Свет
Поранешен израелски воен командант: Нетанјаху лаже дека го елиминира лидерот на Хамас

Јаир Голан, поранешен заменик началник на Генералштабот на израелската армија и сегашен член на Кнесетот од партијата Мерец, рече дека секогаш кога премиерот Бенјамин Нетанјаху и кажува на израелската јавност дека е способен да ги отстрани сите водачи на движењето на исламскиот отпор Хамас и ги спаси сите израелски заложници во исто време, тој всушност ги лаже.
Во говорот на Универзитетот Рајхман Голан објасни дека израелската влада мора прво да ги врати заложниците, а потоа да се надева дека ќе стигне до Хамас, под услов нејзината примарна цел да остане да го спречи Хамас да ја обнови власта во Појасот Газа.
Пензионираниот генерал-мајор на израелската армија смета дека политиката на Нетанјаху се заснова на слабеење на палестинската власт и обезбедување на еден вид стабилност на Хамас од 2009 година, а исто така рече дека тоа е еден од главните фактори што доведоа до неуспех на Израел на 7 октомври 2023 година.
Голан истакна дека палестинските власти, особено во 2009 година, работеле подобро и дека нивната безбедносна координација со Израел била поефикасна, додека координацијата со Хамас била на најниско ниво, особено по операцијата „Леано олово“, како што тврди тој.
Тој додаде дека Нетанјаху, пак, работи на промена на рамнотежата на палестинската моќ бидејќи според него „слабеењето на палестинската управа“ ќе овозможи изградба на нови израелски населби.
Што се однесува до повоената фаза, Голан вели дека Израел нема да може директно да им ја предаде Газа на своите жители, додавајќи: „Не верувам дека имаме партнер во Газа. Ќе започнеме со силна меѓународна соработка, а дури потоа ќе ги најдеме меѓу жителите на Појасот Газа оние кои можат да управуваат со нивните животи“, сугерирајќи дека палестинската управа би можела да биде одговорна за управување со граничните премини во Појасот Газа, барем во првата фаза, за подоцна да се зголеми капацитетот на нејзините обврски.
Во врска со ситуацијата на северот на Израел, Голан рече дека ако е тој на местото на Нетанјаху, ќе ги повика повеќето жители од северот да се вратат во своите домови, дури и без дипломатски договор со Хезболах, додавајќи дека некои села навистина се многу блиску до границата и дека ќе мора да чекаат подолг период, но во исто време нагласува дека градовите како Рас Накура се надвор од дострелот на противтенковски ракети и дека нивните жители треба да се вратат во своите домови, бидејќи не се позагрозени од жителите на градот Нахарија, кои не беа евакуирани од нивните живеалишта.
Голан не очекува војна од големи размери меѓу Израел и Хезболах, бидејќи тоа не го сакаат ниту САД, ниту Иран. Според него, Вашингтон ќе го одврати Израел од тоа, додека Техеран ќе го одврати Хезболах.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Земјотресот во Мјанмар ослободил енергија еднаква на 334 атомски бомби

Земјотресот со јачина од 7,7 степени според Рихтеровата скала што во петокот го погоди Мјанмар испуштил енергија што е еквивалентна на повеќе од 300 експлозии на атомски бомби, изјави геологот Џес Феникс за Си-Ен-Ен.
Таа, исто така, предупреди дека последователните потреси би можеле да продолжат со месеци.
„Моќта ослободена од ваков земјотрес е околу 334 атомски бомби“, рече Феникс.
MASSIVE ground rupture/crack has appeared in Myittha, Mandalay Region, following the powerful M7.7 earthquake in Myanmar 😱👀 pic.twitter.com/vFlPet0XPH
— Volcaholic 🌋 (@volcaholic1) March 28, 2025
Таа објасни дека потресите ќе продолжат бидејќи индиската тектонска плоча сè уште се спушта под евроазиската плоча во областа Мјанмар.
Феникс додаде дека размерите на уништувањето дополнително ќе се влошат со граѓанската војна во земјата.
Во земјотресот загинаа над 1.000 луѓе.
Регион
Драма на небото над Хрватска: авион полета за Фанкфурт, па се врати назад за 20 минути

Авион на „Кроација ерлајнс“ кој утринава полета од Загреб за Франкфурт се врати на аеродромот „Фрањо Туѓман“ по само 20 минути лет, јавуваат патниците.
Авионот морал да се врати поради технички проблеми.
„Мала техничка неисправност. Сега седиме во авион во Загреб“, вели патникот, пренесе „Вечерњи“.
Како што се додава станува збор за авион „Даш 8“, кој е дел од националниот превозник од 2008 година, што значи дека лета веќе 17 години.
За таков модел, тоа е приближно две третини од работниот век, што во Европа е во просек 25 години.
Авионот е еден од петте вакви турбопромотори што ги има Хрватска во својата флота, 9A-CQA е најстар. Во последните седум дена имаше во просек по седум лета дневно.
Свет
(Видео) Жена се породи на улица, болницата евакуирана по силниот земјотрес

Жена се породи на улица во Бангкок вчера, откако болницата во која се наоѓала била евакуирана поради силниот земјотрес во Мјанмар.
Таа лежела на носилка, опкружена со медицински персонал кој и помогнал да се породи на отворено.
Поради земјотресот, евакуирани се повеќе болници.
Footage during the earthquake in #Bangkok a baby was born in the park 😭 Waht a story to tell ‘’ I was born during the earthquake ‘’ #แผ่นดินไหว #earthquake #myanmarearthquake #bangkokearthquake #ตึกถล่ม pic.twitter.com/7E0FdzfPEf
— Miia 🩵 (@i30199) March 28, 2025
Пациентите биле преместени во блискиот парк, вклучувајќи ги и оние на носилки и во инвалидски колички. Вработените во болницата продолжија да се грижат надвор, пред зградите на установата.
Земјотресот што го погоди Мјанмар беше еден од најразорните во последните сто години.
Според Геолошкиот институт на САД (USGS), епицентарот бил на 17 километри од Мандалеј. Бројот на загинати се искачи на повеќе од 1.000, а спасувачите се уште трагаат по преживеани под урнатините. Воената хунта прогласи вонредна состојба и повика на помош, додека ОН потврдија дека се во контакт со властите.