Свет
Расте бројот на загинати во торнадата во Кентаки
Бројот на жртвите од серијата катастрофални торнада во американската сојузна држава Кентаки се зголеми на 74.
Најмалку 14 луѓе загинаа во четири други држави – Илиноис, Арканзас, Мисури и Тенеси. Шест деца се меѓу жртвите во Кентаки, јавува „Ројтерс“.
Речиси 110 луѓе се водат како исчезнати. Спасувачките тимови сè уште ги пребаруваат урнатините во областите во шест држави каде што во петокот ечеа серија торнада. Сегашниот биланс на загинати е помал отколку што се стравуваше, иако гувернерот на Кентаки Енди Башир предупредува дека конечниот биланс може да биде поголем. Тој рече дека жртвите биле на возраст од пет месеци до 86 години.
Илјадници луѓе се без струја, вода и парно на екстремно ниски температури, а речиси илјада куќи се оштетени или уништени. Магацинот на „Амазон“ е уништен во невреме во Едвардсвил, Илиноис. Загинаа најмалку шест лица, а можно е бројката да биде и поголема. Торнадото погоди и дом за стари лица во Моне во Акранзас, јавува „Гласот на Америка“.
Американскиот претседател Џо Бајден прогласи вонредна состојба во погодените земји и нареди парите од федералниот буџет да се пренасочат за да се помогне во санирањето на штетите.
„Трагедија. Сè уште не знаеме колку животи се загубени и степенот на штетата“, рече американскиот претседател.
Бајден нагласи дека Федералната агенција за управување со вонредни состојби (ФЕМА) истражува дали торнадата се предизвикани од климатските промени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Гутереш го повика Иран да се откаже од развојот на нуклеарно оружје
Иран мора да го направи првиот чекор кон подобрување на односите со земјите од регионот и со Соединетите држави, со тоа што јасно ќе стави до знаење дека нема за цел да развие нуклеарно оружје, изјави денеска генералниот секретар на Обединетите нации, Антонио Гутереш.
Зборувајќи за ситуацијата на Блискиот Исток на Светскиот економски форум во Давос, тој рече дека се надева дека Иран ќе се ангажира конструктивно со другите земји во регионот.
Во врска со Појасот Газа, Гутереш рече дека се надева оти конфликтните страни ќе разберат дека ќе имаат корист од траен прекин на огнот што може да го отвори патот за преговори за решение со две држави.
Гутереш ги повика израелските безбедносни сили да покажат максимална воздржаност на окупираниот Западен Брег, каде што започнаа голема воена операција во Џенин.
Свет
(Видео) Две лица загинаа во напад во парк во Германија
Во баварскиот град Ашафенбург две лица загинаа, а некои се тешко повредени во напад во паркот „Шонтал„. Според првичните информации, околу 11.45 часот неколку лица биле нападнати со остар предмет.
Полицијата извести дека се повредени тројца возрасни и едно дете, пренесе „Билд“. Набргу потоа стигна потврда дека две лица загинале, а меѓу жртвите, пишува Билд“, има и дете.
Според полицијата, едно лице е уапсено, а нема други осомничени. Засега не е позната заднината на нападот, соопшти полицијата, но не се работи за терористички напад.
❗️🔪🇩🇪 – Two Arrested in Aschaffenburg: Knife Attack in Park! Two Dead, Several Seriously Injured
In Aschaffenburg, Bavaria, a violent incident in Schöntal Park resulted in two fatalities and several severe injuries. Initial reports indicate that multiple people were attacked… pic.twitter.com/m6f9qhxw1a
— 🔥🗞The Informant (@theinformant_x) January 22, 2025
Сообраќајот на возовите на јужната станица бил запрен бидејќи осомничениот наводно се обидел да избега преку шините.
Паркот „Шонтал“, кој се простира на девет хектари, е широко ограден. Портпаролот на полицијата изјави дека нема опасност за јавноста. Зачестените патроли на полицајци во паркот би можеле да бидат причината поради која осомничениот беше толку бргу приведен. Ашафенбург се наоѓа во административната област Долна Франконија во Баварија, во близина на државната граница со Хесен.
Свет
Шефицата на европската дипломатија: Времето не е на страната на Русија, ама не е ниту на нашата
Русија е егзистенцијална закана за безбедноста на Европската Унија и единствен начин да се спречи тоа е да се зголемат трошоците за одбрана, изјави шефицата на европската дипломатија, Каја Калас, додавајќи дека ЕУ предолго ѝ нуди на Русија алтернативи.
„Русија е егзистенцијална закана за нашата безбедност денес, утре и инвестициите во нашата одбрана се недоволни“, рече таа во говорот на годишната конференција на Европската агенција за одбрана (ЕДА).
„Луѓето велат дека сум јастреб кога станува збор за Русија. Мислам дека сум само реална“, рече Калас.
Калас, која е меѓу најгласните противници на рускиот претседател Владимир Путин во ЕУ, изјави дека американскиот претседател Доналд Трамп е во право кога вели дека земјите членки на ЕУ не трошат доволно за одбрана.
Трамп овој месец рече дека членките на НАТО треба да потрошат 5 проценти од БДП на одбраната, што е големо зголемување од сегашната цел од два процента и ниво што во моментот не го исполнува ниедна членка на НАТО, вклучително и Соединетите Американски Држави.
„Времето не е на страната на Русија. Но, не е нужно ниту на наша страна бидејќи сè уште не правиме доволно. Не треба да се сомневаме дека треба да трошиме повеќе за да спречиме војна. Но, исто така треба да се подготвиме за војна“, рече Калас.