Свет
Речиси 11.000 мигранти се депортирани во Мексико откако Трамп ја презеде функцијата

Мексико прими речиси 11.000 депортирани мигранти од САД откако американскиот претседател Доналд Трамп ја презеде функцијата на 20 јануари, изјави мексиканската претседателка Клаудија Шејнбаум.
Таа рече дека меѓу нив има 2.500 мигранти кои не се Мексиканци.
Шејнбаум постигна договор со Трамп претходно оваа недела за паузирање на царините на мексиканската стока во замена за распоредување на илјадници војници на Националната гарда на северната граница на Мексико со САД за дополнително да се намали протокот на мигранти кои сакаат да влезат во Соединетите држави.
Шејнбаум на редовната прес-конференција додаде дека Мексико ги вратила депортираните мигранти во Хондурас по воздушен и копнен пат.
Таа нагласи дека враќањето не било принудно.
„Тоа е доброволно“, изјави мексиканскиот претседател за новинарите.
„Ќе ги придружуваме за да можат да се вратат во своите татковини“, рече Шејнбаум.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Потера во Британија заврши хаотично – бегале, па се судриле со 5 полициски возила

Возач на автомобил предизвикал судир со пет полициски возила во потера што се случила ноќеска околу 14.20 часот во Нортамбрија, по што седум полицајци биле испратени во болница, јавува „Сан“.
Маж и жена на околу дваесетина години се уапсени под сомнение дека предизвикале сообраќајна несреќа. Се сомнева дека мажот со опасно возење нанел тешки повреди на неколку лица, додека жената е уапсена поради помагање.
Полицајците се обиделе да го сопрт уапсениот, но тој побегнал, по што почнала потера. Нешто помалку од половина час подоцна, автомобилот и пет полициски возила се судрија на северниот правец А1 во близина на раскрсницата на патот Дервент Хау. Седум полицајци се пренесени во болница, но повредите со кои се здобиле не се опасни по живот.
Четворица се пуштени, а двајца се задржани на опсервација. Уапсените маж и жена не се повредени. Полицијата на местото прибира докази. Возачите кои се нашле на тој дел од автопатот морале да чекаат повторно да биде отворен сообраќајот, а тоа се случило на рутата до аеродромот. Поради несреќата автопатот бил затворен во двата правци.
Свет
Германија го укинува забрзаното доделување државјанства, го ограничува и бројот на работници од Западен Балкан

Денес формираната владејачк црно-црвена коалиција на конзервативните демохристијани и социјалдемократите на Германија се согласила во коалицискиот договор да го откаже забрзаното доделување државјанства на имигрантите, кои добро се интегрирале во германското општество.
Владата во заминување на социјалдемократската СПД, Зелените и либералната ФДП усвоија закон кој им дозволува на добро интегрираните имигранти во Германија да добијат државјанство по само три години.
Сепак, во коалицискиот договор што денеска го претставија Христијанско-демократската унија (ЦДУ) и нејзината сестринска баварска Христијанско-социјална унија (ЦСУ), останува претходната одлука за скратување на периодот за стекнување државјанство од осум на пет години, а остнува и одлуката на Владата за признавање на двојното државјанство.
Можноста за двојно државјанство во Германија не постоеше до доаѓањето на власт на СПД, Зелените и ФДП под канцеларот Олаф Шолц.
Коалицискиот договор на идната владејачка коалиција предвидува, меѓутоа, ограничување на можноста мигрантите да се обединат со своите семејства доколку уживаат супсидијарна заштита во Германија, па затоа не се баратели на азил, пишува агенцијата ДПА.
Таквата можност за доведување семејства ќе има под мандатот на новата влада само во „исклучително важни случаи“.
Бројот на работници кои доаѓаат во Германија преку таканаречената регулатива за Западен Балкан треба да биде построго ограничен според новиот договор, пишува „Ноз.де“. Коалиционите партнери се согласни да го намалат максималниот број дозволи за влез преку оваа програма на 25.000 луѓе годишно.
Секој од Албанија, Босна и Херцеговина, Косово, Црна Гора, Северна Македонија или Србија кој сака да дојде во Германија преку регулативата за Западен Балкан, мора однапред да достави договор за вработување, се додава.
Досега имаше и квота од 1.000 дозволи месечно за влез во Германија на најблиските роднини на лица со некаква меѓународна заштита. Супсидијарната заштита не е исто што и бегалскиот статус или азил, но дозволува престој во Германија на лица за кои враќањето во нивната матична земја може да биде опасно или на кои им се заканува неправда или тортура.
Австрија кон средината на март годинава донесе одлука да им го одземе правото на азилантите на обединување на семејството, иако е спорно колку тоа е во согласност со правото на Европската унија, конвенциите за човекови права и покрај критиките од експертите и невладините организации.
Регион
Имаме голем сојузник во Франција, изјави Вучиќ по средбата со Макрон

Претседателот на Србија, Александар Вучиќ, по средбата со претседателот на Франција, Емануел Макрон, во Париз изјави дека светот влегува во проблематична ера која ќе трае, и дека добро е што Србија има голем сојузник во Европа, како што е Франција.
Вучиќ за новинарите изјави дека со Макрон разговарал за геополитичките прашања и ситуацијата во регионот и Србија.
„Разговаравме за многу прашања за европската иднина на Србија и ја замолив Франција да учествува на Експо 2027 во Белград, мислам дека ќе добиеме позитивен одговор“, рече Вучиќ.
Претседателот на Србија изјави дека најтешка тема била ситуацијата во босанскиот ентитет Република Српска (РС).
„Се борев да најдам компромисно решение, не можам да прифатам дека единственото решение е апсењето на (претседателот на РС Милорад) Додик. Тоа не е решение, тоа е создавање проблеми“, рече Вучиќ и додаде дека ги презентирал своите идеи за решение на кризата без да прецизира кои се тие.
Зборувајќи за блокадите и протестите во Србија, Вучиќ рече дека на Макрон му пренел како земјата издржала терор во последните четири месеци.
Студентите бараат одговорност од властите за смртта на 16 лица во несреќата во Нови Сад со блокади на факултетите и повеќемесечни протести.
Зад студентските барања застанаа универзитетски професори, просветни работници, земјоделци, адвокати и актери, заедно со граѓаните кои со месеци ги собираат на протестите.
Демонстрациите станаа симбол на поширокото незадоволство од владеењето на правото во земјата, заедно со прашањето дали негрижата и корупцијата на системот доведоа до несреќата во Нови Сад.