Свет
Пронајдени делови од тела во куфери во Велика Британија: Полицијата побара помош од граѓаните
![](https://makfax.com.mk/wp-content/uploads/2021/01/Britanija-3.jpg)
Полицијата издаде соопштение откако човечки останки беа пронајдени во два куфери во и во близина на позната знаменитост во Велика Британија, пишува „Мирор“.
Маж бил забележан како се однесува сомнително на мостот Клифтон непосредно пред полноќ во средата на 10 јули. На мостот подоцна бил пронајден куфер со човечки останки. Набргу потоа бил пронајден и втор куфер, исто така со делови од човечко тело.
Во новото ажурирање доцна во четвртокот попладне, полицијата објави снимка од видео надзор на маж кој се бара во врска со инцидентот. Се повикуваат граѓаните да не му приоѓаат и доколку го видат да повикаат полиција.
Човекот, чие име не е објавено, е опишан како црн со брада. Носи црна капа, црни фармерки, црна јакна, црни патики со дебел бел ѓон и има црн ранец. Полицијата верува дека тој потоа го напуштил мостот во правец на Ли Вудс.
Мостот, главниот премин и обележје на западниот дел на земјата, беше затворен во четвртокот. Очевидци изјавија дека на мостот била пронајдена крв. Инцидентот предизвика значителен одговор од службите за итни случаи, вклучително и полициски хеликоптер и хеликоптер на крајбрежната стража.
„Во средата во 11.57 часот во средата на 10 јули добивме пријава за човек кој делува сомнително на висечкиот мост Клифтон. Полицајците пристигнаа за 10 минути, но човекот веќе ја напушти областа оставајќи зад себе куфер. Вториот куфер беше пронајден во близина набргу потоа, за жал, се верува дека куферите содржат човечки останки“, соопшти полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.