Свет
Русија и САД на нова рунда консултации за стратешката стабилност
Новоназначениот американски државен потсекретар за контрола на оружјето и меѓународната безбедност, Бони Џенкинс, е посветена на ограничувањето на нуклеарното ширење на Русија и на Кина, се вели нејзината изјава на Твитер.
„Едвај чекам да се фатам за работа. Наскоро ќе слушнете повеќе од мене за контролата на оружјето и за стратешката стабилност”, се вели во соопштението.
„Посветена сум на тоа да го намалам ризикот од нуклеарна војна со ефикасна контрола на оружјето, да ја ограничам нуклеарната експанзија на Русија и Кина, да ја зајакнам биобезбедноста и да барам одговорност за употребата на хемиско оружје“, посочува Џенкинс.
Според неа, САД мора да ги зајакнат евроатлантските и индопацифичките сојузи за подобро одвраќање и одбрана од растечките закани.
„Ние исто така мора да развиеме и зајакнеме норми на одговорно однесување во вселената и да се бориме со новите технологии што ја загрозуваат стратешката стабилност“, додаде Џенкинс.
Женева на 28 јули ќе биде домаќин на новата рунда руско-американски консултации за стратешката стабилност. Делегацијата на Русија ќе биде предводена од заменик-министерот за надворешни работи, Сергеј Рјабков, а американската од заменик-државниот секретар Венди Шерман. Во американската делегација ќе биде и Џенкинс.
Рјабков претходно изјави за ТАСС дека Русија планира темелно да разговара за сите аспекти на прашањата за стратешката стабилност, да ги процени потенцијалните ризици и предизвици, како и да развие рамка за идните заеднички активности на терен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најголемата компанија за вода во САД погодена од сајбер напад
Најголемата компанија за вода во САД, American Water, денеска откри дека неодамна била погодена од сајбер напад и дека поради тоа го затворила својот портал за услуги на клиентите.
Компанијата со седиште во Камден, Њу Џерси, на својата веб-страница соопшти дека минатиот четврток станала свесна за „неовластена активност во нејзините компјутерски мрежи и системи“, за која утврдила дека е „резултат на инцидент со сајбер безбедноста“, објави CNN (CNBC).
Компанијата, исто така, рече дека нема да наплатува никакви задоцнети такси или други такси додека системот не работи.
Свет
Пет земји ќе добијат повеќе од една милијарда евра помош од ЕУ за санација на последиците од поплавите
Европскиот парламент (ЕП) денеска одобри помош во износ од над една милијарда евра за санација на последиците од катастрофалните поплави што ги погодија Италија, Словенија, Австрија, Грција и Франција во 2023 година.
Средствата се доделени од Фондот за солидарност на ЕУ, а пакетот помош е одобрен со 632 гласа „за“, седум гласа против и три воздржани, се наведува на веб-страницата на ЕП.
Европратениците велат дека помошта од ЕУ треба да се прошири со оглед на зголемениот број природни катастрофи во Европа.
Свет
Орбан: Ако победи Трамп, ќе отворам неколку шишиња шампањ
Унгарскиот премиер Виктор Орбан изјави дека ќе отвори „неколку шишиња шампањ“ доколку Доналд Трамп се врати во Белата куќа.
Орбан треба да биде домаќин на колегите лидери на ЕУ на самитот во Будимпешта неколку дена по претседателските избори во САД на 5 ноември.
„Ќе отвориме неколку шишиња шампањ ако Трамп се врати“, рече Орбан, опишувајќи го самитот на ЕУ во ноември како момент за „блокот да се собере за да се обиде да најде заеднички глас“.
Орбан рече дека Трамп, доколку биде избран за претседател, нема да чека до неговата инаугурација, туку веднаш ќе дејствува „за да се воспостави мир“ меѓу Украина и Русија „за како европски лидери да немаме што да изгубиме“.
„Прво треба да реагираме интелектуално, филозофски, а потоа и стратешки“, рече тој.
Трамп постојано тврдеше дека може да донесе мир во Украина „многу брзо“, без да понуди никакви детали за тоа како би можело да се постигне трајно решение.
Ставовите на Орбан за руската инвазија многу ги отсликуваат ставовите на Трамп, кој беше обвинет од потпретседателката на САД и кандидат за претседател на Демократската партија Камала Харис дека ги повторува идеите на Владимир Путин, пишува Гардијан.