Свет
Путин со нова порака до Западот: Се е на хартија
Рускиот претседател Владимир Путин денеска изјави дека плановите на Западот да ја подели Русија се документирани и оцени дека тоа стана единствената цел на Западот.
Во интервју за телевизијата „Русија 1“, Путин рече дека Западот сака да создаде „Московјани, Урал и така натаму“ наместо единствена руска нација и дека таквите планови постојат на хартија, пренесува РИА Новости.
„Едноставно, во услови на градење односи се обидовме да не зборуваме за тоа од, така да се каже, партнерски причини. Но, сè е таму, сè е напишано, сè е на хартија“, рече Путин.
Според неговата проценка, Западот сака да ја подели Русија на различни ентитети за да ги стави под своја контрола.
„Тогаш, можеби, ќе не примат во таканареченото семејство на цивилизирани нации, но само одделно, секој дел посебно“, смета Путин.
Тој посочи дека Русија е принудена да се врати на разгледување на прашањето за нуклеарниот потенцијал на Велика Британија и Франција, бидејќи, како што оцени, НАТО покажа дека претставува воен, а не политички блок.
На прашањето што треба да разберат САД по суспензијата на учеството на Русија во договорот СТАРТ, Путин одговори дека нивна работа е што разбираат, а што не, и дека Русија разбира што треба да направи.
„И ние мора да ја заштитиме нашата земја, да обезбедиме безбедност, стратешка стабилност“, рече претседателот на Русија.
Тој изјави дека не може да замисли американската војска да ги проверува руските нуклеарни постројки додека Вашингтон го поддржува режимот во Киев.
Според неговата проценка, земјите од НАТО се, иако индиректно, соучесници во, како што наведе, „злосторствата“ на режимот во Киев.
„Згора на тоа, кога го прават тоа што го прават денес во Украина, едноставно не можам да замислам американски војници да шетаат по нашите нуклеарни постројки. Тоа е едноставно смешно“, рече Путин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД разгледуваат санкции пред судот во Хаг; Кремљ: Многу необично
Кремљ го опиша како крајно невообичаено тоа што САД размислуваат за санкции против Меѓународниот кривичен суд (МКС), чиј обвинител побара налози за апсење на израелскиот премиер Бенјамин Нетанјаху, неговиот министер за одбрана и тројца лидери на Хамас за наводни воени злосторства.
Обвинителот на МКС, Карим Кан, во изјавата објавена по повеќе од седум месеци војна во Газа рече дека има разумна основа да верува дека петмината мажи „носат кривична одговорност“ за наводни воени злосторства и злосторства против човештвото.
Американскиот претседател, Џо Бајден го нарече правниот потег „срамен“, додека државниот секретар Антони Блинкен предупреди дека тоа може да ги загрози преговорите за договор за заложници и прекин на огнот. Некои американски претставници ги повикаа САД да воведат санкции против судот. Во 2020 година, Соединетите Држави воведоа санкции против обвинителот на МКС.
„Ситуацијата во која САД имаат став и подготвеност да го користат методот на санкции дури и против Меѓународниот кривичен суд е повеќе од невообичаена“, изјави за новинарите портпаролот на Кремљ, Дмитриј Песков.
Во март минатата година, МКС издаде налози за апсење на претседателот Владимир Путин под обвинение за воени злосторства. Руските власти оценуваат дека налогот за апсење на Путин е бесмислен обид на Западот да го наруши угледот на Русија и да го негира извршувањето на воените злосторства во Украина.
Украина ја обвинува Русија за воени злосторства. Русија вели дека Западот ги игнорира злосторствата извршени од Украина, што Киев го негира. Минатата година Бајден ја оцени како оправдана одлуката на МКС да издаде налог за апсење на Путин.
Свет
Земјотрес со јачина од 4,1 степени во Франција
Франција ја погоди земјотрес со јачина од 4,1 степени според Рихтеровата скала, соопшти Европско-медитеранскиот сеизмолошки центар (EMSC).
Епицентарот на земјотресот бил на 10 километри југоисточно од градот Тарбес и 120 километри југозападно од Тулуз, на длабочина од четири километри, се наведува на веб-страницата ЕМСЦ.
Засега нема информации за повредени или материјална штета.
Регион
Објавена фотографија од мајката што беше убиена во Тузла заедно со своите деца, осомничен е таткото, кој си пресудил
Колегите се збогуваат со Амела Чичкошиќ, која вчера беше убиена во стан во Тузла со двете деца. Има сомневања дека сопругот пред два дена во семејниот стан ги убил Амела и децата, а потоа се самоубил скокајќи од 14. кат од зградата.
Еден ден по откривањето на телата на Амела и децата, колегите и пријателите се збогуваат со жената, која ја опишаа „како убава, со црни, бистри очи“.
За неа имаат само пофални зборови и благодарност за сè што направила, особено во тешките моменти на короната.
„Тузла, УКЦ и сите што ве познаваа изгубија многу. Многу сум тажен и барем вака сакам да ви оддадам почит. Бевте доблесен, вреден, сериозен, доверлив, хуман човек. Еден од најдобрите што ги знам. Ковид-19 ги покажа вистинските лица на многумина од нас. Можеби не си добила формална благодарност, но ти благодарам во мое име и во име на многуте животи што ги спасивме заедно во тешките денови“, напиша една од колешките на Амелија од Универзитетот во Тузла.
„Голема тага, голема болка. Искрено сочувство до семејството. Алах нека ги благослови неа и нејзините деца“, рекоа тие.
Телата на Амела и нејзините деца се пронајдени во населбата Тузла. Децата беа на девет и две години. Издадени се наредби за обдукција и ДНК-вештачење за да се утврдат сите околности на ова злосторство.