Свет
Путин: Подготвени сме за разговор со Западот, но без ароганција и сила

Рускиот претседател Владимир Путин денеска изјави дека Русија ќе продолжи да работи со партнерите за формирање мултиполарен светски поредок, како и дека се можни дискусии за безбедносни прашања со западните земји, но под еднакви услови.
„Заедно со партнерите во евроазиската интеграција, со другите центри за суверен развој, ќе продолжиме да работиме на формирање мултиполарен светски поредок, еднаков и неделив безбедносен систем“, рече Путин на церемонијата на инаугурација во палатата во Кремљ.
Тој рече дека Русија била и ќе биде отворена за зајакнување на добрите односи со сите земји што гледаат сигурен и чесен партнер.
Русија не го отфрла дијалогот со западните земји, туку дека изборот е нивен, посочи Путин.
„Дали сè уште планираат обиди да го запрат развојот на Русија, да ја продолжат политиката на агресија, притисокот врз нашата земја, кој не запира со години или бара начин за соработка и мир“, рече рускиот лидер на церемонијата за инаугурација.
Според него, разговор меѓу Русија и западните земји за безбедносни прашања е можен само под еднакви услови, а не од позиција на моќ.
„Повторувам, можен е разговор, вклучително и за прашања за безбедност и стратешка стабилност, но не од позиција на сила, туку разговор без никаква ароганција, вообразеност и лична ексклузивност, само под еднакви услови, со почитување на заедничките интереси“, нагласи Путин.
Тој истакна дека народот на Русија е единствен и голем и дека заедно Русите ќе ги надминат пречките, ќе ги реализираат своите планови и ќе победат. Тој додаде дека единствено со народот може да се постигнат вистински големи цели.
„Денес, суштински сме одговорни за нашата илјадагодишна историја, нашите предци што освојувале навидум недостижни височини, бидејќи нивната татковина секогаш била на прво место. Тие знаеле дека можд да постигнат големи цели само заедно со државата и народот. И изградиле свет на моќ – нашата татковина“, рече Путин, пренесува „РИА новости“.
Претседателот на Русија смета дека е неопходно да се обезбеди сигурен континуитет во развојот на земјата во наредните децении, да се подигнат и образоваат помладите генерации, кои ќе ја зајакнат моќта на Русија, ќе ја развиваат нејзината државност, заснована на меѓуетничка хармонија, зачувување на традициите на сите народи што живеат во Русија.
Тој рече дека интересите и безбедноста на рускиот народ ќе бидат пред сѐ и изрази надеж дека Русите достоинствено ќе го поминат „овој тежок критичен период и ќе станат уште посилни“.
Тој вети дека ќе стори сѐ и ќе ги искористи сите законски и уставни овластувања за да ја оправда довербата на Русите истакнувајќи дека руските граѓани ја потврдиле исправноста на курсот на земјата, што, како што рече, е важно во контекст на сериозни судења.
„Вие, граѓаните на Русија, ја потврдивте исправноста на курсот на земјата, сега кога сме соочени со сериозни искушенија, во ова гледам длабоко разбирање на нашите заеднички историски цели. Консолидираната волја на милиони луѓе е огромна сила, доказ за нашата заедничка цврста верба дека ние ќе ја одредиме судбината на Русија и заради сегашните и идните генерации. Служењето на Русија е голема чест, одговорност и света должност на шефот на државата“, заклучи Путин во својот говор.
На претседателските избори во Русија, одржани од 15 до 17 март, Путин освои 87,28 отсто од гласовите. Путин ќе ја извршува највисоката избрана функција во следните шест години, до 2030 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Снимен момент кога силниот земјотрес ги погоди Филипините

Најмалку 60 лица загинаа, а повеќе од 140 се повредени во силен земјотрес со јачина од 6,9 степени по Рихтер во централните Филипини, а официјалните лица стравуваат дека бројот на жртви може да се зголеми додека спасувачите ги пребаруваат урнатините на зградите утрово.
Nahulicam sa Cebu bridge during earthquake.. Sep 30, 2025 at 9:59pm! Credits to the owner. Not my cam. #earthquake #cebu pic.twitter.com/Q4Cj47glsk
— _mockingjay (@dadnxtdoor_) September 30, 2025
Земјотресот го погоди брегот на градот Бого во покраината Себу во централниот регион Висајас, кратко пред 22 часот по локално време во вторник, предизвикувајќи прекини во електричната енергија и уривање на згради, вклучувајќи и црква стара повеќе од 100 години.
I can't imagine feeling this!
More CCTV from Cebu as the M6.9 earthquake hit 👀 pic.twitter.com/AvxL9le6nI
— Volcaholic 🌋 (@volcaholic1) September 30, 2025
Моментот на земјотресот е снимен од камера од автомобил.
Европа
Орбан: Европа е посилна од Русија, не знам зошто глумиме дека сме слаби

Унгарскиот премиер Виктор Орбан порача дека Унгарија би соборила руски беспилотни летала доколку влезат во нејзиниот воздушен простор.
Еден новинар го праша дали Унгарија ќе го брани својот воздушен простор доколку руски беспилотни летала го нарушат, намерно или случајно. „Колку што знам, да. Не се плашиме од тоа. Секако дека ќе ги собориме“, одговори унгарскиот премиер.
Орбан го критикуваше „ставот на Западноевропејците“. „Ние (Европа) сме посилни во секоја димензија. Никогаш не сум разбрал зошто, ако сме посилни, зборуваме како да сме слаби. Русија е слаба во споредба со нас, воено слаба, економски слаба и бројно слаба“, рече Орбан во провладино политичко ток-шоу.
Тензиите меѓу НАТО и Москва се зголемија во последните недели. На 10 септември, Полска собори неколку руски беспилотни летала над својата територија. Руски беспилотни летала и ракети ги преминаа границите на европските членки на НАТО неколку пати од почетокот на целосната инвазија на Украина, но овој инцидент го означи првиот пат кога сојузничките сили соборија руски беспилотни летала.
фото: принтскрин
Свет
Трамп: Блиску сме до договор со Харвард, ќе платат 500 милиони долари

Американскиот претседател Доналд Трамп вчера изјави дека неговата администрација е блиску до договор со Универзитетот Харвард и рече дека таа институција Ivy League треба да плати 500 милиони долари, по месеци преговори за образовните политики.
Администрацијата е во конфликт со неколку престижни универзитети и се закани дека ќе го скрати федералното финансирање поради прашања, меѓу кои се пропалестинските протести против израелската војна во Газа, различноста на кампусот и трансродовите политики. „Линда ги завршува последните детали“, им рече Трамп на новинарите на настанот во Овалната соба, осврнувајќи се на министерката за образование Линда Мекмахон.
„И тие ќе платат околу 500 милиони долари и ќе водат стручни училишта. Ќе ги учат луѓето како да користат вештачка интелигенција и многу други работи, мотори, многу работи“, рече тој. Трамп ги критикуваше Харвард и другите универзитети за дозволување на антисемитизам на пропалестинските протести.
Демонстрантите и некои еврејски групи велат дека владата погрешно ги изедначува критиките за израелскиот напад врз Газа и окупацијата на палестинските територии со антисемитизам, а застапувањето на палестинските права со поддршка на екстремизмот.
Неколку други универзитети од Ајви лигата постигнаа спогодби со администрацијата на Трамп во последните месеци, вклучувајќи го Универзитетот Колумбија и Универзитетот Браун. Колумбија се согласи да ѝ плати на владата повеќе од 220 милиони долари, а Браун објави дека ќе издвои 50 милиони долари за поддршка на развојот на локалната работна сила.
Администрацијата на Трамп се фокусираше на пропалестинското протестно движење кое го зафати кампусот на Харвард, преземајќи чекори за задржување на повеќе од 2 милијарди долари финансирање за истражување за универзитетот.
Исто така, се обиде да им забрани на меѓународните студенти да го посетуваат училиштето, го загрози статусот на акредитација на Харвард и отвори врата за понатамошни намалувања на финансирањето со тоа што утврди дека го крши федералниот закон за граѓански права.
Претседателот на Харвард, Алан Гарбер, рече дека разни федерални мерки откако Трамп се врати на функцијата во јануари би можеле да го чинат Харвард речиси 1 милијарда долари годишно, принудувајќи го да отпушти персонал и да ги замрзне вработувањата.
фото: принтскрин