Европа
Русија ги повлекува бродовите од клучната база во Средоземното Море
Русија ги повлекува бродовите од својата поморска база во Сирија по бунтот против сирискиот претседател Башар ал-Асад, откако претходно оваа година го пресели најголемиот дел од својата Црноморска флота од базата на Крим.
Сириското пристаниште Тартус беше клучна база за руските бродови повеќе од пет децении, а неговото значење порасна од почетокот на инвазијата на рускиот претседател Владимир Путин врз Украина во 2022 година. Оваа база и обезбедува на Русија стратешко присуство во Медитеранот и еден вид бедем против НАТО, пишува Њузвик.
Според извештајот на Навал Њуз, во пристаништето Тартус моментално се сместени две руски фрегати од класата Горшков, една фрегата од класата Григорович, два брода за поддршка и една подморница од класата Импрувд-Кило. Сепак, аналитичарот со отворени извори МТ Андерсон објави на платформата Икс сателитски снимки од 30 ноември и 3 декември кои покажуваат дека сите бродови се преместени.
🇷🇺Med Sea Flotilla🇷🇺
50cm 📷 from the port of 🇸🇾Tartus on 30 November 2024Both Gorshkov class frigates, Admiral Grigorovich, Kilo class Novorossiysk and oilers Yelnya & Vyazma are in port
… and Landsat 8-9 📷 from 1 December 2024 indicate the vessels did not move overnight pic.twitter.com/V60swKWRS4
— MT Anderson (@MT_Anderson) December 2, 2024
Со оглед на тоа што Конвенцијата од Монтре, спроведена од Анкара, спречува руски воени бродови да минуваат низ турските теснец, Институтот за проучување на војната вели дека Москва најверојатно ги преселила бродовите во своите бази во северозападна Русија и Калининград, на границата со Балтичкото море.
Ова повлекување на бродовите доаѓа откако Москва, како одговор на нападите со украински беспилотни летала врз Црноморската флота, премести голем број воени бродови од поморската база во Севастопол, Крим, во Новоросијск во јули. Во октомври, руски сенатор стациониран на окупираната територија на украинската област Запорожје потврди дека руски бродови го напуштиле пристаништето на окупираниот полуостров.
Според Институтот за проучување на војната, преместувањето на руските бродови од Сирија може да укаже на тоа дека Путин нема намера да испрати значително засилување за поддршка на Асад, кој се соочува со бунт предводен од сунитската исламистичка бунтовничка група Хајат Тахрир ал-Шам (ХТС).
Путин беше клучен сојузник на Асад за време на сириската граѓанска војна, испраќајќи авиони, војници и опрема за бомбардирање на Алепо во 2016 година, одржувајќи го Асад на власт. Откако минатата недела повторно се разгореа судирите и бунтовниците го освоија Алепо и селата во провинцијата Идлиб, руските воздушни напади повторно ги нападнаа бунтовниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Белгиски министер: Ќе ја срамниме Москва со земја ако го нападнат Брисел
Белгискиот министер за одбрана, Тео Франкен, тврди дека НАТО ќе ја „срамни со земја Москва“ доколку Русија некогаш го нападне Брисел. Во опширно интервју, Франкен се осврна на низа итни стратешки прашања, вклучувајќи ја војната во Украина, европската одбрана и нуклеарното одвраќање, објави „The Brussels Times“.
Кога директно го прашаа дали се плаши дека рускиот претседател Владимир Путин може да започне конвенционален ракетен напад врз Брисел, неговиот одговор беше недвосмислен: „Не, бидејќи тогаш тој би го погодил срцето на НАТО, а потоа ние би ја срамниле Москва со земја“.
Франкен изрази силна поддршка за американското лидерство во рамките на НАТО и ја повтори својата доверба во Член 5, клаузулата за заемна одбрана што е основа на Алијансата.
На прашањето дали американскиот претседател Доналд Трамп би го почитувал Член 5, Франкен одговори потврдно. „Секако дека би го сторил тоа. Во Европа има многу предрасуди против американската влада. Зошто не би го почитувал Член 5?“

Франкен рече дека е повеќе загрижен за употребата на хибридно војување од страна на Русија отколку за заканата од конвенционален напад. „Крстосувачки проектил врз Брисел? Јасно е дека тоа би го активирало Член 5, без разлика која дефиниција ја користите. Путин нема да го стори тоа“, рече тој.
„Повеќе сум склон кон сценарио со сива зона: ‘мали зелени луѓе’ кои го поттикнуваат рускојазичното малцинство во Естонија против „нацистичкиот режим“. Пред да се свестите, тие анексираа дел од Естонија“, објасни министерот.
Министерот за одбрана не покажа ентузијазам за идејата за заедничка европска армија. Тој ги критикуваше поголемите европски земји за „максимизирање на сопствените пазари“ и праша како земјите кои во моментов не можат ниту да соработуваат во набавката на одбранбена опрема би можеле да ги интегрираат своите национални армии.
„Секој што верува во европска армија продава магла“, рече тој. „За среќа, го имаме НАТО, кој повторно ја докажа својата ефикасност со воздушната одбрана во Полска и Естонија“.
фото: принтскрин
Европа
(Видео) Руски дрон се упати кон новинарска екипа, украински војник го собори со пушка
Во украинскиот град Константинивка руски ФПВ-дрон се обиде да нападне новинарска екипа, но бргу беше запрен од портпаролот на 24. бригада, објави украинската војска.
Инцидентот се случил додека новинар на холандскиот весник „Хет Недерландс Дагблад“ ги снимал урнатините на црквата „Успение на Пресвета Богородица“, оштетена во претходните руски напади.
Додека екипата ја документирала штетата, руски дрон одеднаш се упатил кон нив. Портпаролот на 24. бригада, Олег Петрасјук, ја забележал заканата и пукал од својата пушка. По неколку истрели, тој успеал да го собори дронот.
Целиот инцидент е снимен и на видео, кое го прикажува моментот кога Петрасјук го забележува и го соборува дронот до оштетената црква.
фото: принтскрин
Европа
Зеленски даде наредба: Украина почнува да извезува оружје
Украинскиот претседател Володимир Зеленски му нареди на украинското Министерство за одбрана да започне „контролиран извоз“ на украинско оружје во странство почнувајќи од ноември.
„Украинскиот министер за одбрана Денис Шмихал мора до крајот на годината да обезбеди целосно завршување на задачите за производство и испорака на беспилотни летала – FPV дронови, дронови-пресретнувачи и дронови за мисии за длабински удари – . Програмата за контролиран извоз на нашето оружје треба да започне следниот месец“, рече Зеленски.
На 21 јуни, Зеленски објави дека Киев наскоро ќе започне со извоз на одбранбени технологии и отворање линии за производство на оружје во земјите партнери како дел од пошироките напори за интернационализација на производството на оружје во земјата, бидејќи капацитетот за производство на беспилотни летала во Украина ги надминува нејзините средства за финансирање.
Одбранбениот сектор на Украина, а особено нејзината индустрија за беспилотни летала, брзо растеше од почетокот на руската инвазија во 2022 година. Се појавија повеќе од 200 компании за беспилотни летала, од кои многу произведуваат евтини, прилагодливи системи кои го преобликуваа модерното војување.
Во последните месеци, Зеленски покажа подготвеност да го либерализира процесот на извоз на домашно оружје, кој во моментов е строго ограничен и бара тешко добиени дозволи од Државната служба за извоз. Во мај, украинските производители на одбрана испратија отворено писмо до Зеленски, барајќи од него да ги укине ограничувањата за извоз на домашна воена опрема, особено беспилотни летала.
Според предложениот систем, Украина ќе извезува вишок воена опрема, а профитот ќе го троши на итно потребно оружје, како што се беспилотни летала-пресретнувачи. Украина има намера да потпише договори за извоз во Соединетите Држави, Европа, Блискиот Исток и Африка, претходно изјави Зеленски.
фото: принтскрин

