Свет
Путин во посета на Чеченија по 13 години: прогласен за почесен граѓанин
![](https://makfax.com.mk/wp-content/uploads/2024/08/ee550108-6bd7-4d19-bc82-28c8a3ffde71.jpg)
Рускиот претседател Владимир Путин стана почесен граѓанин на руската сојузна држава Чеченија, јави „Интерфакс“.
Чеченскиот лидер Рамзан Кадиров и чеченскиот муфтија Салах Межиев на Путин му врачија повелба и признание за почесно државјанство.
Путин му се заблагодари на муфтијата на чеченски јазик за, како што е наведено, работата што ја работи.
„Вие сте чувар на вредностите кои го зајакнуваат нашиот мултинационален свет и сите наши религии. Ова е ваша работа, ваша мисија пред целиот наш народ“, рече Путин и му подари на муфтијата рачно напишана копија од Куранот.
Кадиров му покажа на Путин модел од новата населба што треба да се гради во Грозни и најави дека новата населба ќе го носи името на Путин.
Рускиот претседател ненадејно ја посети Чеченија со цел да ги прегледа чеченските сили кои се подготвуваа да заминат на украинскиот фронт, јавуваат руските медиуми. Тоа е негова прва посета на Чеченија по 13 години.
Путин и чеченскиот воен командант Рамзан Кадиров го обиколија рускиот „Универзитет за специјални сили“ во Чеченија, каде војниците се подготвуваат да бидат испратени на линијата на фронтот во Украина, објавија руските државни медиуми.
„Сè додека имаме луѓе како вас, ние сме апсолутно, апсолутно непобедливи“, им рекол Путин на војниците во Чеченија, објавија руските државни медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Вработените во Германија поминуваат 17 отсто од своето работно време работејќи од дома
![](https://makfax.com.mk/wp-content/uploads/2024/09/3-15.jpg)
Вработените во Германија поминуваат во просек 17 отсто од своето работно време работејќи од дома, но овој процент значително варира во разни сектори, се вели во извештајот објавен денеска од Институтот за економски истражувања од Минхен.
Работата од дома е особено распространета во ИТ-секторот, каде што работниците во просек работат од дома 58 отсто од своето работно време, а во градежништвото и угостителството овој процент изнесува само два отсто.
Обемот на работа од дома во Германија во никој случај не се намалува, не е променет во однос на претходната година“, коментира истражувачот на IFO, Жан-Виктор Алипур.
Свет
Путин почна голема контраофанзива во Курск: се водат крвави битки, руските сили окупираа 10 населени места
![](https://makfax.com.mk/wp-content/uploads/2024/09/33е.jpg)
Руските сили почнаа голема контраофанзива против украинските војници во рускиот регион Курск, според промосковските воени блогери и висок руски командант.
Проукраинските набљудувачи објавија и тешки борби во дел од окупираната област и можно руско повторно заземање на селото.
Се вели дека руските сили зазеле неколку села во западна Русија кои Украина ги нападна потиснувајќи ги украинските сили источно од реката Малаја Локња јужно од Снагост.
Руското Министерство за одбрана соопшти дека ги поразило украинските единици во голем број села, пишува „Гардијан“.
Командантот на чеченските специјални сили „Ахмат“, распоредени во Курск, генерал-мајор Апти Алаудинов, за ТАСС изјави дека ситуацијата е добра.
#NewsMap
Visual confirmation, Russian forces recaptured #Krasnooktyabrskoe and #Komarovka in Kursk oblast.
“Visual”! Real situation might be much worse than on my map. pic.twitter.com/D7ritfZCj3— Julian Röpcke🇺🇦 (@JulianRoepcke) September 12, 2024
„Ситуацијата ни е добра, нашите единици тргнаа во офанзива. Вчера и денеска во оваа насока беа ослободени вкупно 10-ина населени места во Курската област“, рече тој.
Русија од вторникот зазеде вкупно 10 населби во Курск, рече Алаудинов.
Тврдењата на Алаудинов ги повторија неколку проруски воени блогери, кои известуваа за руската контраофанзива во Курск.
Влијателниот блогер Јуриј Подољака рече дека руските сили зазеле неколку села западно од остатокот од Русија заземени од Украина туркајќи ги назад украинските сили источно од реката Малаја Локња јужно од Снагост.
Свет
Илјадници евакуирани поради пожар во Калифорнија
![](https://makfax.com.mk/wp-content/uploads/2024/09/12496697.jpg)
Шумските пожари на три локации во јужна Калифорнија запалија десетици планински домови, зафатија ски-центар и принудија илјадници луѓе да се евакуираат источно од Лос Анџелес.
Противпожарната служба на Лос Анџелес соопшти дека пожарот зафатил 40-ина куќи во селата Маунт Балди и Рајтвуд, а оштетена е и жичницата во блискиот ски-центар.
![](https://makfax.com.mk/wp-content/uploads/2024/09/12498702-800x534.jpg)
pozar EPA
„Во поновата историја ова е најдраматичниот пожар во еден ден“, изјави портпаролот на противпожарната служба.
Пожарот уништи десетици домови во селото Ел Карисо и по должината на кањонот Декер. Засега нема информации за евентуални жртви од пожарот.