Свет
Поранешниот премиер на Малезија се подготвува за судењето за корупција
Пранешниот малезиски премиер, Наџиб Разак, кој изминативе неколку недели се обидуваше да се ослободи од имиџот на богат елитен политичар и да изнуди јавно сочувство од граѓаните, во вторникот го чека судење за корупција.
Наџиб се изјасни како невин по обвиненијата за кривично прекршување на довербата, злоупотреба на моќта и перење пари во првото од многуте рочишта за извршена измама од над една милијарда долари во државниот фонд 1Malaysia Development Berhad (1MDB).
Судењето почнува девет месеци откако Малезијците на изборите го отстранија Наџиб од функцијата. Јавноста беше згрозена од наводите дека околу 4,5 милијарди долари биле украдени од 1МDB, а околу една четвртина од нив завршиле на неговите лични банкарски сметки.
Набргу по изборите во мај 2018 година, полицијата откри предмети и готовина во вредност од 300 милиони долари на имоти поврзани со Наџиб.
Но, со наближувањето на датумот на судењето, Наџиб, кој продолжува да тврди дека е невин, се обиде да се претсатви себеси како жртва на владата предводена од премиерот Махатир Мохамад, кој ги отфрли неговите обиди карактеризирајќи ги како обични приказни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.