Свет
Разговор меѓу Путин и Ердоган, единствената надеж за продолжување на договорот за жито
Преговорите меѓу рускиот претседател Владимир Путин и турскиот претседател Таип Ердоган остануваат единствената надеж за продолжување на црноморскиот договор за жито, што треба да истече следната недела, објави во понеделник руската новинска агенција РИА.
Договорот за жито, постигнат меѓу Русија и Украина со посредство на Обединетите нации и Турција во јули 2022 година, имаше цел да спречи глобална прехранбена криза со тоа што ќе се дозволи украинското жито заробено од руската инвазија безбедно да се извезува од пристаништата на Црното Море.
Цитирајќи неименуван извор, РИА објави дека нема оптимизам за продолжување на договорот, став што Москва често го повторува во последните недели.
„Нашата практика покажува дека преговорите меѓу двајцата лидери се тие што може да ја променат ситуацијата, сегашниот тежок период не е исклучок. Денес ова останува единствената надеж“, изјавија од РИА.
Ердоган во саботата рече дека врши притисок врз Русија да го продолжи договорот за жито, кој моментно истекува на 17 јули, и најави посета на Путин во август.
Кремљ соопшти дека за време на викендот немало закажан телефонски повик и дека нема сигурност за средбата на двајцата лидери.
Анкара ја налути Москва со нејзината одлука од 8 јули да ослободи петмина уапсени украински команданти на единицата што со недели бранеше челичарница во украинскиот град Мариупол, при што Кремљ рече дека Анкара ги прекршила договорите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пелегрини за Фицо: Лекарите не планираат нови операции, тој останува на интензивна нега
Лекарскиот совет во болницата во словачкиот град Банска Бистрица најверојатно ќе се состане в понеделник кога треба да одлучи за понатамошното лекување на премиерот Роберт Фиц, врз кој беше извршен атентат во средата, изјави новоизбраниот претседател Петер Пелегрини.
Словачкиот премиер Роберт Фицо ќе остане на интензивна нега, соопшти денеска владата на земјата, пренесува Ројтерс.
Тој во четвртокот го посети Фиц, по што изјави дека лекарите кои се грижат за него не планираат нови операции, пренесува словачкиот портал Правда.
Регион
Томислав Николиќ имаше сообраќајна несреќа
Томислав Николиќ, поранешен претседател на Србија и директор на Националниот совет за координација со Руската Федерација и Народна Република Кина, утрово доживеа сообраќајна несреќа.
Несреќата се случила утрово околу 9.15 часот, а Николиќ бил во службеното возило „ауди А8“, пренесува српски „Курир“.
Автомобилот го управувал возачот на Николиќ. Во несреќата нема повредени.
Свет
(Видео) Украинците објавија снимки од жестоки улични борби за важен град на северот
Украинската гранична стража објави снимка од жестоки борби за стратешки важниот град Вовчанск на североистокот на земјата, во областа Харков.
Борбите за тој град траат веќе една недела, откако руските сили почнаа ненадејна копнена офанзива преку границата. Во него тие зазедоа десетина села во регионот на Харков, но градот Вовчанск, кој беше речиси целосно евакуиран, сè уште се држи.
Русите тврдат дека во градот влегле од два правци за да воспостават позиции, а Украинците тврдат дека ги туркаат назад и го стабилизираат фронтот. Очигледно, најголем дел од борбите се водат во областа Вовчанск.