Свет
Путин: Украина ги испраќа своите луѓе во смрт, контраофанзивата пропадна
Рускиот претседател Владимир Путин се обрати пред нацијата фокусирајќи се на неуспесите на Украина на бојното поле.
„Непријателот најави голема контраофанзива. Ништо од тоа никаде не функционира. Не знам ни зошто го прават тоа. Тие само ги испраќаат своите луѓе да бидат уништени. Тоа е билет во еден правец“, рече Путин.
Првиот човек на Русија вели дека околностите на руските сили се подобруваат на сите фронтови. Според него, Русија планира да инвестира 1 трилион рубли (11,1 милијарди долари) годишно во „интеграција и развој“ во делумно окупираните и украински региони Донецк, Луганск, Херсон и Запорожје, кои Путин минатата година ги прогласи за дел од Русија.
Путин додаде дека анектираните украински територии платиле даноци од 170 милијарди рубли во рускиот државен буџет тврдејќи дека тоа го сигнализира економскиот живот на регионите откако биле окупирани од руските сили.
Прашан за иднината на четирите украински територии делумно окупирани и припоени од Русија, Путин уште еднаш прогласи неуспех на украинската контраофанзива на јужната линија на фронтот.
„Тие го отвораат патот за сопствено самоуништување“, рече тој тврдејќи дека воените загуби на Украина далеку ги надминуваат оние на руските вооружени сили.
Путин тврди дека југоисточна Украина, каде што непријателствата беснеат од 2014 година и е во центарот на актуелната војна, е „историски проруска“.
„Одеса е целосно руски град. Сите го знаат тоа добро“, рече Путин додека продолжи да ги обвинува Соединетите Американски Држави дека го поттикнуваат конфликтот со прозападна Украина.
Турските медиуми му поставија прашање на Путин за Газа.
„Ова што се случува во Газа е катастрофа“, рече Путин и додаде: „Погледнете ја специјалната воена операција и што се случува во Газа и почувствувајте ја разликата. Ништо слично не се случува во Украина“.
Путин истакнува дека руските сили уништиле стотици украински тенкови и друга воена опрема испорачана од западните земји во последните месеци.
„Бесплатната испорака на оружје еден ден ќе престане“, вели Путин за воената помош на Западот за Украина.
На прашањето кога може да заврши руската „специјална воена операција“ во Украина, како што Кремљ ја нарекува инвазијата, Путин рече дека „ќе има мир кога Русија ќе ги исполни своите цели, кои не се променети“.
Рускиот лидер вели дека целта на Москва е да ја деназифицира Украина и ја споменува неодамнешната контроверзност во врска со оддавањето почест од канадскиот парламент на поранешен член на украинската воена единица, која соработувала со нацистичка Германија во Втората светска војна.
„Постоењето на Русија без суверенитет е едноставно невозможно… Главната задача е да се зајакне суверенитетот на Русија“, рече Путин.
Додаде дека една од неговите главни задачи како претседател е „да се грижи за безбедноста на границите на Русија, одбранбената способност и правата и слободите на граѓаните“.
Прес-конференцијата доаѓа една недела откако Путин официјално го објави својот план да се кандидира за петти мандат на претседателските избори в година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенечкиот премиер најави построги безбедносни мерки по убиството
Словенечкиот премиер Роберт Голоб најави засилување на безбедносните мерки и измени во казнената политика по смртта на 48-годишен маж во Ново Место, кој почина по напад, пренесе „Индекс“.
Во телевизиско обраќање, Голоб рече дека државата ќе направи сè за да ја заштити безбедноста на граѓаните, но предупреди дека „репресивните мерки нема да бидат популарни“.
Тој најави двојно зголемено полициско присуство во југоисточниот дел на земјата и рече дека сите институции – полицијата, обвинителството и судството – ќе добијат поголеми овластувања.
„Овој сторител не стана таков преку ноќ. Тој е производ на систем што не функционирал. За да го смениме тоа, ќе биде потребна цела генерација“, изјави Голоб.
Премиерот ги повика сите политички лидери да покажат одговорност и да не ја користат трагедијата за собирање политички поени.
Регион
Курти не успеа да формира влада
Лидерот на Движењето „Самоопределување“, Албин Курти, соопшти дека актуелната влада ќе продолжи да функционира до одржување на нови парламентарни избори, откако денеска во косовското Собрание не доби доволен број гласови за формирање нов кабинет, пренесе „Фонет“.
„Им благодарам на сите пратеници кои го поддржаа предлогот за новата влада и на граѓаните за поддршката. Бидејќи 56 гласа беа за, 52 против, а четворица воздржани, новиот мандат не може да започне. Во меѓувреме, како актуелна влада продолжуваме кон новите парламентарни избори“, напиша Курти на „Фејсбук“, пренесе „Косев“.
По гласањето, претседателот на Собранието, Димал Баџа, изјави дека одговорноста сега преминува на претседателката Вјоса Османи, која најави консултации со сите партии. Доколку не биде формирана влада, Османи ќе распише нови избори во рок од 40 дена.
Опозициските партии веќе порачаа дека нема да се обидат да формираат влада, бидејќи немаат мнозинство.
Свет
Гувернерот на Калифорнија сака да биде претседател на САД
Гувернерот на Калифорнија, демократот Гавин Њусом, изјави во интервју за „Си-Би-Ес“ дека сериозно размислува за кандидатура за претседател на САД во 2028 година, пренесе „Хина“.
Тој нагласи дека конечната одлука ќе ја донесе по изборите за Претставничкиот дом и Сенатот во 2026 година. „Да, би лажел кога би рекол поинаку“, рече Њусом на прашањето дали планира да се кандидира.
Како што потсетува агенцијата, Њусом оваа година ја зацврсти својата позиција во Демократската партија, особено поради честите судири со актуелниот претседател Доналд Трамп.
Инаку, според Уставот на САД, Трамп нема право на трет претседателски мандат.
Изборите за американскиот Конгрес ќе се одржат во ноември 2026 година.
California Gov. Gavin Newsom says he’s open to a presidential run.
The Democrat and frequent Trump critic said he’ll give serious thought to a White House bid after next year’s midterms. “I’d be lying otherwise,” Newsom said, adding that “fate will determine” his decision and a… pic.twitter.com/uD8OqNrnHE
— CBS Sunday Morning 🌞 (@CBSSunday) October 26, 2025

