Свет
Посетителите на технофестивалот го опишаа масакрот од Хамас: „Како во хорор-филм“
Со недели возбудените музички фанови го очекуваа фестивалот „Супернова“, кој се одржуваше во пустината во јужен Израел.
„Време е целото семејство повторно да се собере. Колку забавно ќе биде!“, напишаа организаторите на социјалните мрежи пред почетокот на фестивалот.
Само неколку часа подоцна нивните страници на социјалните мрежи беа преплавени со објави на очајни луѓе што се обидуваа да си ги најдат саканите откога палестинските милитанти упаднаа на фестивалот и отворија оган како дел од големиот ненадеен напад врз Израел, пишува Би-би-си.
Наводно, повеќе од 260 тела се извлечени од местото на фестивалот, според агенцијата за спасување „Зака“.
„50 терористи пристигнаа со комбиња, пукаа во луѓе и автомобили“
Ортел, еден од учесниците на фестивалот, рече дека првиот знак дека нешто не е во ред го забележале кога се огласила сирената пред зори предупредувајќи за ракети. Очевидци велат дека ракетите набргу биле проследени со истрели од огнено оружје.
„Тие ја исклучија струјата и одеднаш милитантите влегоа од никаде пукајќи и отворајќи оган на сите страни“, изјави тој за израелскиот „Канал 12“.
„Педесет терористи пристигнаа со комбиња, облечени во воени униформи. Луѓето се обидоа да избегаат од местото на фестивалот, трчаа преку песокот, седеа во автомобилите“, рече тој. Посетителите на фестивалот велат дека имало и џипови полни со вооружени луѓе, кои пукале од автомобилите.
„Тие испукаа рафали и стигнавме до точка кога сите ги запреа возилата и почнаа да трчаат. Влегов зад грмушка, а тие само почнаа да пукаат во луѓето. Додека лежеа наоколу, се обидував да разберам што се случува“, изјави еден посетител на фестивалот за Би-би-си.
„Се преправав дека сум мртов“
Фестивалот, со три бини, простор за кампување и храна и бар, се одржа во пустината Негев, во близина на Кибуц Реим. Местото на фестивалот е недалеку од Појасот Газа, од каде што борците на Хамас го почнаа својот напад в зори. Тие извршија рации во градовите и селата и зеле десетици луѓе како заложници.
Посетителот на фестивалот Адам Барел изјави за „Хаарец“ дека сите биле свесни за можноста од ракетен истрел во областа, но дека пукањето дошло како шок. Како и многу други, тој се обидел да избега со својот автомобил, но вооружените напаѓачи пукале кон нив, па тој излегол и почнал да бега.
„Луѓето беа застрелани. Се криев. Сите бегаа“, рекол Бурел.
Естер Борочов изјави за „Ројтерс“ дека возела од фестивалот кога автомобил удрил во нејзиното возило. Млад човек во другиот автомобил и рекол да влезе во возилото со него, а кога таа го направила тоа, тој бил застрелан од непосредна близина. Естер изјави за Би-би-си дека се преправала оти е мртва додека не била спасена од израелската армија.
Луѓето се криеја во овоштарници и грмушки
Многу посетители на фестивалот, како Ортел, поминувале часови криејќи се во блиските грмушки и овоштарници надевајќи се дека војската ќе пристигне и ќе ги спаси.
„Го спуштив мобилниот телефон и почнав да лазам низ овоштарникот. Се пукаше над мене, минуваа куршуми, жив оган“, изјави Ортел.
Гили Јоскович за Би-би-си раскажа како се скрила во овоштарник.
„Тие пукаа од дрво на дрво. Видов луѓе како умираат. Бев многу тивка, не плачев… По три часа, ги слушнав гласовите на израелските војници, па истрчав на безбедно“, рече таа.
„Тоа беше масакр“
Друг сведок на настанот за „Канал 12“ изјави дека сѐ изгледало како хорор-филм, кој траел неколку часа.
„Трчавме како луди, беше лудо“, рече тој.
„Тоа беше масакр“, рече Јанив, болничар од брзата помош, кој беше на фестивалот.
„Никогаш не сум видел нешто слично во мојот живот, тоа беше заседа. Луѓето излегоа преку излезот за итни случаи, а таму ги чекаа терористичките одреди и тие само ги киднапираа“, изјави Јанив.
„Имаше 3.000 луѓе на настанот, па веројатно знаеја“, додаде тој. Пријателите и членовите на семејството на исчезнатите од фестивалот сега очајно се надеваат дека ќе ги најдат.
Киднапирани посетители на фестивалот
Меѓу исчезнатите се и Британецот Џејк Марлоу (26), кој работел како обезбедување на фестивалот, и германската туристка Шани Лук, чија мајка верува дека е киднапирана.
Се верува дека е киднапирана и 25-годишната Ноа Аргамани, велат нејзиното семејство и пријателите. Нејзиниот пријател Амит Папара изјави за Би-би-си дека ѝ праќал пораки на 25-годишната девојка додека таа се криела.
„Последната порака од неа ја добив околу 8.30 ч. Подоцна, на социјалните мрежи видов дека е заробена. Видов како ја одземаат од нејзиното момче“, рекла таа.
Родителите на 23-годишниот Херш Голберг-Полин го бараат и својот син, кој бил таму откога го прославил роденденот. Тие за „Јерусалем пост“ изјавија дека во саботата наутро добиле две кратки пораки од него, на кои пишувало „Ве сакам“ и „Жал ми е“.
Најмалку 600 Израелци се убиени од почетокот на нападот, според последните извештаи на локалните медиуми. Борбите меѓу израелската армија и палестинските милитанти продолжуваат, а Израел почна бран воздушни напади врз Газа. Најмалку 413 лица загинаа во нападите, велат палестинските власти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Захарова: ЕУ се обидува да го саботира самитот Путин-Трамп
Европската унија прави сè што е во нејзина моќ за да го поткопа претстојниот самит меѓу рускиот претседател Владимир Путин и неговиот американски колега Доналд Трамп, соопшти руското Министерство за надворешни работи.
Портпаролката на министерството, Марија Захарова, изјави дека блокот „продолжува со напорите за ескалација на конфликтот во Украина“, пишува RT.
„Субверзивни акции“ пред самитот
Денес, Захарова за ТАСС изјави дека ЕУ спроведува „активни субверзивни акции“ пред планираниот состанок во Будимпешта. Нејзините коментари следеа по напис во шпанскиот весник Ел Паис, во кој се наведува дека Брисел ги гледа разговорите како „политички кошмар“.
Повикувајќи се на дипломатски извори, весникот објави дека самитот ја ставил ЕУ „во незгодна позиција“, бидејќи Путин и Трамп ќе разговараат за потенцијално решение на конфликтот во Украина во земја-членка на ЕУ, но без учество на блокот.
Обвиненија за ескалација
Захарова рече дека „агресивната западноевропска заедница сака да ги саботира сите мирни аспирации“ поврзани со конфликтот.
„Гледаме изјави, закани што се упатуваат“, додаде таа.
Таа нагласи дека Западноевропејците „очигледно прават сè за да го ескалираат конфликтот“ меѓу Москва и Киев. Според неа, тие се однесуваат вака од 2022 година, кога ги „спречија“ мировните преговори во Истанбул.
„Непрофесионалци на чело на Европа“
Захарова рече дека спорадичните изјави за потребата од мир што доаѓаат од главните градови на ЕУ и Лондон се само „камуфлажа“.
„Всушност, тие прават сè што можат за да постигнат ескалација. Тешко е да се каже дали тие всушност разбираат што прават, со оглед на тоа колку непрофесионалци се на чело на сите овие западноевропски земји“, забележа таа.
Според портпаролот на Кремљ, Дмитриј Песков, местото го предложил Трамп, а Путин „веднаш ја поддржал“ идејата. Самитот би можел да се одржи во следните две недели или подоцна, додаде Песков.
Фото: принтскрин
Свет
Кремљ обвини дека ЕУ се обидува да го саботира претстојниот самит меѓу Путин и Трамп
Кремљ обвини дека Европската Унија се обидува да го саботира претстојниот самит меѓу Владимир Путин и Доналд Трамп во Будимпешта, пренесоа руските медиуми.
Портпаролката на руското Министерство за надворешни работи, Марија Захарова, изјави дека ЕУ спроведува активни субверзивни активности и дека западноевропските земји свесно го ескалираат конфликтот во Украина.
Нејзината изјава следува по пишувањето на „Ел Паис“ дека Брисел гледа на состанокот како на политички кошмар бидејќи Путин и Трамп би разговарале за Украина во земја членка на ЕУ, без учество на самиот блок.
Захарова додаде дека западните држави само привидно зборуваат за мир, а всушност прават сè за да го продлабочат конфликтот.
Путин и Трамп неодамна разговараа телефонски речиси два и пол часа, а според портпаролот на Кремљ, Дмитриј Песков, средбата во Будимпешта ја предложил Трамп, а Путин веднаш ја прифатил. Самитот би можел да се одржи во следните две недели.
Свет
(Видео) Дали Трамп e повторно цел? Зголемени безбедносните мерки
Американскиот претседател Доналд Трамп бргу се качи на „ер форс уан“ користејќи мали скали поради зголемените безбедносни мерки на меѓународниот аеродром „Палм Бич“ во неделата, изјави функционер на Белата куќа за „Фокс њуз“.
Зголемените мерки на аеродромот дојдоа откога Тајната служба откри сомнително ловиште во петокот во близина на аеродромот со јасна линија на видливост кон „ер форс уан“ додека Трамп се качува и излегува од претседателскиот авион.
🚨⚡️UNUSUAL
It is claimed that an assassination attempt on Trump was thwarted
In a sudden security development, U.S. President Donald Trump used the small staircase to board Air Force One at Palm Beach Airport, after the Secret Service discovered a suspicious situation… pic.twitter.com/kmKhhnaSpe
— RussiaNews 🇷🇺 (@mog_russEN) October 20, 2025
„Фокс њуз“ беше првиот што објави за откривањето на потенцијалната позиција за снајперист. Никој не беше уапсен.
Директорот на ФБИ, Кеш Пател, рече дека неговата агенција истражува и дека ловиштето сè уште не е поврзано со никого.
„Пред враќањето на претседателот во Вест Палм Бич, американската морнарица откри нешто што изгледаше како издигнато ловиште во линијата на видливост на зоната за слетување на ‘ер форс уан’“, изјави Пател за „Фокс њуз диџитал“. „Никој не беше пронајден на местото на настанот. ФБИ оттогаш ја презеде водечката улога во истрагата обезбедувајќи ресурси за собирање на сите докази од местото на настанот и применувајќи ги нашите можности за анализа на мобилни телефони“.
Шефот на комуникациите на американската морнарица, Ентони Гуљелми, исто така потврди дека организацијата тесно соработува со ФБИ, како и со органите за спроведување на законот во округот Палм Бич.
Гулљелми рече дека агентите го откриле местото за лов за време на нивните прелиминарни безбедносни подготовки пред пристигнувањето на Трамп во Палм Бич.
„Немало влијание врз никакво движење и ниедно лице не било присутно или вклучено на локацијата“, изјави Гуљелми за „Фокс њуз“.
„Иако не сме во можност да дадеме детали за конкретните предмети или нивната намера, овој инцидент ја истакнува важноста на нашите повеќеслојни безбедносни мерки“, додаде тој.
Истрагата доаѓа неколку недели откога Рајан Рут беше прогласен за виновен за обид за атентат врз Трамп на голф-терен во Палм Бич од снајперско гнездо што го поставил во грмушките покрај оградата.
Фото: принтскрин
Не сум фокусиран на противникот затоа што противник и немам, тука сум за народот, вели Ѓорѓиевски и најавува посилно темпо
Кандидатот за градоначалник на Скопје од ВМРО-ДПМНЕ, Орце Ѓорѓиевски, кој наспроти очекувањата, не победи во прв круг, вели дека уште...
(Видео) Николоски: Победа на ВМРО-ДПМНЕ во првиот круг во 33 општини, оставка од Филипче
Македонија е обoена во црвено. ВМРО-ДПМНЕ ја има убедливо најголемата победа на локални избори до сега, било кога видена во...
Втор круг во Аеродром, Центар, Карпош и Шуто Оризари, шест скопски општини добија градоначалници во првиот круг
Граѓаните во шест скопски општини веќе избраа градоначалници во првиот круг – Бутел, Чаир, Гази Баба, Кисела Вода, Ѓорче Петров...
Шукова: Резултатот не е оној што го посакувавме, сепак се гордеам со кампањата што ја водевме
Кандидатката за градоначалник на Град Скопје од СДСМ, Каја Шукова, се огласи на социјалните мрежи откако вчера не успеа да...
ВМРО-ДПМНЕ доминира во Советот на Град Скопје со 18 мандати, Левицата, „Влен“ и ДУИ имаат по 6
ВМРО-ДПМНЕ освои најголем број гласови во Советот на Град Скопје, вкупно 35,15 отсто, или 81.649 гласови. Со тоа, бројот на...
Го удирал со дрвена ногарка по главата, а потоа легнал да спие и го оставил брата си да лежи во крв: 37-годишник осомничен за обид за убиство
Јавен обвинител од Основното јавно обвинителство Скопје донесе Наредба за спроведување истражна постапка против лице за кое постои сомнение дека...
СДСМ по изборите: Oстануваме втора најсилна партија, ВМРО-ДПМНЕ и ЗНАМ имаат пад на поддршката
По обработени 99 отсто од гласовите, од СДСМ соопштија дека владејачката ВМРО-ДПМНЕ, заедно со коалицискиот партнер ЗНАМ, забележала голем пад...
ВМРО-ДПМНЕ добива 32 градоначалника во првиот круг, „Влен“ зад нив со победа во пет општини
ВМРО-ДПМНЕ е убедлив победник во првиот круг од локалните избори, со освоени 32 општини, покажуваат утрово податоците објавени на страната...
Зеленски: Украина нема ништо да му подари на агресорот и нема ништо да заборави
Украинскиот претседател Володимир Зеленски изјави дека Украина „ниту ќе ѝ даде ниту ќе ѝ заборави“ нешто на Русија најавувајќи зајакнување...
(Фото) Огромно парче запален отпад откриено во пустина во Австралија: најверојатно е вселенски отпад
Огромно парче запален отпад откриено во пустината Пилбара во Западна Австралија најверојатно е вселенски отпад што повторно влегол во атмосферата...
(Видео) Товарен авион „боинг 747“ се излизга од пистата во морето во Хонг Конг, двајца мртви
Товарен авион од Дубаи се излизга од пистата во морето при слетувањето на Меѓународниот аеродром во Хонг Конг рано утрово,...
(Видео) Трамп: Не му кажав на Зеленски дека мора да ѝ го предаде целиот Донбас на Русија
Американскиот претседател Доналд Трамп им потврди на новинарите во „Ер Форс Уан“ дека прекинот на огнот меѓу Израел и Хамас...
(Видео) Се појави снимка од ограбувачите на „Лувр“
Вчераутро, околу 9.30 часот, група од четири маскирани разбојници извршија брз и прецизен грабеж во музејот „Лувр“ во Париз, во...
Орце Ѓорѓиевски и Амар Мециновиќ одат во втор круг за градоначалник на Скопје, ВМРО-ДПМНЕ и Левицата имаат најмногу гласови и во Советот
Кандидатите за градоначалник на Град Скопје од ВМРО-ДПМНЕ и Левица, Орце Ѓорѓиевски и Амар Мециновиќ ќе се соочат во вториот...
Орце не бегај од дебата, од вечерва Левица е вистински лидер на опозицијата, порача Апасиев
Вечерва објавуваме дека Левица станува лидер на опозицијата во Македонија, објави на прес-конференција Димитар Апасиев, лидерот на оваа партија. „За...
Победивме убедливо во првиот круг во Струмица, дваесет години чекавме на овој ден, рече Мицкоски и кажа дека Орце Ѓорѓиевски оди во втор круг
Историски резултати се бележат на овие избори и според премиерот и претседател на ВМРО – ДПМНЕ, Христијан Мицкоски. Тој доцна...
СДСМ победи во три општини во првиот круг, Филипче рече дека резултатот не е каков што посакувале сите, но не е лош
Првиот човек на СДСМ, Венко Филипче, соопшти дека партијата на локалните избори победила во три општини во првиот круг –...
„Времето на Ахмети заврши“: „Вреди“ прогласи победа во повеќе општини
Со слободен глас и чиста совест граѓаните ставија крај на ерата на една измама и страв отворајќи го патот за...
Адеми од ДУИ: Историски резултат во Чашка, имаме градоначалници во прв круг и во Гостивар, Липково и Пласница
Арбер Адеми од ДУИ на прес-конференција изјави дека Националната алијанса за интеграција постигнала историски резултат во општина Чашка, која за...
Во повеќето општини низ Македонија во водство се кандидатите за градоначалници од ВМРО-ДПМНЕ, според податоците на ДИК
Во повеќето општини низ Македонија, во моментот во водство се кандидатите за градоначалници од ВМРО-ДПМНЕ, според податоците објавени на страната...
