Свет
Путин и Бајден согласни дека никогаш не смее да дојде до нукеарна војна во светот
Претседателите на Русија и на САД, Владимир Путин и Џо Бајден, излегоа со заедничка изјава за прашањата на стратешката стабилност. Лидерите посочија дека никогаш не смее да има нуклеарна војна и дека нема да има победници во неа.
„ Русија и САД покажаа дека дури и во време на напнатост, тие се во состојба да ги унапредат заедничките цели за да обезбедат предвидливост во стратешката сфера, да ги намалат ризиците од вооружен конфликт и заканата од нуклеарна војна“, се вели во документот.
Пример за таков пристап е неодамнешното продолжување на Договорот за офанзива за стратешко вооружување (СТАРТ 3).
„ Денес ја потврдуваме нашата посветеност на принципот дека не може да има победник во нуклеарна војна и дека таа никогаш не смее да биде покрената“, се вели во заедничката изјава.
Лидерите на двете земји најавија започнување на комплексен дијалог за стратешка стабилност, што треба да ги постави темелите за идна контрола на оружјето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.