Свет
Првиот работен ден на Трамп одбележан со масовни протести на жените
Неколку стотици илјади жени протестираа во саботата во неколку американски градови, откако претходно такви се одржаа во европските градови и во Австралија и Нове Зеланд, против новиот американски претседател Доналд Трамп, што во медиумите се оценува како знак со какви размери на противење може да се соочи 45-от претседател на САД на почетокот од мандатот.
тотици илјади жени маршираа низ центарот на Вашингтон, повеќето како и Европејките носејќи розови капи, но и на улиците во Њујорк, Лос Анцелес,Чикаго, Бостон и други американски градови.
Организаторите на протестот во Вашингтон се откажаа од изведување на маршот поради „непланирано голeмиот одѕив, пренесе Associated Press, бидејќи поворката изгледала подолга од една милја (1,6 километри), рекол неименуван извор во градските власти. Во Чикаго, исто така, поради многу големиот број демонстранти преиначена беше одлуката за протестот во поворка.
Во сојузната престолнина организаторите планираа маршот да мине низ градот, но означената маршрута била блокирана од густата толпа. Организаторите очекуваа над 200.000 луѓе, но во центарот на Вашингтон медиумите проценија дека имало околу половина милион демонстранти. Градските власти не можеа да ја потврдат приближната бројка, бидејќи поради ниската облачност не можат да добијат прецизни аероснимки кои им овозможуваат приближно прецизни процени.
Руската агенција РИА јави дека мноштвото народ целосно ја блокирало три километри долгата Национална алеја на којашто се наоѓаат Белата куќа и Капитол, како и Индепендент авенијата по која требаше да се одвива маршот.
Протестот беше мирен за разлика од саботниот кога насилни демонстранти демолираа излози и палеа автомобили и се судрија со полицијата. Многу демонстрантки носеа ткн „пусишат“,розови ками со мачкини уши,алудирајќи на изјавата на Трамп од 2005 година протната од демократите во кампањата дека „жените ги драпа за гениталиите“. На протестот имаше и познати личности, како Мадона и до неодамнешниот државен секретар Џон Кери.
На протестот по инаугурацијата на Доналд Трамп во Чикаго, исто така, дошле многу повеќе луѓе од планираното, и не било возможно да се одржи маршот, бидејќи планираната рута била окупирана од толпата, според организаторите. Полицијата објави дека имало 125.000 луѓе.
Трмап во текот на кампањата разгневи многу неолиберални и либерални Американци, откако некои медиуми емитуваа снимки од негови телевизиски настапи стари и по повеќе од десет години во кои дава оцени и коментари кои се понижувачки за жените, а потоа се надоврзаа и активистите кои го критикуваа за неговите изјави во кампањата во врска со муслиманските доселеници и илегалните имигранти од Мексико.
Засега протестите укажуваат колку всушност Соединетите држави се поделено општество, кое не е сé уште закрепната од речиси двегодишните расни протести и мачната кампања за изборите од 2016 година.
Оние кои протестираат против Трамп велат дека се вознемирени од она што „тој има намера да го направи“, а некои велат дека атмосферата ги потсетува на 60-години од минатиот век кога во американските градови се протестираше за женските и граѓанските права.
Иако Републиканската партија на Трамп има целосна контрола на Белта куќа и во двата дома на Конгесот, дел од американското општество блиско на демократите, левите и граѓанските активисти се одлучи за жестоки протести против него во периодот на транзицијата и првите денови од преземањето на власта, што вообичаено период на „меден месец“ меѓу новиот претседател и јавноста. А анкетите покажуваа дека Трамп е најнепопуларниот од своите претходници пред преземањето на мандатот.
Меѓутоа, тој остана доследен и го потпиша во петокот, веднаш по влегувањето во Белата куќа, указот против законот за здравственото осигурување што го донесе неговиот претходник Барак Обама, кој вети дека ќе го укине во текот на својата кампања, објави во саботата Белата куќа. Со тоа навести дека ќе биде истраен во своите остварувањето на своите ветувања во кампањата./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Е-пораки до Епстин и доверливи извештаи – причините за апсењето на принцот Ендрју
Ендрју Маунтбатен-Виндзор, поранешен принц, утрово е уапсен во својот дом на имотот Сандрингем поради сомнение за злоупотреба на положба и овластувања. Апсењето следуваше откако неодамна објавени документи поврзани со Џефри Епстин откриле дека поранешниот војвода од Јорк, како британски трговски пратеник, наводно споделувал доверливи информации со осудениот финансиер и други лица.
Пред објавувањето на милионите документи од истрагите за Џефри Епстин минатиот месец, се очекуваше Маунтбатен-Виндзор да се соочи со апсење поради обвиненија за сексуално злоставување. Починатата Вирџинија Џуфре го обвини за силување, што тој постојано го негираше, а во 2022 година ѝ исплати околу 12 милиони фунти во рамки на спогодба во граѓанска постапка.
Меѓутоа, новите документи ја насочиле полициската истрага во сосема нов правец. Во моментов, вкупно осум британски полициски служби истражуваат различни обвиненија поврзани со братот на кралот. Маунтбатен-Виндзор повеќепати ги негирал сите обвиненија, и оние за сексуално злоставување и оние за злоупотреба на положба.
Сомнителни е-пораки до Епстин
Како што „Телеграф“ објави претходно овој месец, електронските пораки што Маунтбатен-Виндзор му ги испраќал на Епстин додека бил трговски пратеник покажуваат дека со осудениот педофил споделувал доверливи информации. Во октомври 2010 година му препратил службени извештаи од своите посети на Сингапур, Виетнам, Хонг Конг, кои ги составил неговиот тогашен специјален помошник Амит Пател.
Маунтбатен-Виндзор ги испратил извештаите на Епстин само пет минути откако ги примил. Иако во интервју за „Њузнајт“ во 2019 година тврдеше дека на почетокот на декември 2010 година го прекинал пријателството со Епстин, електронските пораки објавени од американското Министерство за правда покажуваат поинаку.
На Бадник истата година му испратил доверлив извештај за можностите за инвестиции во авганистанската покраина Хелманд, каде што обновата ја финансирала владата на Обединетото Кралство.
Во документот со наслов „Хелманд: Комерцијални можности со висока вредност за странски инвестиции“, напишан на 19 декември 2010 година, се наведува дека главните градови на покраината, Лашкар Гах и Герешк, „имаат безбедни индустриски зони што ги проектира и развива ДФИД (Министерството за меѓународен развој)“.
Во извештајот детално се наведуваат деловни можности, вклучително и „значајни наоѓалишта на минерали со висока вредност“ и „потенцијал за евтина експлоатација“ на суровини како злато, иридиум, ураниум, ториум, мермер, нафта и гас.
Според владините правила, трговските пратеници имаат обврска за чување доверливост, која важи и по напуштањето на функцијата. Маунтбатен-Виндзор бил британски трговски пратеник од 2001 до 2011 година.
Се чини дека тој и Епстин планирале да покренат заеднички бизнис во Кина години по осудата на Епстин, и тоа додека Маунтбатен-Виндзор сè уште бил на должност. Деловните разговори, водени преку посредникот Дејвид Стерн, очигледно продолжиле повеќе од пет години по излегувањето на Епстин од затвор.
Стерн, помошник на поранешниот принц, првпат му предложил деловен потфат на Епстин на 24 јули 2010 година, додека овој бил во домашен притвор.
Доверливи податоци и за пријател банкар
Епстин не бил единствената личност на која Маунтбатен-Виндзор наводно ѝ испраќал доверливи информации. Во февруари 2010 година, тогашниот војвода од Јорк побарал од заменичката на својот приватен секретар, Аманда Тирск, да обезбеди интерен владин документ за исландската финансиска криза. Во тоа време Британија и Исланд биле во дипломатски спор поради британските депозити изгубени во банкарската криза во 2008 година.
Аманда Тирск на 8 февруари 2010 година му пишала на Мајкл Елам, главен директор за меѓународни финансии во Министерството за финансии: „Војводата од Јорк се сретна со премиерот на Исланд во Давос и би сакал да ги добие најновите информации за односите меѓу Обединетото Кралство и Исланд во врска со депозитите.“
Една недела подоцна таа примила документ од друг службеник и му го препратила на Маунтбатен-Виндзор. Два часа подоцна тој го препратил на Џонатан Роуланд, близок пријател и поранешен директор на банката „Банк Хавиланд“, која една година претходно купила имот од пропаднат исландски заемодавач.
Во пораката напишал: „Ти го испраќам ова за коментар и предлози, или решение? Се чини дека Аманда добива сигнали дека треба да дозволиме демократскиот процес да се одвива пред вашите потези. Ме интересира твоето мислење? А.“
Полицијата го потврди апсењето
Маунтбатен-Виндзор се соочува и со одделни обвиненија поврзани со можна вмешаност во синџирот на трговија со жени и девојчиња на Епстин. Неколку британски полициски служби проценуваат дали ќе ги истражат тие наводи.
Полицијата на Темз Вали објави соопштение: „Во рамки на истрагата денес (19 февруари) уапсивме маж во шеесеттите години од областа Норфолк поради сомнение за злоупотреба на положба и овластувања и спроведуваме претреси на адреси во Беркшир и Норфолк.“
Полицијата на Темз Вали е надлежна за подрачјето на Виндзор, каде што Маунтбатен-Виндзор живеел во Ројал Лоџ до почетокот на овој месец.
Свет
Прво огласување на кралот Чарлс по апсењето на Ендру
Британскиот крал Чарлс се огласи по апсењето на својот брат и поранешен принц Ендру.
„Со најдлабока загриженост ја примив веста за поранешниот принц Ендру Маунтбатен Виндзор и сомневањето за злоупотреба на јавна функција. Она што сега следи е целосен, фер и правилен процес за соодветно истражување на ова прашање и од страна на надлежните органи. Во ова, како што реков, тие ја имаат нашата целосна и безусловна поддршка и соработка. Да бидам јасен: законот мора да си го направи своето. Додека овој процес продолжува, не би било соодветно да коментирам понатаму. Во меѓувреме, моето семејство и јас ќе продолжиме да ја извршуваме нашата должност и да ви служиме на сите вас. Чарлс Р.“, изјави тој.
Свет
Стармер: Никој не е над законот
Британскиот премиер Кир Стармер изјави дека уапсениот Ендру Маунтбатен-Виндзор треба да разговара со властите во Велика Британија и САД во врска со „скандалот“ околу осудениот сексуален престапник Џефри Епстин, нагласувајќи дека „никој не е над законот“.
Во интервју за Би-Би-Си, Стармер рече дека секој што има релевантни информации има обврска да се јави кај властите.
„Секој што има какви било информации треба да сведочи. Без разлика дали е Ендру или некој друг, секој што има релевантни информации треба да контактира со надлежниот орган“, истакна британскиот премиер, додавајќи дека ова важи не само за случајот Епстин, туку и за сите други случаи на насилство врз жени и девојчиња.
Стармер истакна дека еден од основните принципи на британскиот систем е дека сите се еднакви пред законот.
„Никој не е над законот. Тоа е долгогодишен и многу важен принцип на нашето општество и мора да се примени во овој случај на ист начин како и во секој друг“, рече тој.
Ендру Маунтбатен-Виндзор беше уапсен денес во неговиот имот Вуд Фарм во Сандрингам, на неговиот 66-ти роденден, објави британскиот „Телеграф“, повикувајќи се на неименувани извори.
Ендру беше уапсен под сомнение за злоупотреба на јавна функција.
Донесени пресуди за случајот „Премин“, обвинителството најави жалба
Денеска, во Основниот кривичен суд Скопје, беше објавена неправосилна пресуда во предметот со кодно име „Премин“, застапуван од Специјализираното одделение...
Поранешен градоначалник на Росоман исплатил личен долг од 500.000 денари од општинскиот буџет
Полицијата поднесе кривична пријава против С.Н.(29) од Росоман поради постоење основи за сомнение дека сторил кривично дело „злоупотреба на службената...
Сиљановска – Давкова: Имаме најмало и најстаро владино авионче во регионот, секогаш имам дилема дали да летам со него
Претседателката, Гордана Сиљановска – Давкова, призна дека секогаш има дилема кога треба да се вози со владиниот авион затоа што...
Семејството на Мицкоски никогаш не го користело владиниот авион, ама затоа Заев бил со семејството на одмор во Амстердам, велат од ВМРО-ДПМНЕ
Семејството на премиерот Христијан Мицкоски никогаш не го користело владиниот авион. Но, очигледно е дека работи фројдовскиот елемент кај СДС,...
Кривични против претседатели и вработени во Здружението на инвалиди на трудот – Штип, си присвоиле над 300.000 денари
Полицијата поднесе кривични пријави против поранешни претседатели и вработени во Здружението на инвалиди на трудот – Штип за сторени продолжени...
Сопствениците на кучиња да го почитуваат законот и да ги микрочипираат милениците, апелира АХВ
Агенцијата за храна и ветеринарство (АХВ) апелира до сопствениците на домашни миленици – кучиња за исполнување на законската обврска за...
Николоски: Воведовме 23 нови линии во авиосообраќајот, имаме рекордна бројка на патници, а годинава очекувам да порасне над 4 милиони патници
Од изборот на Владата до денес имаме нови 23 директни летови, охридскиот и скопскиот аеродром поминаа 3,5 милиони патници, оваа...
(Видео) Зеленски: Десетици илјади Украинци загинаа за Донбас, не се работи за земјата, туку за луѓето
Претседателот Володимир Зеленски вчера повтори дека Украина нема да отстапи територија на Русија, ниту да се повлече од областите што...
(Видео) Дете висеше од ски-лифт на Јахорина па падна, скијачите се обидоа да го фатат
Вчера, дете падна од жичницата на планината Јахорина во Босна и Херцеговина откако некое време висеше држејќи се за седиштето....
Утре прв состанок на Одборот за мир на Трамп
Американскиот претседател Доналд Трамп утре ќе претседава со првиот состанок на Одборот за мир, во сенка на нерешени прашања за...
Една третина од американската морнарица е во близина на Иран: објавено кога би можел да започне нападот
Американската војска е подготвена да го нападне Иран уште овој викенд, иако претседателот Доналд Трамп сè уште не донел конечна...
Сообраќајот на патниот правец Скопје – Велес е нормализиран во двете ленти
Сообраќајот на патниот правец А1 Скопје – Велес е нормализиран во две коловозни ленти, извести АМСМ. Интензитетот на сообраќај на...
(Видео) Една од најсмртоносните лавини во историјата на САД: oсум скијачи загинаа, еден е исчезнат
Осум скијачи загинаа, а еден е исчезнат во лавина во планините Сиера Невада во Калифорнија, соопштија властите во среда, во...
Законот за високо образование нема да биде повлечен, јавнaта расправа продолжува
Министерката за образование и наука Весна Јаневска на пленарна седница изјави дека нема да го повлече нацрт-законот за високо образование....
Гоце Наумовски стана нов уставен судија
Собранието со 63 гласа „за“, седум „против“ и без воздржани го избра професорот Гоце Наумовски за нов уставен судија, по...
Владата нема да купува нов авион: ќе се повлечеме од набавката и ќе се молиме да останеме живи, вели Мицкоски
Владата се откажа од набавка на нов авион на што се одлучи оти стариот е дотрајан и претставува голем трошок...
(Видео) За Мицкоски контролата на цените не е популизам, туку заштита на граѓаните, најави праведност и кон оние што се обидуваат да профитираат од кризите и кон оние што избегнуваат обврски
Денешната конференција за формализирање на неформалната економија не е само експертска расправа. Таа е разговор за праведност во општеството. За...
(Фото) Изгореа викендица и куќа, се запали оџак: три интервенции на струмичките пожарникари
Струмичките пожарникари денеска уште во раните утрински часови имаа три интервенции. Во 06.55 часот, во излетничката населба Суви Лаки, запалена...
„Парите за боледувања доцнат – дали Клековски манипулира дека се редовни или фондот е празен“, прашува Левица
„Изминатиот период сѐ повеќе граѓани нѐ информираат дека одреден период Фондот за здравствено осигурување не врши навремена исплата на средства...
(Фото) На повеќе локации низ Скопје паднаа дрвја, Ѓорѓиевски: Екипите се на терен, реагираме навремено
Поради засилениот ветер и неповолните временски услови, на повеќе локации низ градот беа регистрирани паднати и оштетени дрвја. Градоначалникот Орце...
