое време, без предупредување“. Видеото покажува вулканска пепел како го обвива центарот на Токио, на околу 100 километри оддалеченост, за неколку часа, парализирајќи го сообраќајот, прекинувајќи го снабдувањето со храна и електрична енергија и предизвикувајќи долгорочни респираторни проблеми.
Видеото завршува со пораката: „Мора да се вооружиме со факти и да се подготвиме за катастрофа во нашиот секојдневен живот“. Еден кадар ја прикажува оставата на семејството полна со конзервирана храна и комплети за прва помош.
Токиските власти соопштија дека во моментов нема знаци за ерупција на вулканот Фуџи. „Симулацијата е дизајнирана да ги опреми жителите со точно знаење и мерки за подготвеност што можат да ги преземат во случај на вонредна состојба“, се вели во соопштението.
Но, видеата предизвикаа вознемиреност и конфузија кај некои жители. „Дали навистина има знаци на ерупција? Зошто сега слушаме работи како „може да падне 10 сантиметри пепел“, дури и во Токио? Се прашувам зошто ова се случува одеднаш“, рече Шиничиро Карија, 57-годишен вработен во болница.
Европа
Кремљ: Тешко е да се замисли дека нашите дронови летаат над Германија

Според „Њујорк тајмс“, беспилотни летала што им припаѓаат на Русија или на нејзините посредници летале над рутите што транспортираат американски воени резерви во Германија.
Повикувајќи се на американски и западни претставници, весникот наведува дека Москва собира разузнавачки информации што би можеле да се искористат за „интензивирање на саботажната кампања на Кремљ“ и „помош на неговите сили во Украина“. Американските и германските претставници „разговараат за руските саботажни напори“, се додава во статијата.
Запрашан за извештајот, портпаролот на Кремљ, Дмитриј Песков, рече дека Москва немала време детално да го проучи. „Но, тешко е да се замисли“, рече тој.
„Затоа што тогаш Германците би го виделе јасно и тешко дека би молчеле. Значи, се разбира, сето ова повеќе личи на уште една измислица на весникот“.