Свет
Прогласена вонредна состојба: во обилните дождови во Пакистан загинаа 36 лица
![](https://makfax.com.mk/wp-content/uploads/2022/09/pakistan.jpg)
Најмалку 36 лица, претежно земјоделци, загинаа во обилните дождови и удари од гром низ Пакистан во последните три дена, соопштија денеска властите, откако вво југозападниот дел на земјата е прогласена вонредна состојба.
Повеќето од смртните случаи се случиле поради удар на гром и уривање на куќи во источната провинција Пенџаб, изјави Арфан Катија, портпарол на покраинскиот оддел за управување со катастрофи, пренесе АП.
Тој рече дека повеќе врнежи се очекуваат оваа недела. Дождот го погоди и главниот град Исламабад. За време на викендот седум лица беа повредени во југозападната провинција Белучистан, додека осум лица загинаа во северозападната провинција Хајбер Пахтунхва, која граничи со Авганистан.
Дождот ги поплави улиците во северозападниот град Пешавар и Квета, главниот град на Балучистан, каде властите прогласија вонредна состојба.
Премиерот Шехбаз Шариф во телевизиско обраќање рече дека им наредил на властите да обезбедат помош за регионите погодени од дождовите. Резервоарите за вода во Пакистан ќе се подобрат поради дождот, рече тој, изразувајќи загриженост за жртвите и предизвиканите штети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Момче се запали во Италија: се полеал со бензин во бањата
![](https://makfax.com.mk/wp-content/uploads/2024/06/Screenshot-2024-06-28-180148.jpg)
23-годишно момче се здобило со изгореници опасни по живот откако се самозапалило по расправија со неговата девојка, јавија денеска италијанските медиуми.
Трагедијата се случила во Рим, по што младиот човек со изгореници по целата предна страна на телото бил пренесен во болницата Сан Еуџенио, пренесе „Месаџеро“.
Според првите резултати од истрагата, тој по расправија со својата девојка се заклучил во бањата и се полил со канистер бензин.
Неговата девојка повикала помош, по што полицијата и пожарникарите набрзо пристигнале на местото на настанот.
Регион
13-годишно девојче загина од гром на плажа на Халкидики
![](https://makfax.com.mk/wp-content/uploads/2020/07/Grcija-1.jpg)
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Свет
Русија со предупредување поради инциденти во Црното Море: „Може да има директна војна“
![](https://makfax.com.mk/wp-content/uploads/2024/06/127cf9ce-57a7-4d76-be89-89b0f84602c1.jpg)
Русија издаде предупредување за американските шпионски беспилотни летала во Црното Море, дека нејзините сили ќе усвојат „мерки за брз одговор“ за да спречат потенцијални инциденти во воздушниот простор.
Руското Министерство за одбрана соопшти дека американските беспилотни летала се повеќе се појавуваат над Црното Море и го обвини Вашингтон дека ги користи за извидување и размена на разузнавачки информации со Киев.
Тие додаваат дека новиот руски министер за одбрана Андреј Белоусов му наредил на Генералштабот на Армијата да преземе мерки против американските беспилотни летала.
Предупредувањето од Русија доаѓа откако американскиот секретар за одбрана Лојд Џеј Остин за првпат разговараше со Белоусов во вторникот.
„Зголемените летови на американските беспилотни летала над Црното Море укажуваат на зголемена вклученост на САД и земјите од НАТО во конфликтот во Украина на страната на Киев“, се вели во соопштението на руското Министерство за одбрана.
„Ваквите летови во голема мера ја зголемуваат веројатноста за инциденти во воздушниот простор со авиони на руските воздушни сили, што го зголемува ризикот од директен конфликт меѓу алијансата и Руската Федерација. Земјите на НАТО ќе бидат одговорни за ова“, соопшти министерството, пренесуваат медиумите во регионот.
„Министерот за одбрана на Руската Федерација, Андреј Белоусов, му наложи на Генералштабот на вооружените сили на Руската Федерација да подготви предлози за брз одговор на провокациите“, додаваат тие.