Свет
Путин одобри нов закон со кој им отежнува на Русите да избегнуваат воена служба

Рускиот претседател Владимир Путин потпиша закон за воспоставување електронски регистар на регрути, кој има за цел да го отежне избегнувањето на воената служба во Русија.
Станува збор за измени и дополнувања на одредени законски акти на Руската Федерација за прашањето за информирање на граѓаните за нивното појавување на воен рок.
Во документот се прецизира дека воениот регистар го формира воениот комесаријат на начин што го утврдила руската влада врз основа на информации од државниот информациски систем, пренесува РИА Новости.
Законот предвидува и можност за пријавување на граѓаните кои се во воениот регистар без лично да се јават.
Дополнително, законот ги регулира мерките за граѓаните кои нема да се појават на воена регистрација во рок од 20 дена, како што се ограничувања за возење и забрана за регистрација на возила.
Законот, исто така, дозволува секој војник кој игнорира онлајн покана да биде законски прогласен за бегалец по една недела, да му биде забрането да ја напушти Русија и да му биде замрзнат имотот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Од кабинетот на Зеленски негираат дека тој се подготвува да се кандидира за втор мандат

Од кабинетот на украинскиот претседател Володимир Зеленски го демантираат извештајот на британскиот Економист дека Зеленски се подготвува да се кандидира за втор мандат на претседателските избори во јули.
Оттаму исто така, негираа дека Зеленски одржал состанок за изборите во јули, на кој наводно, според Економист, му наредил на својот тим да ги организира изборите, пренесе УНИАН.
Извор од украинската влада изјави дека главното прашање сега е постигнување мир и дека е целосно лажно дека подготовките за изборите веќе се во тек.
Свет
Марин Ле Пен ќе поднесе жалба на пресудата

Марин Ле Пен ќе поднесе жалба на одлуката на судот со која лидерката на француската крајна десница е осудена на четири години затвор, соопшти нејзиниот адвокат.
Според одлуката, две од вкупно четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра.
Ле Пен е прогласена за виновна за проневера на европски фондови.
Ова е удар за демократијата – рече нејзиниот адвокат.
– Марин Ле Пен ќе продолжи да се бори – изјави портпаролот на нејзината партија Национален собир.
Ле Пен важи за еден од фаворитите за претседателските избори во Франција закажани за 2027 година.
Свет
Во експлозија во рудник во Шпанија загинаа 5 рудари

Најмалку пет лица загинаа, а четворица се повредени во несреќа во рудник во северна Шпанија, соопшти итната помош.
Локалните медиуми први јавија дека имало експлозија во рудник за јаглен. Две лица кои исто така биле таму во моментот на инцидентот се неповредени, пренесува АП.
Управата за вонредни состојби во соопштението наведува дека за спасувачката операција мобилизирала три хеликоптери.
Претседателот на Астурија, Адриан Барбон, нареди да се прогласи дводневна жалост во таа покраина, јавува Би-Би-Си.
Шпанскиот премиер Педро Санчез упати сочувство до семејствата на жртвите.
На повредените им посакувам брзо закрепнување“, напиша тој на Х.