Контакт

Свет

Путин реши да не протерува никого, на Обама му посака успех

Објавено пред

Рускиот претседател Владимир Путин, и покрај препораките на шефот на дипломатијата Сергеј Лавров реципрочно да одговори на одлуката на американскиот претседател Барак Обама кој протера од САД 35 руски дипломати, објави во петокот дека донел одлука да не се протеруваат американските дипломати од Русија, како одговор на новите санкции на Вашингтон против Москва.

dobivaj vesti na viber

Претходно во петокот рускиот министер за надворешни работи Сергеј Лавров во интервју за руската државна телевизија изјави дека на претседателот Владимир Путин ќе му предложи протерување и прогласување за непожелни личности на 31 дипломат од американската амбасада во Москва и четворица од американскиот конзулат во Санкт Петербург.

„Руските дипломати кои се враќаат во татковината ќе ги минат новогодишните празници во кругот на семејствата и пријателите – дома. Ние нема да им правиме проблеми на американските дипломати. Никого нема да протераме“, се наведува во писмената изјава на Путин која ја објави Кремљ.

Путин додава дека Русија нема „да им забрани на семејствата и на децата на дипломатите да ги користат вообичаените места за нивен одмор и празнување на новогодишните празници. Напротив, сите деца на американските дипломати акредитирани во Русија се поканети на Нова година и на Божик во Кремљ“, додава рускиот челник.

„Го задржуваме правото да одговориме со соодветни мерки но нема да се спуштаме на ниво на ‘кујнска’ неодговорна дипломатија и натамошните чекори за обновување на руско-американските односи ќе се градат на основа на политиката што ќе ја спроведува администрацијата на претседателот Доналд Трамп“, истакнува Путин.

Вели натаму дека како провокација ги гледа новите „непријателски чекори од досегашната администрација“ на САД „со цел за натамошно поткопување на американско-руските односи“.

„Тоа јасно им противречи на основните интереси, како на рускиот, така и на американскиот народ, имајќи ги предвид одговорностите на Русија и САД за зачувување на глобалната безбедност, и нанесува штета на целиот спектар меѓународни односи“, предупредува Путин.

„Тажно е што администрацијата на претседателот Обама ја завршува својата работа на овој начин, но, сепак, јас нему и на неговото семејство им посакувам среќна Нова година“, наведува Трамп и додава дека „му честитам и на новоизбраниот претседател Трамп и на целиот американски народ! Ви посакувам на сите благосостојба и просперитет“, им порачува Путин на Американците.

Американскиот претседател Барак Обама нареди во четвртокот протерување на 35 руски дипломати осомничени за наводни шпионирања и хакирања на серверите на неговата Де Демократска партија, што наводно помогнало нивната претседателска кандидатка да ги загуби претседателските избори на 8-ми ноември за сметка на републиканскиот кандидат Доналд Трамп, како и во полза на некои други републикански кандидати. Исто така, наметна санкции за двете руски разузнавачки агенции, особено за нивното работење на билатерална основа во САД.

Демократите на Обама го обвинуваат Кремљ дека преку руски хакери предизвикал истекување на десетици доверливи електронски преписки. Лавров одговори дека тие американски обвинувања се без основа и докази, и порача дека санкциите нема да минат без одговор. Рускиот премиер Дмитриј Медведев, пак, изрази жалење за тоа што администрацијата на Обама го завршува својот мандат во „антируска агонија“.

Трамп најави дека следната седмица ќе се сретне со челниците на американските тајни служби, по одликата на Обама да воведе нови санкции против Русија. Во писмената изјава Трамп вели дека очекува водечките луѓе на разузнавачката заедница да го известат за сите факти, иако претходно месецов рече дека тие се истите луѓе кои објавуваа дека Садам Хусеин поседува оружје за масовно уништување, што подоцна се покажа неточно.

Меѓутоа, Трамп додаде дека „време е нашата земја да започне да се занимава со поважни и подобри работи“. Претходно во четвртокот рече дека не верува во овие обвинувања, а американската јавност го поставува прашањето дали ќе ги укине најновите мерки откако на 20-ти јануари ќе ја преземе должноста.

Мерките кои Обама ги воведува последните денови од својот мандат, вклучително и тензиите кои ги предизвика неговата администрација со традиционалниот сојузни Израел, се нов удар врз американско-руските односи кои се силно затегнати поради несогласувањата околу кризите во Украина и Сирија.

Обама изјави дека тоа „не се сите санкции“ и предупреди дека САД „ќе преземат и други мерки кога за нив ќе дојде времето, вклучително и оние коишто нема да бидат објавени јавно“, алудирајќи најверојатно на кибернетички напади или други субверзивни активности, проценуваат медиумите.

Во соопштението кое ги издаден од Хаваи, каде се наоѓа на одмор, Обама ги повикува „пријателските и земјите сојузнички“ на САД „заедно да работат на спротиствување на руското поткопување на добрите меѓународни обичаи и вмешувања во демократските процеси“./крај/мф/сн

Свет

Кремљ: Ако Украина сака да ја заврши војната, мора да се откаже од НАТО

Објавено пред

Кремљ во понеделникот изјави дека неутралниот статус на Украина останува клучен услов за завршување на војната, додека украинскиот претседател Володимир Зеленски сигнализираше подготвеност да се откаже од својата долгогодишна аспирација за членство во НАТО во замена за цврсти безбедносни гаранции. Во Берлин моментално се водат интензивни мировни преговори, објавува „Киев пост“.

dobivaj vesti na viber

Портпаролот на Кремљ, Дмитриј Песков, им изјави на новинарите дека прашањето за членството на Украина во НАТО е едно од клучните. „Ова прашање е еден од камен-темелниците и бара посебна дискусија“, рече Песков за време на дневниот брифинг. Тој додаде дека Москва чека САД да „го достават концептот што се дискутира денес во Берлин“, во услови на засилени дипломатски напори речиси четири години по почетокот на руската инвазија.

Зеленски нуди компромис
Украинскиот претседател Зеленски помина околу пет часа во разговори со американските преговарачи во Берлин во неделата, а состаноците продолжија во понеделникот. Домаќин на разговорите е германскиот канцелар Фридрих Мерц, а се очекува да присуствуваат и други европски лидери.

Пред состаноците, Зеленски јавно призна дека некои членки на НАТО се противат на влезот на Украина и ја изрази подготвеноста на Киев да се откаже од своите амбиции за членство, што е голема промена со оглед на тоа што членството во НАТО е загарантирано во уставот на Украина како заштита од руска агресија.

„Од самиот почеток, желбата на Украина беше да се приклучи на НАТО – ова се вистински безбедносни гаранции“, им рече Зеленски на новинарите. „Некои партнери од Соединетите Американски Држави и Европа не ја поддржаа оваа насока“.

Тој објасни дека Украина сега бара правно обврзувачки билатерални безбедносни гаранции од Соединетите Американски Држави, споредливи со Член 5 на НАТО за взаемна одбрана, заедно со обврските од европските сојузници и други партнери како што се Канада и Јапонија.

„Ова е веќе компромис од наша страна“, рече Зеленски, нагласувајќи дека сите гаранции мора да бидат извршни за да се спречат идните руски напади.

Русија постојано бараше Украина формално да се откаже од своите аспирации за НАТО, да усвои трајна неутралност и да забрани присуство на трупи на НАТО на нејзина територија. Претседателот Владимир Путин, исто така, инсистира Киев да ги повлече своите сили од делови од источните региони Донецк и Луганск – познати како Донбас – кои сè уште се под украинска контрола.

Според функционер запознаен со преговорите, американските преговарачи наводно вршат притисок врз Украина да се откаже од контролата врз Донбас како услов за мировни преговори, што Киев го одбива. „Путин сака територија“, изјави функционерот за АФП, додавајќи дека Вашингтон бара од Украина да се „повлече“ од регионот, што е неприфатливо за Киев.

„Донекаде е зачудувачки што Американците ја заземаат руската позиција по ова прашање“, додаде функционерот. Москва во моментов ги окупира поголемиот дел од Донецк и Луганск, кои нелегално ги прогласи за своја територија, додека украинските сили сè уште контролираат околу 10% од областа.

И покрај подготвеноста на Зеленски да направи компромис за членството во НАТО, украинските функционери досега останаа цврсти во својот став дека нема да ја предадат својата територија.

Фото: депозитфотос

Прикажи повеќе...

Свет

Австралискиот премиер предложи построги закони за оружје по убиството на 15 лица на плажата Бонди

Објавено пред

Австралискиот премиер Ентони Албанезе денес предложи построги национални закони за оружје по вооружениот напад за време на прославата на еврејскиот празник Ханука на плажата Бонди во Сиднеј, во кој во неделата беа убиени 16 лица.

dobivaj vesti na viber

Албанезе рече дека ќе предложи нови ограничувања, вклучително и ограничување на бројот на оружје што може да го добие лиценциран сопственик.

Неговите предлози беа објавени откога властите открија дека постариот од двајцата напаѓачи, кои беа татко и син, ги набавил своите шест оружја легално.

„Владата е подготвена да ги преземе сите потребни мерки. Ова ја вклучува и потребата од построги закони за оружје. Луѓето може да се радикализираат со текот на времето. Дозволите не треба да бидат засекогаш“, рече австралискиот премиер.

Најмалку 38 лица беа повредени и однесени во болници по масакрот во неделата кога двајца напаѓачи отворија оган неселективно на забава на плажа.

Меѓу убиените беа десетгодишно девојче, рабин и преживеан од холокаустот.

Нападот, кој се смета за терористички напад, ги вознемири Австралијците и инцира прашања за тоа дали властите направиле доволно за да го спречат растечкиот антисемитизам, пишуваат медиумите.

Фото: депозитфотос

Прикажи повеќе...

Свет

Пентагон откри нови детали за хиперсоничното оружје „Темниот орел“

Објавено пред

Нови, претходно непознати детали за американскиот хиперсоничен систем за оружје „Темниот орел“, беа откриени за време на неодамнешната посета на министерот за одбрана Пит Хегсет на воздухопловната база „Редстоун арсенал“ во Алабама.

dobivaj vesti na viber

За време на посетата, во која базата беше прогласена за ново седиште на американската вселенска команда (SPACECOM), високи воени претставници ги презентираа клучните спецификации за дострелот и бојната глава на ова напредно оружје, пишува порталот The War Zone.

Што е „Темен орел“?
„Темниот орел“, официјално познат како хиперсонично оружје со долг дострел (LRHW), е мобилен систем лансиран од приколка. Неговата ракета патува со брзина поголема од 5 маха маневрирајќи непредвидливо во атмосферата. Поради овие карактеристики, се смета за идеално оружје за уништување добро бранети, високовредни и временски чувствителни цели.

Целите вклучуваат клучни системи за воздушна одбрана, командни центри и непријателски сензори. Тоа е првото вистинско хиперсонично оружје наменето за оперативна употреба во американската армија, а истата ракетна архитектура ја користи и морнарицата за лансирање од море.

За време на презентацијата, генерал-потполковник Франциско Лозано, задолжен за развој на хиперсонични системи, откри за „Хегсет“ дека „Темниот орел“ има дострел од 3.500 километри. Претходните официјални процени зборуваа за дострел од најмалку 2.775 километри, па затоа не е јасно дали зголемувањето се должи на напредокот во развојот или претходната бројка е намерно намалена, што е вообичаена практика кога се објавуваат спецификациите на ракетните системи.

Лозано дополнително го нагласи стратешкото значење на оружјето велејќи дека со „Темниот орел“ може да ја погоди континенталната Кина од Гуам, Москва од Лондон или Техеран од Катар. „Ги плашиме Кинезите со ова (MRC) бидејќи го имаме на Филипините и во Јапонија. Ги држиме во движење низ внатрешната платформа.

И потоа имам хиперсонично оружје со долг дострел. Ова има дострел од 3.500 километри, што значи дека може да стигне до континентална Кина“, рече Лозано. Друг офицер, чиј идентитет не беше веднаш објавен, додаде дека „Темниот орел“ носи бојна глава помала од 30 фунти (околу 13,6 килограми), што е исклучително мало за оружје од овој дострел.

Тој објасни дека неговата деструктивна моќ се базира на огромната кинетичка енергија при удар, а не на експлозиви. Сепак, фрагментациската бојна глава со експлозивен полнеж помага во уништување помеки цели, како што се радарски системи и батерии за воздушна одбрана. Целиот дострел, како што беше кажано, може да биде покриен од ракетата за помалку од 20 минути.

Фото: депозитфотос

Прикажи повеќе...

Најново

Економија40 минути

Од полноќ нови цени на горивата

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...

Македонија59 минути

Вечерва почнува зимска бајка на Плоштад Македонија: Елката ќе светне во 18 часот, Дедо Мраз ќе стигне на 27 декември

Елката на Плоштад Македонија вечерва во 18 часот ќе биде осветлена со свечена церемонија, најави градоначалникот на Скопје, Орце Ѓорѓиевски....

Македонија2 часа

(Видео) Мицевски: Поднесовме Резолуција за осуда на манипулациите на опозицијата и за потврда на политиките против нелегалната миграција

Пратеничката група на ВМРО-ДПМНЕ, заедно со пратеници од коалицијата ВРЕДИ и ЗНАМ, ја поднесовме „Резолуцијата за осуда на манипулациите на...

Македонија4 часа

(Видео) Крај на мигранти во Македонија се става само ако се потпише резолуцијата на СДСМ, рече Кузеска

„Со договорени мигранти за пари ДПМНЕ ја предаде Македонија, ја продаде за пари, за скапи кредит врз грбот на народот....

Свет5 часа

(Фото) 10-годишно девојче, двајца рабини и маж што го преживеал холокаустот: познати жртвите од Сиднеј

Во терористичкиот напад на плажата Бонди вчера беа убиени најмалку 15 цивили, од кои многумина го славеа првиот ден од...

Свет7 часа

(Видео) Татко и син убија 15 луѓе во Сиднеј: „Се заколнале на верност на ИСИС“

Таткото и синот кои убија 15 лица на еврејски фестивал на плажата Бонди во Сиднеј во неделата можеби имале врски...

Европа7 часа

(Видео) Снимено уривањето на огромен руски воен транспортен авион, се преполови во воздухот

Рускиот канал на Телеграм „Маш“ објави снимка од падот на рускиот воен транспортен авион Ан-22 во регионот Иваново. Снимката го...

Македонија7 часа

Земјотрес почувствуван во Македонија

Утрово во 7.20 часот беше почувствуван земјотрес на територијата на Македонија, објави ЕМСЦ. Според ЕМСЦ земјотресот бил со јачина од...

Свет8 часа

(Видео) Нападот врз Бонди е чин на чисто зло, вели австралискиот премиер

Австралискиот премиер Ентони Албанез и началниците на полицијата одржаа прес-конференција во Сиднеј. „Она што го видовме вчера беше чин на...

Свет8 часа

(Видео) Преживеан од холокаустот загина штитејќи ја сопругата на плажата Бонди

Една од жртвите на терористичкиот напад во неделата за време на прославата на Ханука во Австралија беше Алекс Клајтман, преживеан...

Свет9 часа

(Видео) Американски режисер и неговата сопруга пронајдени мртви: полицијата се сомнева дека е убиство

Полицијата на Лос Анџелес истражува нешто што го опишува како очигледно убиство откога две тела беа пронајдени во домот на...

Македонија23 часа

Неправилности и проблеми со „Безбеден град“ ќе се пријавуваат преку специјален пункт или на интернет

Министерот за внатрешни работи, Панче Тошковски, е задоволен од резултатите од тест-периодот на проектот „Безбеден град“. Тошковски вели дека граѓаните...

Економија1 ден

Мицкоски: Буџетот е ликвиден, трезорот нема да се затвори на 15 декември

Премиерот Мицкоски изјави дека Буџетот е ликвиден и сите обврски се извршуваат тековно. Како што појасни Мицкоски, 15 декември не...

Македонија1 ден

(Видео) ВМРО-ДПМНЕ предлага Резолуција за осуда на дезинформациите за мигранти

ВМРО-ДПМНЕ денеска претстави „Резолуција за осуда на манипулациите на опозицијата и за потврда на политиките против нелегалната миграција“. „Во изминатите...

Македонија1 ден

(Видео) Димитријевиќ: Власта носи мигранти за пари

„Во буџетот нема пари. За првпат во историјата, утре – 15 декември – се затвора Трезорот. Државата доцни со сите...

Топ1 ден

Oбвинителство: За насилство во училиште во Сарај, побарана судска постапка спрема пет деца

Основното јавно обвинителство Скопје до судијата за деца при Основниот кривичен суд Скопје поднесе Барање за поведување подготвителна постапка за...

Македонија1 ден

АХВ: Спречен увоз на над 26 тони замрзнато пилешко месо од Бразил

Инспекциските служби на Агенцијата за храна и ветеринарство (АХВ) спречија увоз на над 26 тони замрзнато пилешко месо од Бразил...

Свет1 ден

(Видео) Пукање на универзитет во САД – има загинати и повредени, напаѓачот е во бегство

Најмалку две лица се убиени, а девет се повредени во вооружен напад што се случи во саботата попладне на кампусот...

Забава2 дена

(Видео) Нела Манческа ѝ донесе седмо место на Македонија на „Јуниор Евросонг“

Нела Манческа со песната „Miracle“, со која ја претставуваше Македонија на „Јуниор Евросонг“, го заврши натпреварот на високото седмо место,...

Македонија2 дена

Ахмети од протестот на плоштадот „Скендербег“: Процесот во Хаг треба да заврши со ослободителна пресуда

Лидерот на ДУИ, Али Ахмети, денеска се обрати на протестот што се одржа на плоштадот „Скендербег“ во Скопје, организиран во...