Свет
Распарчено тело на позната манекенка пронајдено во Хонг Конг, уапсен сопругот кој се обидел да бега
Делови од човечко тело, кои ѝ припаѓаат на познатата манекенка и инфлуенсерка Аби Чои, се пронајдени во фрижидер во изнајмен стан во северниот дел од ХонгКонг. Уапсен е поранешниот сопруг на манекенката.
Чои (28) беше пријавена за исчезната во средата, а делови од нејзиното тело беа пронајдени во петокот, заедно со нож за месо, електрична пила и облека во областа Таи По, соопшти полицијата.
Полицискиот надзорник Алан Чунг на вчерашната прес-конференција изјави дека поранешниот сопруг на манекенката бил уапсен додека се обидувал да избега на пристаништето во Тунг Чунг.
Chinese Influencer and Model Abby Choi Found Decapitated, Dismembered With Body Parts Cooked In Soup Pots, Police Say as well as legs stored in a refrigerator. According to the South China Morning Post, police trying to locate 28-yr-old murder victim’s head, hands & torso. 😢 pic.twitter.com/eZNcELsdbo
— Sumner (@renmusb1) February 24, 2023
Поранешниот сопруг, заедно со неговиот брат и родителите, кои беа уапсени во петокот, се задржани на сослушување додека полицијата продолжува да ги бара преостанатите делови од телото на жената.
Полицијата дошла до страшно откритие во куќа, која се наоѓала на околу половина час возење од центарот на градот. Човечко ткиво е пронајдено во лонци со супа, додека главата, торзото и рацете на жртвата не биле на местото на настанот.
„ Во станот е пронајден алат што се користи за распарчување на човечки тела, меѓу кои мелници за месо, моторни пили, долги мантили, ракавици и маски – соопшти полицијата. Според информациите, куќата ја изнајмил поранешниот свекор на Аби пред само неколку недели.
Како модел, Чои беше фотографирана на ревијата за висока мода пролет/лето 2023 на Ели Сааб во Париз минатиот месец. Таа неодамна се појави и како дигитален модел на насловна страница за луксузниот магазин L’Officiel Monaco и присуствуваше на овогодинешната модна недела во Париз.
Чои, која беше позната и како влијателна личност на социјалните мрежи, има речиси 100.000 следбеници на нејзиниот Инстаграм профил, на кој има фотографии како позира со различни луксузни брендови на локации од Лондон, Париз до Шангај и на јахти во Хонг Конг.
Чои зад себе остави син и ќерка со поранешниот сопруг, а тие ќе бидат чувани од мајката на манекенката, додаде полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Фатална грешка при спасувањето мигранти во близина на Шпанија – 9 загинати и 48 исчезнати
Најмалку девет луѓе загинаа, а уште 48 се водат како исчезнати откако брод со мигранти се преврте за време на спасувачка операција во близина на Канарските острови, соопштија во саботата шпанските власти.
Шпанската поморска спасувачка служба соопшти дека трагедијата се случила откако било дојавено за присуство на мал брод натоварен со луѓе на околу 6 километри од островот Ел Хиеро. Бродот се превртел кога премногу луѓе се префрлиле на едната страна за време на обидот за спасување, се вели во соопштението на спасувачката служба.
Спасувачите спасија 27 луѓе, а потврдија дека има девет мртви.
Службата соопшти дека акцијата за спасување била отежната, бидејќи била извршена во текот на ноќта и под налетите на ветровите кои достигнале јачина од 20 јазли. Во акцијата учествуваа спасувачки бродови и хеликоптери на поморската спасувачка служба, Цивилната гарда, Црвениот крст и локалната самоуправа.
Атлантскиот пат за мигранти од Западна Африка до Канарските Острови е еден од најсмртоносните во светот. Иако нема точна бројка на загинати поради недостигот на информации за заминувањата од Западна Африка, шпанската група за заштита на мигрантите „Walking Borders“ проценува дека жртвите се илјадници.
Над 26.000 луѓе пристигнале преку море на Канарските острови досега оваа година, во споредба со околу 14.000 во истиот период минатата година.
Свет
Хакери ја нападнале француската информативна агенција „Франс прес“
Информативниот систем на француската агенција „Франс прес“ бил цел на напад кој зафатил дел од системот за дистрибуција на вести до клиентите, соопштено е денеска.
Мобилизирани се технички тимови на АФП со поддршка и експертиза на Националната агенција за безбедност на информациските системи (АНСИ)“, се вели во соопштението.
„Редакцијата и сите служби на АФП продолжуваат да известуваат за настаните ширум светот“, соопшти агенцијата.
Нападот бил откриен вчера.
Контактирани се надлежните органи на Франција, соопшти AFP, истакнувајќи дека се уште не се познати сторителите на нападот и нивните мотиви.
Свет
(🔴 Во живо) Ескалација на конфликтот меѓу Израел и Хезболах, нова огромна експлозија го потресе Бејрут
Од минута во минута за најновите случувања на Блискиот исток!
🕑 18:35 Смртта на Насралах е „мерка за правда“, вели Бајден
Американскиот претседател во изјавата рече:
„Хасан Насралах и терористичката група што тој ја предводеше, Хезболах, беа одговорни за убиството на стотици Американци во текот на четиридецениското владеење на теророт. Неговата смрт од израелски воздушен напад е мерка за правда за неговите многубројни жртви, вклучително и илјадници Американци, Израелци и либански цивили. САД целосно го поддржуваат правото на Израел да се брани од Хезболах, Хамас, Хутите и сите други терористички групи поддржани од Иран“.
🕑 18:32 Русија вели дека Израел сноси целосна одговорност за „речиси неизбежната“ ескалација
Руското Министерство за надворешни работи остро го осуди „уште едно политичко убиство“ од страна на Израел, мислејќи на убиството на Насралах.
„Оваа насилна акција е полна со уште поголеми драматични последици за Либан и за целиот Блиски Исток. Израелската страна не можеше да не ја препознае оваа опасност, туку презеде чекор за убиство на либански граѓани, што речиси неизбежно ќе предизвика нов излив на насилство. Така, таа сноси целосна одговорност за подоцнежната ескалација“, се вели во соопштението на Министерството.
🕑 18:16 Убиен уште еден висок член на Хезболах, соопшти израелската војска
Израелските одбранбени сили соопштија дека елиминирале висок член на „разузнавачката низа“ на Хезболах.
„ИДФ елиминираше висок терорист од разузнавачката низа на Хезболах кој беше одговорен за идентификација на цивилни и воени цели, Хасан Калил Јасин, висок терорист во разузнавачката низа на Хезболах, во напад во областа Дахие во Бејрут. Како дел од својата улога, Јасин интензивно соработуваше со сите офанзивни единици на Хезболах, беше лично вклучен во планирањето на терористички напади кои беа извршени за време на војната против израелските цивили и војници и планираше дополнителни напади што треба да се извршат во наредните денови“, се вели во соопштението.
🕑 17:47 Иран прогласува петдневна жалост
Али Хамнеи, врховниот лидер на Иран, прогласи петдневна жалост по убиството на Хасан Насралах, лидерот на Хезболах.
Тој рече дека крвта на Насралах „нема да остане неодмаздена“.
🕑 17:43 Атентатот на Насралах „оправдан“ како антитероризам
Министерот за одбрана на Израел, Израел Кац, изјави дека убиството на лидерот на Хезболах Хасан Насралах е „една од најоправданите антитерористички акции што Израел некогаш ги презел“.
Тој рече дека Насралах „го посветил својот живот на уништување на Израел“ и водел повеќе од 30 години „терористичка активност против Израел“.
Насралах „заслужи да биде симнат, и добро е што беше“, рече министерот и додаде: „Ќе продолжиме да ја чуваме безбедноста на Израел“.
🕑 17:42 „Не чекаат предизвикувачки денови“, рече началникот на израелската армија по убиството на Насралах
Началникот на израелската војска Херзи Халеви изјави дека Израел го чекаат „предизвикувачки денови“ по потврдата за убиството на Насралах.
Халеви ја заврши проценката на ситуацијата во Северната команда во Израел и рече дека неговите сили се на „највисока подготвеност“ офанзивно и одбранбено како подготовка за можна одмаздничка акција.
„Ние сме решени да продолжиме да ја уништуваме терористичката организација Хезболах и да продолжиме да се бориме. Ни претстојат повеќе мисии на сите фронтови – уништување на терористичките организации и нивните способности, враќање на нашите заложници.
„Мисијата е постојано пред нашите очи. Како и безбедно враќање на жителите на север и југ во нивните домови“, рече Халеви.
🕑 17:25 Нов израелски воздушен напад во областа Дахије во либанскиот главен град Бејрут
Израелската војска соопшти дека извршила воздушен напад во областа Дахије во Бејрут.
Тоа е округот што Израел го нападна и вчера попладне, што резултираше со атентат на лидерот на Хезболах Хасан Насрала.
🕑 17:09 Експлозии во Израел, луѓето бегаат во паника
Експлозии се слушнаа откако се огласија сирените во централниот дел на Израел, јавува Ројтерс. Сирените за воздушен напад ечат во Тел Авив и централен Израел. Снимките објавени на социјалната мрежа „Х“ покажуваат како луѓето бегаат во паника за да се засолнат.
⚡️Terrorist rats running in Tel Aviv following sirens pic.twitter.com/N0oQfOKW6H
— War Monitor (@WarMonitors) September 28, 2024
Ballistic missile attacks targeting Israel are being launched from Yemen. Sirens have begun to sound in Tel Aviv, and residents are rushing to shelters. pic.twitter.com/SC5zgELYoQ
— Gaza Notifications (@gazanotice) September 28, 2024
На мапа со црвено се означени таргетираните точки, а во објавата пишува „Масивен удар врз Тел Авив се случува токму сега, најверојатно од Хезболах“.
🚨 Massive strike on Tel Aviv happening right now, likely by Hezbollah pic.twitter.com/nW4xx2jNEc
— Iran Observer (@IranObserver0) September 28, 2024