Свет
Почина Медлин Олбрајт
На 84-годишна возраст почина поранешната американска државна секретарка Медлин Олбрајт.
Нејзината смрт беше потврдена во имејл до персоналот на групата „Олбрајт стоунбриџ“, глобална стратешка фирма основана од Олбрајт.
Below is a statement from the family of @Madeleine: pic.twitter.com/C7Xt0EN5c9
— Madeleine Albright (@madeleine) March 23, 2022
Таа беше првата жена државен секретар на САД, која помогна да се води западната надворешна политика по Студената војна.
Бидејќи не беше родена во САД, таа немаше право да се кандидира за американски претседател и беше исклучена од нуклеарните планови за непредвидени ситуации. Во својата позиција како државен секретар Олбрајт ги зајакна САД и сојузниците, се бореше за демократијата и човекови права и ги промовира американските трговија и бизнис, труд и стандарди за животната средина во странство.
За време на својот мандат, Олбрајт значително влијаеше врз американската политика во Босна и Херцеговина и на Блискиот Исток. Таа го навлече гневот на голем број Срби во поранешна Југославија за нејзината улога во учествувањето во формулирањето на политиката на САД за време на војната нво Косово и војната во Босна, како и на остатокот од Балканот. Но, заедно со претседателот Бил Клинтон таа и понатаму остана главна популарна фигура во остатокот од регионот, особено во Босна и Херцеговина, Косово и во Хрватска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шојгу: Русија никогаш не планирала да ги нападне земјите на НАТО
Русија никогаш не планирала да ги нападне земјите на НАТО, изјави рускиот министер за одбрана Сергеј Шојгу.
„Руската Федерација никогаш не била закана за НАТО. Ние немаме ниту геополитички ниту воени интереси да ги нападнеме земјите од блокот, ние едноставно го штитиме нашиот народ на нашите историски територии“, рече Шојгу на состанокот на министрите за одбрана на земјите-членки на Шангајската организација за соработка (SCO) во главниот град на Казахстан, Астана.
Шојгу нагласи дека Русија секогаш вложувала максимални напори за одржување на стратешката стабилност и рамнотежа на силите во светот, пренесува Интерфакс.
Свет
Трамп: Подготвен сум да го обновам конзервативниот сојуз со Орбан
Поранешниот американски претседател и републикански претседателски кандидат Доналд Трамп изјави дека е подготвен да го обнови конзервативниот сојуз со унгарскиот премиер Виктор Орбан.
Во видео пораката Трамп изјави дека со нетрпение очекува блиска соработка со Орбан кога, како што наведе, повторно ќе положи заклетва како 47-ми претседател на САД, пренесе АП.
Во својата порака Трамп го нарече Орбан голем човек и истакна дека додека бил претседател на САД, работел со него на подобрување на вредностите и интересите на САД и Унгарија.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.