Европа
Ривалството меѓу „Вагнер“ и руското МО – „клучен фактор“ во регрутирањето затвореници
Растечкото ривалство меѓу „Вагнер“ и руското Министерство за одбрана е „клучен фактор“ во регрутирањето затвореници, соопшти Министерството за одбрана на Обединетото кралство.
Најновите разузнавачки информации од Министерството за одбрана на Обединетото Кралство велат дека клучен фактор за наводното нарушување на кампањата за регрутирање затвореници на руската платеничка група веројатно ќе биде „сè подиректното ривалство меѓу руското Министерство за одбрана и `Вагнер`“.
Latest Defence Intelligence update on the situation in Ukraine – 11 February 2023
Find out more about the UK government's response: https://t.co/v7qL4SkvX3
🇺🇦 #StandWithUkraine 🇺🇦 pic.twitter.com/N8gnUNhhJY
— Ministry of Defence 🇬🇧 (@DefenceHQ) February 11, 2023
Основачот на „Вагнер“, Евгениј Пригожин, во четвртокот изјави дека групата целосно престанала да регрутира затвореници да се борат во Украина. Групата почна да регрутира затвореници во рускиот казнен систем минатото лето, нудејќи им на осудените помилување доколку преживеат шест месеци во Украина
„Вагнер“ не објави информации за тоа колку осуденици се приклучиле на неговите редови, но податоците од руската казнена служба објавени во ноември покажаа дека популацијата на затворите во земјата се намалила за повеќе од 20.000 меѓу август и ноември, што е најголем пад во повеќе од една деценија.
Според бројките објавени во јануари, падот во голема мера е запрен.
Британското министерство пишува дека податоците укажуваат на пад на вработеноста на затворениците од декември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.