Европа
Работниците од окупираната нуклеарна централа за Би-би-си: Русите нè имаат на нишан, тука изградија база
Работниците во окупираната нуклеарна централа Запорожје за Би-би-си изјавиле дека се држени под закана од оружје од страна на руските војници и дека во исто време ја користат нуклеарната централа како воена база.
Русија е обвинета дека ја користела нуклеарната централа како штит додека од неа истрелала проектили на блиските локации, пишуваат медиумите во регионот.
Двајца работници за Би-би-си изјавиле дека секојдневно добиваат закани за киднапирање и дека стравуваат од радиоактивна контаминација на поширокиот регион и од нуклеарна катастрофа.
Никополе, град под украинска контрола, е одделен од нуклеарната централа со 15-ина километри од реката Днепар. Градот доживеа силно гранатирање во изминатите неколку недели, а во една ноќ беа регистрирани и до 120 ракети, стои во новинарските написи.
Надзорот на ОН рекол дека постои реален ризик од нуклеарна катастрофа доколку борбите не престанат и ако на инспекторите не им биде дозволен пристап до нуклеарните централи.
Украина и Русија меѓусебно се обвинуваат. Ситуацијата не е најјасна, но ризиците се очигледни, пренесуваат агенциите.
„Мојот работен ден е постојан стрес“, изјавила Свитлана, која зборувала за Би-би-си.
Друг жител на Енерходар рекол дека цените во продавниците и аптеките сега се четирипати повисоки отколку на територијата што сè уште ја контролира Украина и дека има недостиг од лекари. Повеќето од банкоматите не работат.
„Психолошката ситуација е тешка. Војниците се шетаат со оружје и нè држат сите нас пред нив“, додал тој.
Според новинарските извештаи, Украина ја обвинува Русија дека стационирала приближно 500 војници во областа на нуклеарната централа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија почна со вежби со тактичко нуклеарно оружје
Руските сили ја почнаа првата фаза од вежбите кои вклучуваат „практична обука за подготовка и употреба на нестратешко нуклеарно оружје“, соопшти денеска руското Министерство за одбрана.
Претседателот Владимир Путин ги нареди вежбите претходно овој месец. Москва ги поврза со, како што ги нарече, „милитантните изјави“ на западните официјални лица за кои рече дека претставуваат безбедносна закана за Русија.
Предупредување на Путин до Западот
Руското Министерство за надворешни работи ги цитираше коментарите на францускиот претседател Емануел Макрон, кој ја покрена можноста за испраќање европски сили да се борат против Русија во Украина, и британскиот министер за надворешни работи Дејвид Камерон, кој рече дека Украина има право да користи оружје обезбедено од Лондон за напад на цели во Русија.
Безбедносните аналитичари велат дека вежбата е предупредување на Путин до Западот повеќе да не се вклучува во војната во Украина, на која и испорачува оружје и разузнавачки информации, но се воздржа од испраќање војници.
Министерството за одбрана соопшти дека во првата фаза од вежбата се вклучени ракетите Искандер и Кинжал.
Вежбите се одржуваат во Јужниот воен округ на Русија долж украинската граница и делови од Украина под контрола на Русија.
Белорусија, каде Русија распореди тактичко нуклеарно оружје минатата година, исто така ќе биде вклучена во вежбите, соопштија двете земји.
Тактичкото или нестратешкото нуклеарно оружје е помалку моќно од стратешкото оружје дизајнирано да избрише цели непријателски градови, но сепак има огромен деструктивен потенцијал.
Европа
(Видео) Тежок скандал во романскиот парламент: пратеникот обвини поранешен сопартиец дека го удрил со колено во носот
Сериозен скандал денеска се случи во романскиот парламент – пратеникот на ПНЛ, Флорин Роман изјави дека добил „удар со колено во носот“ пред пленарната сала на Собранието, од поранешен сопартиец, сега независен пратеник Дан Вилчеану, инаку поранешен министер за финансии, пренесува Либертатеа.
„Го прекорив независниот пратеник Дан Вилчеану за прекршување на правилата поради неговото присуство во клупите на групата ПНЛ. Неговиот проблем во парламентот беше да дознае колку градоначалници отишле во Калараши. Следеше вербална расправија, по што физички насилно бев исфрлен од пленумот“, напиша Флорин Роман на Фејсбук.
„Надвор од пленумската сала повторно бев физички нападнат, насилнички, со колено во носот“, тврди Роман, прецизирајќи дека тој не возвратил, туку дека ќе поднесе „кривична пријава против пратеникот хулиган“.
Претседателот на ПНЛ и на парламентот, Николае Чиука, рече дека „физичкото насилство е неприфатливо, особено кога тоа се случува овде, во зградата на парламентот“ и побара од раководството на Претставничкиот дом да преземе мерки против либералниот Дан Вилчеану.
Европа
ЕУ одлучи да ги искористи замрзнатите руски средства за вооружување на Украина
Советот на Европската унија денеска усвои низа правни акти за да се осигура дека нето добивката од неочекуваните пари и вонредните приходи од замрзнатите руски средства се користат за воена поддршка за Украина, како и за зајакнување на капацитетот на нејзината одбранбена индустрија и реконструкција.
Тоа значи дека финансиските институции кои чуваат руски замрзнати средства на своите сметки во износ од повеќе од еден милион евра ќе дадат финансиски придонес од нивната нето добивка акумулирана од 15 февруари годинава.
На 12 февруари 2024 година, Советот на ЕУ одлучи дека финансиските институции кои поседуваат повеќе од еден милион евра во средства и резерви на Руската централна банка, која е имобилизирана со низа рестриктивни мерки од страна на ЕУ, мора да ги издвојат вонредните средства што се акумулираат поради овие мерки и дека не можат да располагаат со нето добивката што произлегува од тоа.
Одлуката денеска и формално ја потврди Советот откако на почетокот на месецов беше постигнат договорот на амбасадорско ниво.
Според таа одлука, 90 отсто од овие средства ќе одат во фондот на ЕУ за воена помош за Украина, а останатите 10 отсто за нејзината одбранбена индустрија и одбрана.
Според проценките на ЕУ, замрзнатите руски средства би можеле да донесат меѓу 15 и 20 милијарди евра до 2027 година.