Регион
Продолжија протестите на опозицијата во Албанија

Протестите на албанската опозиција во Тирана продолжуваат и во недела.
По големиот протест во саботата, добар дел од членовите и симпатизерите на Демократската партија заедно со пратеници на опозицијата ноќта ја минаа во шаторите кои се поставени пред објектот на Владата на Албанија. Меѓу оние кои ја минаа ноќта на плоштадот во Тирана беше и поранешниот премиер и поранешен претседател на Албанија, Сали Бериша.
Претседателот на Демократската партија Љуљзим Баша изјави дека протестите ќе продолжат се до моментот кога Владата ќе ги прифати барањата на опозицијата – формирање на техничка влада и организирање предвремени избори во земјата. Според него опозицијата ќе ги примени сите свои планирани активности до соборување на владата на левицата на премиерот Еди Рама.
Според опозицијата, владата на Рама е максимално корумпирана и е организатор на криминалот и шверцот со дрога.
Албанските медиуми оценуваат дека албанската опозиција започна да го применува романското сценарио. Исто така, додава дека во земјата е можно влошување на безбедносната состојба./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.