Свет
Путин: Разговорите со Украина за размена на затвореници се во завршна фаза
Претседателот на Русија, Владимир Путин, изјави дека разговорите со Украина за размена на затвореници се во завршна фаза.
Говорејќи на економси форум во Владивосток, Путин рекол дека размената на затвореници меѓу Москва и Киев би можела да биде чекор кон нормализирање на односите меѓу двете земји.
„Се приближуваме до крајот на преговорите“, рекол Путин. Тој додал дека размената ќе биде огромна и дека датумот набргу ќе биде познат.
„Тоа ќе значи нормализација на нашите односи. Тоа е неизбежно. Ние сме два дела на ист народ“, рекол тој.
Претседателот на Украина, Володомир Зеленски, на крајот на јули ѝ предложи на Русија размена на украинскиот режисер Олег Сенцов, осуден на 20 години затвор во Москва, за украинско-рускиот новинар Кирил Вишински, кому му се суди за предавство во Киев.
Минатата недела Украина неочекувано условно го ослободи Вишински, кој беше во притвор повеќе од една година. Медиумите во двете земји пишуваат дека е можна размена по 30 затвореници од двете страни и дека би можело меѓу нив да се и 24 припадници на Воената морнарица на Украина, кои се заробени во Русија, која го заплени нивниот патролен брод во ноември лани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.