Свет
Претседателот на Израел: Не’ болат страдањата на Палестинците, но не можеме да изградиме мир со Хамас
Израелскиот претседател, Исак Херцог, денеска изјави дека го боли страдањето на невините палестински цивили, но дека израелските воени акции во Газа се неопходни за да се искорени Хамас.
„Нас нè боли страдањето на невините цивили во Газа, но кога имаме право на самоодбрана и кога ќе не’ нападнат со толку огромна воена машина, како да ја искорениме? Мора да одите таму физички“, кажа Херцог.
Тој додаде дека армијата се обидува да го постигне тоа со што е можно помалку цивилни жртви, но дека врз неа се пука од куќи, продавници и џамии.
„Кога палестинските цивили ќе се вратат дома? Кога ќе ја уништиме инфраструктурата на Хамас“, рече Херцог.
Тој оцени дека Израелците се премногу трауматизирани по нападот на Хамас на 7 октомври за да размислуваат за решение на две држави.
„Израелците заслужуваат мир, јас исто така верувам дека Палестинците заслужуваат мир, но не можете да изградите мир со соседите кои сеат терор“, рече тој.
„Треба да му се даде шанса на мирот, но мора да додадеме елемент на реалноста. Тоа нема да се случи додека не најдеме решение за безбедноста на Израел.
На маргините на конференцијата, Херцог се состана со премиерот Катар, кој посредува во преговорите за прекин на огнот во Газа и ослободување на израелските заложници кои ги држеше Хамас.
„Ние работиме на тоа 24 часа на ден, седум дена во неделата. Верувам дека и другата страна сака работите да се помрднат од мртва точка“, рече тој.
Разговорите во кои учествуваа шефовите на разузнавачките служби на САД, Египет, Израел и Катар завршија во вторникот без напредок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Свет
Убиени тројца странски туристи и еден Авганистанец
Вчера од вооружени лица во централен Авганистан се убиени тројца странски туристи и еден Авганистанец, а четворица странски државјани и тројца Авганистанци се ранети, соопшти талибанското Министерство за внатрешни работи.
Според светските агенции не е позната националноста на туристите, ниту кој го извршил нападот за кој што се уапсени четири лица.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.