Свет
Русија бара од Германија отштета од 82,3 милијарди долари за злосторствата од Втората светска војна
Руските обвинители побараа од Московскиот регионален суд да ги признае злосторствата извршени од нацистичка Германија во московскиот регион за време на Втората светска војна како геноцид, проценувајќи дека штетата е околу 6,4 трилиони рубљи или 82,3 милијарди долари.
Според Ројтерс, не е јасно дали таквиот потег е вовед во новите барања за финансиска компензација од Русија за модерна Германија, со која односите сериозно се влошија поради војната во Украина.
Обвинителите побараа од Московскиот регионален суд „да ги признае утврдените и новооткриените злосторства извршени од германските фашистички напаѓачи“ во регионот на Москва во периодот од октомври 1941 до јануари 1942 година за воени злосторства и злосторства против човештвото и геноцид врз советскиот народ.
За тоа време во областа беа убиени повеќе од 26.000 луѓе, додека советските граѓани беа подложени на тортура, грабеж, принудна работа и депортација, се вели во соопштението.
Ројтерс известува дека околу 27 милиони советски граѓани ги загубиле животите во Големата патриотска војна.
Воени репарации од Германија неодамна побара и Полска, која бара да и се исплатат 1.300 милијарди долари. Откако Германија кон крајот на минатата година официјално објави дека за Берлин „прашањето за репарации и компензација за воените загуби е затворено“ и дека „германската влада нема намера да отвори преговори на оваа тема“, Варшава најави дека ќе бара поддршка за нејзиното барање од Обединетите нации .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.