Свет
Семејства и војници од ИСИС бегаат од Сирија
Припадници на терористичката организација Исламска држава пребегуваат од последната територија која е под контрола на ИСИС во Сирија, јавува Би-би-си.
Мажи, жени, деца, многу од нив со сериозни повреди, без храна, сè побргу ја напуштаат енклавата.
Припадниците на ИСИС се предават во селото Багуз, каде што се наоѓаат базите на Сириските вооружени демократски сили (СДФ), кои се борат во коалиција со армијата на САД.
Претседателот на САД, Доналд Трамп, во средата соопшти дека територијата окупирана од страна на Исламската држава во Сирија ќе биде ослободена 100 отсто до наредната недела.
Командантите на СДФ преговараат за можен договор со кој ќе бидат ослободени неколку членови од СДФ, кои ИСИС ги држи заробени во Идлиб, северозападна Сирија, предел што не е под контрола на сириската влада.
Според информации од локални извори, повеќето од тие што избегале се жените и децата на борците на ИСИС.
Голем број иселени Сиријци веќе се враќаат во своите домови во областите што СДФ ги ослободи минатиот месец, иако голем дел од градовите се уништени од војната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кандидат за градоначалник во Мексико е убиен во пукање на предизборен митинг
Кандидатот за градоначалник Лусеро Лопез Маза и уште пет лица, од кои едно младо девојче, беа убиени во пукање на предизборен митинг во градот Ла Конкордија во јужната мексиканска држава Чиапас, пренесе АП.
Покрај тоа, две лица се ранети.
„Конфликтот избувна меѓу вооружени цивили за време на политички митинг“, соопшти обвинителството.
Свет
Лидерот на опозициската Напредна Словачка и неговото семејство добија смртни закани
Лидерот на опозициската Прогресивна Словачка (ПС) Михал Симецка поднел кривична пријава поради смртните закани што ги добиле неговата партнерка, ќерката и тој самиот, соопштија за словачката новинска агенција ТАСР во прес-службата на ПС.
Симецка објави дека добил неколку „конкретни и драстични“ смртни закани од „одредени луѓе“, посочувајќи дека слични закани со години биле упатени до словачката претседателка во заминување Зузана Чапутова.
Тој изрази уверување дека повеќето политичари, новинари и јавни функционери кои го изразуваат своето мислење се соочуваат со смртни закани.
Свет
Обвинителството бара притвор за атентаторот на Фицо, одлука судот ќе донесе утре
Утре судијата на Специјализираниот кривичен суд во Словачка ќе донесе одлука за притвор на осомничениот за атентатот на премиерот Роберт Фицо- Јураја Цинтула.
Надлежниот обвинител до судот веќе достави предлог за изведен притвор за 71-годишниот левичар, кој во средата по владината седница неколкупати пукаше во премиерот и тешко го рани. Обвинителот бара притвор за обвинетиот поради евентуално бегство и поради ризик од повторување на делото, изјави портпаролката на судот Катарина Куѓакова.
Цинтула беше уапсен веднаш по нападот и се соочува со обвиненија за обид за убиство од прв степен од одмазда, а се соочува со 25 години затвор, па дури и доживотен затвор. Според министерот за внатрешни работи, Матус Шутај Ешток и министерот за одбрана Роберт Калињак, нападот бил политички мотивиран, пренесува Актуалити.
Состојбата на премиерот Роберт Фицо и понатаму е сериозна и тој е на одделението за интензивна нега.