Европа
Пред суд во Германија се појави мажот осомничен за исчезнувањето на 3-годишната Медлин МекКен

Кристијан Брукнер, главниот осомничен за исчезнувањето на британското девојче Медлин МекКен, се појави пред судот во Германија под обвинение за сексуален напад и силување во одделни случаи, пишува Гардијан.
47-годишникот се појави пред судот во Брауншвајг со голем медиумски и јавен интерес. Почетокот на судењето, со зголемено обезбедување, беше одложен поради големиот број луѓе кои се обидуваа да влезат во судницата.
Судењето потоа беше одложено по само девет минути, поради забелешките на адвокатот на Брукнер, Фридрих Филшер, кој го обвини судијата дека е пристрасен и не е способен да ги суди предметите.
Судењето на Брукнер ќе се фокусира на сексуалните престапи што тој наводно ги извршил помеѓу 2000 и 2017 година во Португалија. Обвиненијата не се поврзани со случајот МекКен, во кој тој е осомничен, но не е обвинет.
Во овој случај, тој беше обвинет по три точки од обвинението, една за силување и две за сексуална злоупотреба на деца.
Ова е прво појавување на Брукнер во јавноста откако првпат беше поврзан со случајот МекКен во 2020 година.
Брукнер со години живее во Португалија, вклучително и во одморалиштето Праја да Луз, каде што беше кога тригодишната МекКен исчезна од станот во кој нејзиното семејство беше на одмор во 2007 година. Тој негираше вмешаност во нејзиното исчезнување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски пристигнува на погребот на папата

Украинскиот претседател Володимир Зеленски ќе присуствува на погребот на папата Франциско, пренесе АФП повикувајќи се на извор од украинскиот претседателски кабинет.
Според истиот извор, канцеларијата на Зеленски ја подготвува неговата посета на Рим за Зеленски лично да се прости од поглаварот на Католичката црква.
Како што претходно беше најавено, погребот на папата Франциско ќе се изврши в сабота, 26 април, во 10 часот по локално време. Досега Трамп и Макрон потврдија дека ќе бидат на погребот, но се очекува да присуствуваат многубројни светски лидери и стотици илјади верници.
Европа
Украина: Русите го зголемуваат военото присуство во Мариупол

Руските сили продолжуваат да го зголемуваат своето воено присуство во привремено окупираниот град Мариупол. Како што соопшти денеска на „Телеграм“ градскиот совет на Мариупол, во градот веќе се формирани две воени бази.
„Руските окупатори го прошируваат своето воено присуство во Мариупол“, се вели во соопштението.
Според Центарот за проучување на окупацијата, во текот на март и април 2025 година се појавиле две нови воени бази: една во областа Калмиус на северозапад од градот и логистичка база во областа Ливобережњи, во станбената зона Шхидни. Втората база, како што се наведува, главно се користи за сместување персонал и воена опрема.
„На овој начин руските окупатори постепено го зголемуваат своето присуство во Мариупол. Центарот за проучување на окупацијата нагласува дека ова е план за трансформирање на градот во главна и полноправна логистичка и воена база не само за стоки туку и за опрема и персонал, со широка мрежа на паркинзи, бази за поправка и точки на трајно и привремено распоредување персонал. Ова е олеснето и со развојот на железничките и пристанишните врски што ги спроведуваат окупаторските власти“, се вели во соопштението на градскиот совет на Мариупол.
Европа
Знамиња со кукасти крстови се појавија во Стокхолм на роденденот на Хитлер, полицијата почна истрага

Три нацистички знамиња со кукасти крстови беа поставени на влезот на автопат во областа Есингеледен во Стокхолм, главниот град на Шведска, на 20 април, на роденденот на Адолф Хитлер.
Портпаролот на полицијата во Стокхолм, Матс Ериксон, изјави дека започнале истрага за злосторство од омраза.
Ериксон нагласи дека не е соодветно да се случуваат такви работи во Шведска. Тој посочи дека на влезовите на автопатите често се појавуваат транспаренти со политички пораки.
„Конкретно активистите споделуваат политички пораки бидејќи тука има густ сообраќај. Не е убаво да се споделуваат такви пораки“, рече Ериксон.
Тој додаде дека нацистичкото знаме најверојатно било поставено за да го одбележи роденденот на нацистичкиот диктатор Адолф Хитлер, кој е роден на 20 април.