Свет
Пелегрини за Фицо: Лекарите не планираат нови операции, тој останува на интензивна нега
Лекарскиот совет во болницата во словачкиот град Банска Бистрица, најверојатно, ќе се состане в понеделник кога треба да одлучи за понатамошното лекување на премиерот Роберт Фицо, врз кој беше извршен атентат во средата, изјави новоизбраниот претседател Петер Пелегрини.
Словачкиот премиер Роберт Фицо ќе остане на интензивна нега, соопшти денеска владата на земјата, пренесува „Ројтерс“.
Тој во четвртокот го посети Фицо по што изјави дека лекарите што се грижат за него не планираат нови операции, пренесува словачкиот портал „Правда“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Детали за нападот во училиштето во Белград: насилната мајка ја претепала професорката по биологија, во полиција го признала делото
Мајката на ученикот на основното училиште „Јован Дучиќ“ во Белград која ја нападна и брутално ја претепа наставничката по биологија, во полиција признала дека завршила курс за боречки вештини, пишува „Курир“.
„Мајката дојде на отворената врата и ја праша наставничката по биологија зошто нејзиниот син добил 2, а има просек од 3“, вели наставничката од белградското основно училиште „Јован Дучиќ“ која ја придружувала својата повредена колешка до болница.
Таа вели дека наставничката по биологија за да ги реши несогласувањата ја повикала мајката во канцеларија. Но, наместо решение, следувало тешко насилство.
„Таа и кажа ужасни работи: „Не знаеш која сум јас, кучко“, раскажала учителката.
Потоа се заканила дека ќе оди кај директорот, што наставничката по биологија го поддржала. Меѓутоа, таа одеднаш се вратила. Од вратата, ја фатила за косата, ја турнала на подот и ја удрира главата во подот.
„Ќе ти го убијам семејството“, извикала мајката напаѓач, пренесува медиумот.
„Нема да работиш никаде на друго место, нема да работиш во ова училиште, ќе се сеќаваш на мене, не знаеш која сум. Ќе ти го убијам семејството“, викала таа.
Наставничката според кажувањата на колешката, успеала во ден момент да се оттргне и отрчала до полицаецот, но тој не бил таму. Вработените потоа повикале полиција која дошла и ја зела изјавата.
„Колешката има контузија на градниот кош, а повредени и се и ногата и раката, а има и гребаници“, изјавила колешката на повредената наставничка која ја придружувала до болница.
Таа наведува дека сите се преплашени и згрозени од тоа што и се случило на нивната колешка.
Родителите на децата од споменатото училиште тврдат дека знаат која е жената која ги нападнала.
Како што понатаму изјавија родителите од училиштето каде се случи овој инцидент, жената која ја нападнала професорката по биологија била крупна и била спортски тип.
Европа
Рации низ Германија, запленет кокаин вреден една милијарда евра
Германската полиција изврши координирани рации во седум сојузни држави и заплени кокаин вреден милијарди евра.
Истражителите наведуваат дека ова е најголемата заплена на кокаин во Германија, пишува Билд.
Запленети се десетици тони дрога, а седум лица се уапсени.
Рациите беа извршени во Северна Рајна-Вестфалија, Баварија, Берлин, Бранденбург, Хамбург, Хесен и Долна Саксонија.
Засега не се познати повеќе детали, ниту пак кој е приведен. Јавното обвинителство на Дизелдорф вели само дека операцијата со кодно име Плексус ја извршил заеднички тим на царински и полициски инспектори за наркотици од Штутгарт, Карлсруе и Северна Рајна-Вестфалија.
Регион
Реконструкција на владата во Грција: новиот состав ќе биде познат напладне
Во Грција денеска ќе се реконструира владата, а новиот состав на кабинетот напладне ќе го соопшти владиниот портпарол.
Кабинетот на премиерот Кирјакос Микотакис соопшти дека владиниот медиумски претставник Павлос Маринакис на прес-конференција ќе ги соопшти промените што следуваат.
Како што јави грчката ТВ „ЕРТ“, се очекува да бидат сменети неколку министри, а главен критериум по кој ќе се носат одлуките е ефикасноста.
Централнодесничарската партија Нова демократија на Мицотакис постигна полош резултат на изборите за Европскиот парламент, потсетува Ројтерс.
Нова демократија, која е на власт во Грција од 2019 година, освои 28,3 отсто од гласовите на изборите за ЕП, но не ја достигна целта од 33 отсто што ја постави Мицотакис за време на изборната кампања, како и 40 отсто од гласовите што ги имаше победи на националните избори во јуни минатата година, анализираат грчките медиуми.