Свет
Револуционерна нова класа лекови против рак одобрена во Европа
Револуционерна нова класа лекови против рак што може да лекува широк спектар тумори за првпат е одобрена за употреба во Европа, пренесува Би-би-си.
Новиот лек спаѓа во групата тумор-агностичките лекови, вид терапија што користи лекови или други супстанции за лекување врз основа на генетските и молекуларните карактеристики на ракот, без оглед на типот на карцином или каде во организмот се појавил.
Лекарите од Велика Британија кои го тестираат новиот лек велат дека пристапот има потенцијал да излечи повеќе пациенти и да ги намали несаканите ефекти. Лекот што е одобрен се нарекува „ларотректиниб“.
Двегодишната Шарлот Стивенсон од Белфаст, кај која бил дијагностициран инфантилен фибросарком – рак на сврзното ткиво во телото- е една од првите пациенти кои ги почувствувале бенефитите од лекот. Таа била третирана со „ларотректиниб“ изминатата година како дел од клиничките испитувања во болницата „Ројал Марзден Сатон“ во Лондон.
„Знаевме дека опциите ни се ограничени и затоа решивме да се обидеме и мило ми е што направивме така. Добивме можност да гледаме како Шарлот расте и заздравува со голема брзина. Таа сега може да има релативно нормален живот и најважно од сè, лекот имаше неверојатен ефект на туморот кај неа“, вели нејзината мајка Естер.
Туморот кај Шарлот бил предизвикан од генетска абнормалност позната како НТРК фузија на гени која не е својствена само за саркомите, туку се појавува и кај некои видови рак на мозокот, бубрезите, тироидната жлезда и други видови рак.
„Возбудливо е што лекот дејствува кај различни видови рак и не е ограничен на еден тип“, вели д-р Џулија Чисхолм од „Ројал Марзден Сатон“.
Новиот лек означува чекор напред од лекувањето карцином на дојка или рак на дебелото црево кон прецизен лек што ги користи предностите на специфичниот генетскиот состав на туморот кај секој пациент.
„Убавината на лекот е што е насочен кон абнормалноста. Постојат голем број биохемиски патеки кои се вообичаени кај многу различни типови тумори. Мислам дека ова е начинот на којшто се одвиваат работите и водат кон подобри исходи, лекување повеќе пациенти и кон производство на почувствителни третмани со намалени несакани ефекти“, вели таа.
Одлуката на европските регулатори не значи дека лекот ќе биде веднаш достапна за пациентите во Велика Британија. Претходно годинава НХС Англија ги опиша тумор-агностичките лекови како револуционерен и возбудлив напредок во лекувањето на ракот и рече дека се во тек подготовки да се обезбеди пристап на пациентите до нив.
„Придобивките за пациентите, особено за децата, како можноста да се лекуваат различни видови рак со еден лек се потенцијално огромни, помагајќи им да водат подолг и поздрав живот“, рече тогаш извршниот директор Сајмон Стивенс.
Проф. Чарлс Свонтон, главен лекар во Cancer Research UK, вели дека лековите се возбудлива можност.
„НХС ќе треба да обезбеди правилно тестирање на геном во целата земја за да ги идентификува пациентите кои би можеле да имаат корист од оваа терапија, па затоа е добро што НХС веќе размислува за тоа како да го донесе ова кај пациенти со карцином што е можно поскоро“, додаде тој.
Д-р Брендон Греј од „Баер“, фармацевтската компанија што го разви „ларотректиниб“, рече: „Како прв тумор-агностички лек одобрен во Европа, ларотректиниб претставува вистинска промена во лекувањето на карцином“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полјачка на миса за Меди МекКан: „Јас сум Меди. Не сум лажга. Направете ДНК тест“
Родителите на Медлин МекКен вчера вечерта не беа на бдеењето одржано по повод 17-годишнината од исчезнувањето на девојчето. Меѓутоа, на богослужбата се појавила една млада Полјачка која тврди дека таа е киднапираната Меди.
Кејт и Гери МекКен испратија порака до присутните, која ја прочита пречесниот Роберт Гладстон: „Жал ни е што не можеме да бидеме со вас вечерва. Ви благодариме што се здруживте. Поминаа 17 години откако беше киднапирана. тешко е да се поверува дека помина толку долго време“.
На бдеењето присуствувала Џулија Вендел (22), која тврди дека таа е ккиднапираната Медлин. Во рацете држела писмо кое имала намера да им го предаде на родителите на киднапираното девојче. „Јас сум Медлин МекКен. Никогаш не престанав да верувам во тоа. Дојдов овде да ги замолам Кејт и Гери да направат ДНК тест”, рекла таа по мисата, а пренесува Дејли Мејл.
„Тие не направија ништо за да докажат дека не сум нивна ќерка. Не, не сум луда. Не сум лажгоа“, додала таа. Во селото Ротли се одржа бдение. Семејството МекКен и понатаму се надева дека нивната ќерка, која сега би имала 20 години, е сè уште жива.
Германската полиција, од друга страна, смета дека Меди е убиена и има намера да го обвини Кристијан Брукнер за злосторството. На осудениот педофил моментално му се суди за пет неповрзани силувања и сексуални престапи.
Во февруари минатата година, Џулија на социјалните мрежи објави под нејзиното корисничко име „@IamMadeleineMcCann“ дека таа е исчезнатото девојче. По ДНК анализата било утврдено дека таа на никаков начин не е поврзана со Медлин. Но, Џулија вчера инсистираше дека таа е Медлин МекКен и дека тоа ќе го докаже.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.
Свет
НАТО започна огромни вежби, за Русија: Тоа е подготовка за војна
Четиримесечните воени вежби на НАТО во близина на границите на Русија, наречени „Непоколеблив бранител“ се доказ дека алијансата се подготвува за потенцијален конфликт со Русија, изјави портпаролката на руското Министерство за надворешни работи, Марија Захарова.
Захарова неделава ги отфрли обвинувањата на НАТО дека Русија води хибридна војна против нејзините членки, тврдејќи дека тоа е дезинформација со цел да се одвлече вниманието од активностите на алијансата.
НАТО е тој што води хибридна војна против Русија, поддржувајќи ја Украина со оружје, разузнавачки информации и финансии, рече таа.
„Во моментов, најголемата вежба на НАТО од Студената војна, Непопустлив бранител, се одржува во близина на руските граници. Според нивното сценарио, акциите на коалицијата против Русија се практикуваат со користење на сите инструменти, вклучително и хибридно и конвенционално оружје“, продолжи Захарова.
„Мора да признаеме дека НАТО сериозно се подготвува за потенцијален конфликт со нас“, рече Захарова.
Најавувајќи го почетокот на вежбите во јануари, НАТО најави дека на нив ќе учествуваат 90.000 војници, кои ќе го вежбаат сценариото американските сили да им помагаат на Европејците во земјите кои граничат со Русија и на источното крило на алијансата доколку конфликтот се разгори.
Вежбите ќе траат до мај, пишува Ројтерс.