Свет
Путин разговараше со Шолц и Маркон: Украина грубо го крши меѓународното право
Рускиот претседател Владимир Путин имаше телефонски разговор со сојузниот канцелар на Германија, Олаф Шолц и со претседателот на Франција, Емануел Макрон. Во однос на поставените прашања од соговорниците за хуманитарната ситуација во областите на специјалната воена операција за заштита на Донбас, Путин информираше за вистинската состојба на работите.
Посебно се наведени бројни факти за најгрубо кршење на меѓународното хуманитарно право од страна на украинските безбедносни сили: вонсудска одмазда против неистомислениците, земање заложници и употреба на цивили како жив штит, поставување тешко оружје во станбени населби, во близина на болници, училишта, градинки и слично.
Во исто време, националистичките баталјони систематски ги попречуваат спасувачките операции и ги заплашуваат цивилите кога се обидуваат да се евакуираат. Путин ги повика Макрон и Шолц да влијаат врз властите во Киев да престанат со ваквите злосторства.
Претседателот на Русија детално зборуваше за серијата разговори меѓу руските и украинските претставници одржани во видео формат во последните денови. Во таа насока, лидерите на трите земји разговараа за некои прашања поврзани со договорите што се разработуваат за спроведување на познатите руски барања.
Договорено е да се продолжат контактите за украинските прашања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Подготвен сум да го обновам конзервативниот сојуз со Орбан
Поранешниот американски претседател и републикански претседателски кандидат Доналд Трамп изјави дека е подготвен да го обнови конзервативниот сојуз со унгарскиот премиер Виктор Орбан.
Во видео пораката Трамп изјави дека со нетрпение очекува блиска соработка со Орбан кога, како што наведе, повторно ќе положи заклетва како 47-ми претседател на САД, пренесе АП.
Во својата порака Трамп го нарече Орбан голем човек и истакна дека додека бил претседател на САД, работел со него на подобрување на вредностите и интересите на САД и Унгарија.
Свет
Блинкен пристигнува во Израел, седми пат од почетокот на војната
Американскиот државен секретар во вторник ќе го посети Израел, седми пат по нападот на палестински Хамас на 7 октомври врз јужен Израел и војната што следеше со израелскиот одговор во Појасот Газа.
Јавниот сервис Кан објави дека Блинкен ќе дојде во Израел за да разговара за најавената операција на израелската армија во Рафах, како и за напорите да се обезбеди пауза во борбите и да се ослободат повеќе од 100 заложници кои ги држеше Хамас.
Блинкен моментално е во посета на Кина.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.