Свет
Републиканците одржаа дебата, кандидат го нарече Зеленски „комичар во карго-панталони“

Ривалите на Доналд Трамп за републиканската претседателска номинација на дебатата зборуваа остро за конфликтот меѓу Израел и Хамас ветувајќи безусловна поддршка за Израел и напаѓајќи го справувањето со кризата од страна на демократскиот претседател, Џо Бајден.
На прашањето каква порака ќе му испрати на израелскиот премиер Бенјамин Нетанјаху, гувернерот на Флорида, Рон де Сантис, одговори: „Би му рекол на Биби (Нетанјаху): „Заврши ја работата еднаш засекогаш со овие касапи Хамас, тие се терористи“. Ники Хејли, поранешната американска амбасадорка во ОН, која ја фокусира кампањата на своето надворешнополитичко искуство, го критикува Бајден за притисокот врз Израел да размисли за хуманитарни паузи.
„Последното нешто што треба да го направиме е да му кажеме на Израел што да прави. Единственото нешто што треба да направиме е да ги поддржиме и да го елиминираме Хамас“, рече таа.
Сенаторот од Јужна Каролина, Тим Скот, рече дека Бајден треба да изврши директни напади врз Иран, спонзор на Хамас, како одмазда за нападите на проиранските сили во Сирија и Иран против американската војска.
Неколку часа претходно, Вашингтон објави дека американската војска извршила напади врз складиште за оружје во Сирија за кое Пентагон соопшти дека го користеле иранските сили. „Ако сакате да промените нешто, не можете само да продолжите да напаѓате магацини во Сирија“, рече тој.
„Всушност, треба да ѝ ја отсечете главата на змијата. Главата на змијата е Иран, а не само неговите посредници“, додаде тој. Третпат поранешниот претседател Доналд Трамп не се појави на дебатата на неговата партија и наместо тоа, одржа политички митинг во близина, каде што повторно предложи Републиканската партија да ги откаже идните дебати.
„Време е републиканскиот естаблишмент да престане да троши време и ресурси“, рече Трамп додавајќи дека дебатата е невидлива. Вивек Рамасвами, кој се залага за изолационистички пристап кон надворешната политика, рече дека ќе ја прекине помошта за Украина и го нарече украинскиот претседател Володимир Зеленски „комичар во карго-панталони“.
Освен што повикаа на посилен одговор во странство, кандидатите ветија дека ќе ги казнат симпатизерите на Хамас дома. Запрашан за пропалестинските собири, кои се проширија на студентските кампуси, Скот рече дека ќе го запре федералното финансирање од кој било универзитет што нема да го спречи антисемитизмот.
Де Сантис вети дека ќе ги депортира сите странски студенти што ќе изразат поддршка за Хамас. „Ако сте овде со студентска виза како странски државјанин и имате заедничка кауза со Хамас, ќе ви ја откажам визата и ќе ве испратам дома“, рече тој.
Еден ден откако демократите и групите за правата на абортусот победија на неколку референдуми за абортусот, републиканците се обидоа да формулираат победничка порака за прашање што ја мачи партијата откако Врховниот суд на САД, предводен од конзервативците, минатата година го укина абортусот како право во САД.
Сега за тоа одлучуваат сојузните држави. Скот рече дека ќе поддржи федерална забрана за абортус по 15. недела од бременоста, а Хејли истакна дека таквото закон не може да помине во Сенатот.
Де Сантис, кој оваа година го забрани абортусот по шестата недела од бременоста на Флорида, не се осврна на федералниот закон, но рече дека се залага за култура на животот. Кандидатите го нападнаа Бајден за неговото справување со економијата тврдејќи дека неговиот фокус на климатските промени го забавил растот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Седум часа ги читаше имињата на сите убиени деца во Газа, дури 12.227 жртви

Кардиналот Матео Зупи во италијанскиот град Болоња предводеше трогателно седумчасовно молитвено бдение за сите деца загинати во конфликтот меѓу Израел и Хамас од почетокот на војната пред две години. На бдението, кое се одржа во паркот Монте Соле ди Марцабото, беа прочитани имињата и возрастите на вкупно 12.227 деца жртви – 16 израелски и 12.211 палестински, врз основа на официјални податоци од двете страни.
Кардиналот Зупи ги повика присутните да се посветат на мирот и дијалогот: „Ги кажуваме нивните имиња едно по едно. Тие бараат од нас да бараме мир, да го прекинеме огнот и да создадеме услови за заштита на невините, од ослободување на заложниците до тоа да не се држи цела нација како заложник“.
Молитвеното бдение се одржа на историско место, во урнатините на црквата Казаља, која беше запалена од нацистите за време на масакрот во кој беа убиени речиси 800 луѓе, вклучувајќи деца. Настанот го организираше монашката заедница на Малото семејство на Благовештението во соработка со Училиштето за мир на Монте Соле, со цел да се зачува сеќавањето на страдањето и да се потенцира важноста на мирот.
Апелите за мир и заштита на цивилите се засилени во последните недели поради зголемениот број жртви и заканата од глад во Газа. Свештеникот Габриел Романели од Газа ја опиша тешката ситуација, истакнувајќи дека бомбите и смртта се присутни низ целата енклава, додека Ерусалимскиот патријарх Пицабала и папата Лав XIV ги повикаа сите страни на прекин на огнот и дипломатски решенија.
Кардиналот Зупи, назначен од папата Франциск за мировен пратеник за Украина, е познат и по посредувањето во размена на заложници и неговите дипломатски напори за мир во конфликтни региони.
Свет
(Видео) Унгарија е бесна откако Украинците повторно го нападнаа клучниот руски нафтовод

Украина изврши нов напад врз најголемата руска станица за нафта, клучен дел од системот на нафтовод „Дружба“, во градот Унеча во Брјанската област. Информацијата ја потврди Роберт Бровди, познат како „Мадијар“, командант на украинските сили за беспилотни системи, пишува „Киев пост“.
Бровди објави на Телеграм дека станицата „Унеча“ била цел на беспилотни летала од 14-от полк на силите за беспилотни системи.
„УНЕЧА НПС – отиде во непорат“, напиша тој. Заедно со објавата, тој прикачи видео на кое се гледа пожарот по нападот.
Станицата „Унеча“, која се наоѓа на четириесет километри од украинската граница, е најголемиот центар на системот „Дружба“ во сопственост на „Транснефтепродукт“. Преку мрежа долга 9.000 километри, овој гасовод го снабдува рускиот воено-индустриски комплекс и е клучен за извозот на нафта.
💥 Russia: Unecha oil pumping station in Bryansk region struck again by Ukraine. Annual pumping capacity of 60 million tons of crude oil, critical hub on the Druzhba pipeline that goes to Europe.
No more Russian blood oil for Hungary and Slovakia. pic.twitter.com/MgFOmiPOtM— Igor Sushko (@igorsushko) August 21, 2025
Унгарија: Ова е напад врз нашата енергетска безбедност
Унгарскиот министер за надворешни работи, Петер Сијарто, брзо реагираше на веста за нападот.
„Пристигна вест дека нафтоводот ‘Дружба’ на руско-белоруската граница е повторно нападнат, по трет пат за краток временски период. Снабдувањето со сурова нафта на Унгарија е повторно запрено“, напиша тој на Фејсбук.
Сијарто го нарече нападот „уште еден напад врз енергетската безбедност на Унгарија“ и „уште еден обид да нè вовлечат во војна“.
Чести напади врз руската инфраструктура
Ова не е прв ваков инцидент. Украинските камикази беспилотни летала веќе ја погодија пумпната станица Унеча на 13 август. Извори од Главната дирекција за разузнавање на украинското Министерство за одбрана (HUR) потврдија за „Киев пост“ во тоа време дека операцијата ја извршила УР во соработка со други одбранбени единици. Локалните канали на Телеграм, исто така, објавија повеќекратни експлозии и голем пожар.
Веќе по претходниот напад, Сијарто предупреди дека станува збор за „напад врз енергетската безбедност на Унгарија“ и им рече на украинските носители на одлуки дека „електричната енергија од Унгарија игра клучна улога во снабдувањето со енергија на Украина“.
Според Генералштабот на Украина, нападите врз руските бизниси и инфраструктура во текот на 2025 година предизвикале загуби проценети на 74,11 милијарди долари, што е приближно 4% од БДП на Русија. Речиси 80% од потврдените цели биле нафтени и гасни постројки, вклучувајќи рафинерии, магацини и логистички центри како што се бензински пумпи.
Свет
(Вознемирувачко аудио) Руски војник убил свој соборец и го јадел 2 недели, тврдат украинските разузнавачи

Украинската воена разузнавачка служба (УР) објави шокантен случај за кој тврди дека се случил на фронтот во источна Украина, каде што руски војник наводно го убил и изел својот другар.
Според УР, инцидентот се случил неодамна во регионот Купјанск, каде што руските сили водат интензивни борби против украинската армија.
Според аудио-снимка објавена од УР, која наводно покажува комуникација меѓу припадници на руската војска, војник со кодно име „Брелок“ убил другар познат како „Фома“, а потоа јадел делови од неговото тело во период од две недели.
„Брелок го убил Фома и го јадел две недели“, вели еден од гласовите на снимката.
Се тврди дека Брелок „на крајот завршил како „двесте“, што е руска воена терминологија за паднат војник.
☠️“Brelok” Ate “Foma”: Evidence of Cannibalism in russian Occupation Army
A chilling conversation intercepted by Ukraine’s Defence Intelligence reveals a shocking case of cannibalism among russian troops operating near Kupiansk in eastern Ukraine.
🔗: https://t.co/pGO73fMHKm pic.twitter.com/VWeMQ4vE45
— Defence Intelligence of Ukraine (@DI_Ukraine) June 20, 2025
Сè потешки услови во руската армија
УР тврди дека двајцата мажи припаѓале на 52-от посебен извиднички баталјон на руската 68-ма моторизирана пешадиска дивизија.
Ова е единица што дејствува на Купјанскиот фронт во Харковскиот регион.
Иако оваа информација предизвикува шок и неверица, украинската страна нагласува дека ова е последица на сè потешките услови во руската армија. Украински извори известуваат дека руските војници се соочуваат со екстремен недостиг на залихи, морален слом и општ хаос во редовите, особено меѓу нерегуларно мобилизираните единици.
Истиот извештај потсетува дека Русија, особено во текот на 2022 и 2023 година, користела затвореници како дел од регрутирањето, вклучувајќи осудени силувачи и убијци, а некои, според украински извори, претходно биле осудени за канибализам.
Тие ги наведуваат примерите на Денис Горин, Николај Оголобјак и Дмитриј Малишев, кои, како членови на разни единици, подоцна загинаа во Украина.
Дали снимката е автентична?
Ukrainian GUR intercepted a grim Russian radio call: a soldier, “Brelok,” killed and ate his buddy “Foma” for two weeks, then ended up dead himself near Kupiansk. He was with the 52nd Recon Battalion, 68th Motor Rifle Division. pic.twitter.com/cWmVO0HN1V
— WarTranslated (@wartranslated) June 20, 2025
Во моментов не е можно независно да се потврди автентичноста на аудио-снимката, како и точните околности на наводниот инцидент.
Москва официјално не ги коментираше овие тврдења.
Украинското разузнавање нагласува дека ова е уште еден доказ за целосна деморализација и распаѓање на дисциплината во рамките на руските сили на окупираните територии.
Доколку обвинувањата се покажат како вистинити, тоа би било едно од најстрашните злосторства забележани на бојното поле во оваа војна.