Свет
Поранешен шеф на кампањата на Трамп: Споделив доверливи информации со Русите
Пол Манафорт, кој беше менаџер на кампањата на поранешниот американски претседател Доналд Трамп во 2016 година, призна дека споделил доверливи податоци од анкетите со руски шпион во исто време кога Москва се мешала во изборите во корист на Трамп.
Во интервју за Инсајдер, Манафорт – кој подоцна беше осуден за даночно затајување, но доби помилување од поранешниот претседател – рече дека ги споделил податоците, кои Министерството за финансии ги опиша како „чувствителни информации за анкетите и стратегијата на кампањата“, со осомничениот руски разузнавач, офицерот Константин Килимник со надеж за финансиска добивка за себе наместо да учествува во напорите на Русија да му помогне на Трамп да ја победи Хилари Клинтон.
„ Информациите што ги споделив со него беа комбинација од информации од јавен карактер и стари информации“, рече Манафорт, чие тврдење е спротивно на она што му го кажал на својот поранешен заменик Рик Гејтс во е-поштата што ја запленија федералните истражители за време на истрагата на Министерството за правда за тоа дали кампањата на Трамп го сторила тоа.
BREAKING: Paul Manafort, who served as Trump’s campaign chair, admits that in 2016 he shared Trump campaign polling data with Konstantin Kilimnik, a business associate with ties to Russian intelligence. Kilmnick then passed the info along to Russian spies. https://t.co/1fOgt4p6td
— Jon Cooper (@joncoopertweets) August 8, 2022
Во е-поштата, која беше запленета од истражителите кои работеа за тогашниот специјален советник и поранешен директор на ФБИ, Роберт Мулер, се вели дека Манафорт му наредил на Гејтс – кој исто така беше осуден за повеќе федерални злосторства – да му достави на Килимник внатрешни информации од само две недели пред состанокот.
Поранешниот консултант и лобист на Републиканската партија разговараше за „Инсајдер“ пред објавувањето на неговите мемоари, во кои наводно понудил уште едно објаснување за односите со Килимник.
Според „Инсајдер“, Манафорт во својата книга тврди дека на осомничениот шпион му понудил само „разговорни точки“ за анкетите, а не чувствителни необработени податоци. Но, Министерството за финансии го санкционираше Килимник во 2021 година за давање информации што Манафорт му ги дал на руските разузнавачки служби, кои користеле анкетни податоци за да ги таргетираат американските гласачи со информативни операции насочени кон зголемување на гласовите за Трамп и оцрнување на Клинтон.
Вчера агенти на ФБИ извршија рација во имотот на Трамп во Мар-а-Лаго во Флорида и го скршија сефот како дел од истрагата за тоа дали поранешниот претседател земал доверливи документи од Белата куќа и ги носел дома.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Србија испраќа хуманитарна помош за Палестинците: Денеска и утре летаат авиони со стока наменета за загрозените во Појасот Газа
Владата на Србија соопшти дека го усвоила Заклучокот за испраќање хуманитарна помош во стока за Палестина, како форма на помош за ранливото население поради критичната хуманитарна ситуација во Појасот Газа.
Хуманитарната помош се дава во вид на храна, вода, медицинска опрема, како и шатори за сместување на семејствата, а вкупната вредност на робата е близу три милиони евра, со тежина од околу 900 тони.
Едниот авион денеска ќе ја земе помошта, а другиот утре, се наведува во соопштението и се додава дека „никој не може да процени“ кога оваа стока ќе стигне до жителите на Газа, со оглед на сложеноста на ситуацијата. Остатокот од хуманитарната помош во неколку наврати ќе биде транспортиран со бродови.
Владата се согласи со предлогот на Министерството за надворешни работи да одговори на повикот на специјализираната агенција на Обединетите нации за образование, наука и култура (УНЕСКО) за обезбедување финансиска поддршка на Програмата за итна помош на Газа, со уплата на средства во износ од 10.000 евра.
Регион
Внатрешната контрола на полицијата бара суспензија на тројцата полицајци кои го испрашуваа Драгијевиќ
Смртта на Далибор Драгијевиќ, братот на осомничениот за убиството на девојчето Данка Илиќ (2) со недели е во фокусот на јавноста бидејќи обдукцијата покажала дека тој починал од насилна смрт додека бил во полициски притвор. Целиот случај со насилна смрт го истражува Секторот за внатрешна контрола (СУК), кој, според неофицијалните информации побарал суспензија на тројцата полицајци кои кобниот ден го испрашувале Драгијевиќ во станица.
Откако на 1 мај Одделот за внатрешна контрола изврши увид во полицијата во Бор, а со цел да се утврдат околностите под кои почина Драгијевиќ на 7 април, надлежните од СУК и предложија на надлежната организациска единица на Управата на полицијата да се спроведе дисциплинска постапка поведена против тројца членови на Одделението за криминалистички истраги на ЈУ Бор – Д.Б, И.С и Д.П, како и да донесе решение за времено отстранување од служба.
Според неофицијалните информации Далибор Драгијевиќ бил малтретиран од полицијата од моментот кога бил приведен поради сомнение дека му помогнал на својот брат да го скрие телото на Данка.
Во текот на денот бил претепан од одредени припадници на полицијата, додека го носеле на различни локации за да им покаже каде е телото на двегодишното девојче, за што тврдел дека не знае.
Свет
Зеленски го разреши главниот телохранител по обидот за атентат
Украинскиот претседател Володимир Зеленски го отпушти шефот на агенцијата одговорна за неговата заштита. Промената дојде откако двајца службеници на агенцијата беа приведени за планирање на атентатот на Зеленски.
Разрешувањето на шефот на Државната стражарска служба (УДО) Серхиј Руд е објавено со указ на претседателската веб-страница. Причината за отказот не беше наведена. Руд беше назначен за главен телохранител на Зеленски во октомври 2019 година. Се уште не е објавено кој ќе го замени.
Двајца полковници обвинети за предавство
Задачата на УДО е да обезбеди безбедност на украинскиот претседател и високи владини претставници, како и заштита на административните згради.
Претходно оваа недела беше објавено дека се уапсени двајца безбедносни службеници кои наводно биле вклучени во руски заговор за атентат врз Зеленски. Двајца полковници на УДО се обвинети за „субверзивни активности против Украина во замена за финансиска компензација“, соопшти канцеларијата на главниот украински обвинител.
Двајцата беа обвинети за предавство, додека еден беше обвинет за подготовка на терористички акт.