Свет
Почина поранешниот претседател на Италија Џорџо Наполитано

Поранешниот италијански претседател Џорџо Наполитано почина на 98-годишна возраст.
Наполитано имаше блиски односи со папата Бенедикт Шеснаесетти и беше еден од ретките луѓе кои беа предупредени за шокантната оставка на Бенедикт во февруари 2013 година.
Наполитано ги искористи своите овластувања кон крајот на 2011 година за да ја олесни должничката криза со назначувањето на технократот на Европската комисија Марио Монти да ја води владата откако премиерот Силвио Берлусони поднесе оставка.
Две години подоцна, тој формираше голема коалиција под водство на политичарот од левиот центар Енрико Лета по неубедливите парламентарни избори, што повторно ја изведе земјата од ќорсокакот. Наполитано стана претседател во 2006 година. Тој поднесе оставка во 2015 година.
Кабинетот на премиерот Џорџија Мелони изрази сочувство од италијанската влада до семејството Наполитано.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Пораз на Кремљ во Молдавија: проруската партија поразена на клучните избори

Владејачката проевропска Партија за акција и солидарност (ПАС) во Молдавија, предводена од претседателката Маја Санду, го задржа своето парламентарно мнозинство на вчерашните избори. Со преброени повеќе од 98 проценти од гласачките ливчиња, ПАС освои 49,6 проценти од гласовите. Според веб-страницата на Централната изборна комисија, прорускиот Патриотски блок на поранешниот претседател Игор Додон освои 24,5 проценти.
Парламентарните избори во сиромашната, аграрна земја сместена помеѓу Романија, членка на ЕУ, и Украина, се сметаат за клучни. Молдавија, земја со околу 2,4 милиони жители, е кандидат за членство во ЕУ од 2022 година.
Прозападната претседателка Санду се надева дека мнозинството проевропски сили ќе ги продолжат реформите потребни за пристапување во ЕУ. Во споредба со изборите пред четири години, ПАС претрпе одредени загуби.
Таа претходно ја обвини Русија за масовно мешање во изборната кампања. Молдавските власти зборуваа за купување гласови од страна на Русија, дезинформации на социјалните медиуми и сајбер напади.
Проруските сили на блокот Алтернатива (8,1 процент) и Наша партија на бизнисменот Ренат Усати (6,2 проценти) исто така обезбедија места во парламентот од 101 член, избран за четиригодишен мандат.
Неочекувано, Партијата Демократија дома (ППДА), првично основана за промоција на унија со Романија, исто така го помина прагот од пет проценти, освојувајќи 5,7 проценти од гласовите.
Исходот од гласањето во голема мера зависи од учеството на дијаспората. Стотици илјади Молдавци живеат во ЕУ и традиционално имаат значително влијание врз тоа кој владее во нивната татковина.
фото: принтскрин
Свет
(Фото) Најголемиот американски носач на авиони во Норвешка; НАТО: Не го гледате ова секој ден

Втора ноќ по ред, неидентификувани дронови летаа над данското небо, потврди данското Министерство за одбрана. Ова е најновиот во низата инциденти што се регистрирани над воените бази во една недела, а поради кои исто така привремено беше затворен и аеродромот во Копенхаген.
Како одговор на зголемените закани, НАТО објави засилување на својата мисија во Балтичкото Море со испраќање фрегата за воздушна одбрана и дополнителни средства за следење и надзор.
That's something you don't see every day!
The world’s largest aircraft carrier, 🇺🇸 USS Gerald R. Ford, sailing in the Oslofjord 🇳🇴 pic.twitter.com/nJ6xmpo6Xv
— NATO (@NATO) September 28, 2025
НАТО објави фотографија од најголемиот носач на авиони во светот како плови во норвешки води на својот официјален Икс профил.
„Ова е нешто што не се гледа секој ден. Најголемиот носач на авиони во светот, USS Gerald R. Ford, плови во Ослофјорд“, се вели во соопштението на НАТО.
Слични инциденти се регистрирани во Норвешка, каде што неидентификувани авиони се видени во близина на воени бази, а полицијата продолжува да истражува инциденти во воздухопловната база Орланд.
фото: принтскрин
Свет
Италијанската полиција фати Албанец со над 27 килограми кокаин

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.
Дрогата била скриена во посебен простор под предните седишта на возилото.
Покарај кокаинот, полицијата го конфискува и возилото, а приведениот е однесен во притвор во затворот во Катанија.
Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.