Свет
Принцот Хари призна дека консумирал алкохол и дрога, а имал и панични напади поради смртта на неговата мајка
Принцот Хари не престанува да раскажува детали од неговиот живот. Сега тој се осврна и на познатото интервју на Би-Би-Си со принцезата Дијана кое деновиве повторно е актуелно откако стана извесно дека новинарот, Мартин Башир, пред повеќе од 20 години фалсификувал документи за да ја убеди принцезата да ја интервјуира.
Во разговор со водителката, Опра Винфри, во новата серија за ментално здравје, тој зборуваше за вознемиреноста и паничните напади со кои се соочувал како член на кралското семејство, како и за погребот на принцезата Дајана.
Хари призна дека една деценија по смртта на неговата мајка дека пиел лекови, алкохол и консумирал дрога за да ја ублажи болката.
„Јас пиев толку многу за една ноќ, колку што би пиел секој за една недела“, рече Хари.
View this post on Instagram
Дајана, принцезата од Велс, почина во сообраќајна несреќа во Париз во 1997 година, обидувајќи се да избега од папараците.
Во новиот сериал „The Me You Can’t See“, принцот Хари рече дека периодот од 28-та година до 32-та година е неговиот најголем кошмар и дека тогаш се борел со напади на вознемиреност и паника.
View this post on Instagram
„Едноставно, психички бев во многу лоша ментална состојба. Секојпат кога ќе облечев костум и вратоврска…требаше да играм улога. Ќе го прилагодав изразот на лицето кон јавноста и гледајќи се во огледало си велев: ‘Одиме’“, рече тој.
На погребот на неговата мајка, принцот Хари чекореше зад ковчегот заедно со неговиот брат, татко, чичко и дедо.
„Она што најдобро го паметам се звуците на копитата на коњите. Се чинеше како да сум надвор од моето тело и да го правам она што другите го очекуваа. Покажав само една десетина од она што го чувствував. Тоа беше мајка ми, а вие никогаш не сте ја ни запознале“, вели принцот.
Хари минатата недела изјави дека е решен да го „прекине циклусот на болка“ што го чувствувал на својата кожа како дете. Тој рече дека сака неговите деца да растат на поинаков начин и откри дека посетувал терапија.
View this post on Instagram
Војводата од Сасекс рече дека тој бил најсреќен во годините поминати во војска, бидејќи во тоа време немал „посебен третман“.
Хари ја коментираше целокупната ситуација со Би-Би-Си и нивното извинување по 26 години. Како што вели, му е жал што неговата мајка не открила дека е измамена.
„Нашата мајка беше неверојатна жена која својот живот го посвети на службата. Таа беше издржлива, храбра и несомнено искрена. Ефектите од бранот на културна експлоатација и неетички практики на крајот и’ го одзедоа животот. На оние кои презедоа некаква форма на одговорност, Благодарам. Тоа е првиот чекор кон правдата и вистината. Сепак, она што длабоко ме загрижува е дека ваквите практики и денес се распространети“.
View this post on Instagram
На интервјуто вчера се осврна и принцот Вилијам кој рече дека измамничкиот начин на кој е добиено интервјуто значително влијаело на она што го кажала мајка му.
„Интервјуто беше најголем придонесувач за влошување на односите на моите родители. Неопислива тага доаѓа од сознанието дека неуспесите на Би-Би-Си значително придонеле за нејзиниот страв, параноја и изолација, на што се сеќавам од последните години со неа. Но, она што најмногу ме растажува е тоа што, ако Би-Би-Си правилно ги испиташе поплаките и загрижените прашања, кои првпат беа изразени во 1995 година, мајка ми ќе знаеше дека е измамена. Не само што Башир ме изневери, туку и првите луѓе на Би-Би-Си. Овие пропусти, утврдени од истражувачки новинари, не само што го изневерија моето семејство, туку ја изневерија и јавноста“.
Во контроверзното интервју, принцезата рече: „Бевме тројца во тој брак“. Тоа беше првпат некој од кралското семејство толку отворено да зборува за животот во палатата, а гледачите внимателно следеа како таа раскажува за нејзиниот несреќен брак со принцот Чарлс, нивните работи, за најинтимните детали од семејството.
Лејди Ди тогаш призна дека имала афера. Таа рече дека поради аферата на принцот Чарлс со Камила Паркер (денес негова сопруга) се чувствувала безвредна. Откри дека имала булимија и се повредувала.
Во извештајот од 126 страници, напишан од пензионираниот судија Џон Дајсон, се наведува дека Би-Би-Си, по интерна истрага, го прикрила „некоректното однесување” на Башир, кој не бил познат новинар кога ја интервјуирал Дајана.
Истрагата која била спроведена, ги утврдила начините и методите со кои Башир ги користел за да дојде до принцезата Дајана. Тие покажале дека новинарот не само што ги мамел челните луѓе во телевизијата, туку и родениот брат на принцезата Дајана, Ерл Спенсер.
Башар на Спенсер му покажал фалсификувани изводи кои покажуваат како една новинарска групација, го плаќала негов близок соработник. На тој начин тој сакал да стекне доверба кај Спенсер за да може полесно да дојде дој Дајана. Кога раководителите во „Би-би-си“, го прашале Башар за наводните изводи, тој негирал дека на Спенсер му покажал било какви документи.
The report by Lord Dyson into the actions & behaviour of the BBC and in particular #MartinBashir , in regards to the Princess Diana interview (and possibly others ) will be released today ,with the @BBCPanorama prog about it on tonight. pic.twitter.com/Lec43umUIX
— Mark Williams-Thomas (@mwilliamsthomas) May 20, 2021
Во извештајот се критикува и однесувањето на Тони Хол, поранешниот извршен директор на корпорацијата, кој беше обвинет за пропусти и „многу неефикасна“ истрага. Како тогашен шеф на Би-Би-Си, тој бил свесен дека Башир кажал „сериозни и необјасниви лаги“ за тоа што сторил за да ја убеди принцезата да разговара со него.
„Без оправдување, Би-Би-Си не ги исполни високите стандарди на интегритет и транспарентност што го карактеризираат“, се вели во извештајот.
Хол, денеска поднесе оставка од функцијата претседател на управниот одбор на Британската национална галерија, откако беше критикуван за интервјуто.
„Како што веќе реков, многу ми е жал за настаните од пред 25 години и верувам дека лидерството значи преземање одговорност“, рече Хол.
Британската телевизија „Би-би-си“, пред два дена се извини поради начинот на кој Башир го извел интервјуто со принцезата Дајана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Срби, Италијанци, Швајцарци… загинаа во пожарот во Кран Монтана
Швајцарската полиција го објави идентитетот на првите жртви на катастрофалниот пожар што се случи на новогодишната прослава во бар во зимскиот центар Кран Монтана, во кој загинаа најмалку 40 луѓе, а 119 се повредени. Телата на две Швајцарки на возраст од 21 и 16 години и на двајца Швајцарци од 18 и 16 години им се предадени на нивните семејства, кажа полицијата.
Досега е потврден идентитетот на 113 од повредените и меѓу нив се 71 Швајцарец, 14 Французи, 11 Италијанци, четворица Срби и по еден државјанин на БиХ, Белгија, Луксембург, Португалија и Полска. Се верува дека една од најголемите трагедии во историјата на Швајцарија била предизвикана од прскалките поставени на шишиња шампањ кога премногу биле приближени до плафонот на преполниот бар. Јавната обвинителка на регионот Вале, Беатрис Пилу, изјави дека истрагата ќе се фокусира на материјалите што се користеле на локацијата, мерките за противпожарна безбедност во барот, неговиот капацитет и бројот на луѓе внатре во моментот на пожарот.
„Истрагата ќе утврди дали ќе бидат потребни обвиненија. Доколку е тоа случај и ако тие луѓе се живи, ќе биде отворена постапка против нив“, рече Пилу.
Еден од сопствениците на барот изјавил за локалните медиуми дека објектот бил прегледан од инспектори трипати во последните десет години и дека сè било според прописите.
Свет
Властите во Каракас не знаат каде се Мадуро и неговата сопруга
Властите во Каракас денеска соопштија дека не знаат каде се наоѓаат претседателот на Венецуела Николас Мадуро и неговата сопруга Силија Флорес.
Венецуелската потпретседателка Делси Родригез, зборувајќи на државната телевизија, кажа дека не знае каде е Мадуро. Таа рече дека владата бара „итен доказ дека се живи“ и за Мадуро и за неговата сопруга.
Изјавата доаѓа откако американскиот претседател Доналд Трамп претходно објави дека САД извршиле голем воен напад врз Венецуела и ги заробиле претседателот Мадуро и неговата сопруга.
Трамп во објава на социјалната мрежа Truth Social изјави дека Мадуро и Флорес биле заробени и изнесени од земјата во операција спроведена со учество на американските агенции за спроведување на законот.
Свет
(Видео) Страшни сведоштва на луѓе кои спасувале повредени во пожарот во Кран Монтана
Француски туристи кои случајно се нашле во близина на пожарот во швајцарскиот Кран-Монтана раскажуваат за драматичните сцени и помошта што ја пружиле уште пред пристигнувањето на службите. Тие велат дека траумата ќе ја носат цел живот.
Размерите на страдањето кои ги видел за време на пожарот во швајцарскиот Кран-Монтана длабоко го потресле 22-годишниот француски турист Жереми Ална кој се нашол на местото на несреќата. Тој и неговите пријатели биле меѓу првите кои им помагале на повредените, уште пред пристигнувањето на итните служби, а сцените на кои биле сведоци, вели, ќе го прогонуваат цел живот.
– Луѓето беа во толкава неволја што можевме да слушнеме силни, страшни врисоци. Двајца мои пријатели отидоа по нив. Без двоумење влегоа во барот и извлекоа човек што го најдоа на подот. Го изнесоа надвор. Еден од моите пријатели остана со него еден до еден и пол час, постојано повторувајќи му: ‘Ќе биде сè во ред, не грижи се’ – ги опиша сведокот драматичните моменти во видео-интервју за Ројтерс.
Додека помагале на тешко повредениот маж, останатиот дел од друштвото трчал низ градот за да обезбеди ќебиња и вода за другите жртви.
– Трчавме низ целиот град, до околните барови, за да најдеме ќебиња и вода. Луѓето беа многу благодарни. Ја дадов и мојата јакна. Видов дека навистина им беше потребна помош – раскажа младиот Француз.
Само еден ден претходно и самиот бил во барот Ле Констеласион, кој го опиша како тесен подрум до кој се стигнува по мало скалило.
– Она што најмногу ме шокира се сликите што ми останаа – луѓе тешко повредени од пожарот. Некои не можеше ни да се препознаат. Мислам дека ќе бидам трауматизиран до крајот на животот – вели Ална.
Смртоносниот пожар што избувна во бар во швајцарското алпско одморалиште Кран Монтана за време на прославата на Новата година, во кој загинаа најмалку 40 лица, веројатно бил предизвикан од прскалки поствани на шишиња шампањ кои биле преблиску до плафонот и го запалиле, соопштија синоќа швајцарските власти.
Ова е во согласност со фотографиите и видео снимките од барот што циркулираат на социјалните мрежи и за кои е утврдено дека се автентични.
Вкупно 119 лица се примени во болници со повреди, од кои повеќето се сериозни. Од нивр 113 се идентификувани, меѓу нив има 71 швајцарски, 14 француски, 11 италијански и 4 српски државјани. Некои од повредените се и од Босна и Херцеговина, Белгија, Луксембург, Полска и Португалија.
Надлежните органи испитуваат дали биле почитувани сите мерки на претпазливост за противпожарна безбедност и дали треба да биде покрената кривична постапка за убиство од небрежност. Ова би било случај ако лицата кои би можеле да бидат одговорни за трагедијата се уште живи.
Срби, Италијанци, Швајцарци… загинаа во пожарот во Кран Монтана
Швајцарската полиција го објави идентитетот на првите жртви на катастрофалниот пожар што се случи на новогодишната прослава во бар во...
(Видео) Страшни сведоштва на луѓе кои спасувале повредени во пожарот во Кран Монтана
Француски туристи кои случајно се нашле во близина на пожарот во швајцарскиот Кран-Монтана раскажуваат за драматичните сцени и помошта што...
УЈП во 2025 собрале над четири милијарди евра од даноци
Управата за јавни приходи денеска информира дека во 2025 година во националниот буџет се собрани 4 милијарди и 426 милиони...
Од новогодишната забава до масовна трагедија во Швајцарија
Истражителите во Швајцарија се обидуваат да утврдат како и зошто пожарот што избувна за време на новогодишната ноќ во барот...
Најмалку седум силни експлозии и звуци на авиони рано утрово во главниот град на Венецуела, Каракас
Најмалку седум силни експлозии и звуци на авиони со ниски прелети биле слушнати рано утрово во главниот град на Венецуела,...
Огнените прскалки на шишиња шампањ најверојатно го запалиле барот: повредените транспортирани во повеќе европски земји на лекување
Во пожарот што избувна во скијалиштето Crans-Montana загинале најмалку 40 лица, а повредени се вкупно 119 лица, од кои 113...
До 1 милион евра помош од државата ќе добијат компании за истражување и развој, а 4.400 евра годишно по лице ќе добиваат компаниите со нови вработувања
За да ја намали невработеноста за 20 %, колку што бара од нас Европската Унија, Владата од овој месец нуди...
МВР со детали за смртта на двегодишното дете: Пред полноќ со мајката гледале огномет, па забележала крв на главата
МВР објави детали за трагедијата на новогодишната ноќ, по што загина двегодишно дете во Скопје. Според информациите од полицијата, на...
Осомничен за убиството во Старата чаршија уапсен на Косово, почнува постапка за екстрадиција
Обвинителството донесе Наредба за спроведување истражна постапка против турски државјанин за кого постои основано сомнение дека е извршител на кривично...
Кочани по трагедијата во Швајцарија: „Со вас сме, не како набљудувачи, туку како родители што ја носат истата рана“
Родителите на загинатите во пожарот во дискотеката „Пулс“ во Кочани упатија јавно сочувство до семејствата на жртвите во пожарот во...
(Видео) Објавена снимка од почетокот на пожарот: таванот гори, едно момче се обидува да го изгаси
Видео кое прикажува обид за гаснење на пожарот што се прошири низ таванот на барот Le Constellation во Швајцарија се...
Почина двегодишно дете повредено на новогодишната ноќ, обвинителството нареди обдукција
Двегодишното дете кое беше тешко повредено за време на новогодишната ноќ, утринава почина на клиника во Скопје. Основното јавно обвинителство...
Поднесено обвинение за скопјанецот кој усмрти велосипедист на булеварот „Гоце Делчев“
Јавен обвинител од Основното јавно обвинителство Скопје поднесе Обвинителен акт против 37-годишен скопјанец за – Тешки дела против безбедноста на...
Поднесено обвинение за злоупотреби и измами со набавките во РЕК Битола, обвинети се директори и раководители
По спроведена истражна постапка, Основното јавно обвинителство Битола поднесе обвинение против осум физички и едно правно лице за злоупотреби поврзани...
Родители на исчезнат тинејџер: „Нарачаа шише шампањ со прскалка, минута или две подоцна се случи апокалипсата“
Родителите на 16-годишен тинејџер кој исчезна по смртоносниот пожар во барот во швајцарскиот скијачки центар Кранс-Монтана се надеваат дека нивниот...
Мамдани положи заклетва на Куранот и стана првиот муслиман градоначалник на Њујорк
Демократот Зохран Мамдани вчера официјално ја презеде функцијата градоначалник на Њујорк, ветувајќи за време на јавната церемонија на положување заклетва...
(Вознемирувачко видео) Луѓе бегаат во паника од пожарот во Швајцарија
Снимка што кружи на социјалните мрежи покажува луѓе како бегаат во паника од барот во ски-центарот во Швајцарија во кој...
Министерството за здравство ги разгледува можностите и капацитетите за поддршка на Швајцарија за згрижување на повредените од трагичниот пожар
Министерството за здравство ги разгледува можностите и расположливите капацитети за да ѝ обезбеди соодветна поддршка на Швајцарија во делот на...
Понудена помош за справување со трагичната несреќа: телефонски разговор на Муцунски со швајцарскиот амбасадор Зомер
Министерството за надворешни работи и надворешна трговија информира дека, по трагичната несреќа во бар во швајцарскиот скијачки центар Кран-Монтана, по...
(Видео) Мицкоски: И во април 2026 ќе има линеарно зголемување на пензиите, со тоа се намалува сиромаштијата кај оваа група граѓани
Во текот на денешната работна посета на општина Кавадарци, премиерот Христијан Мицкоски одговарајќи на новинарските прашања се осврна на зголемувањето...
