Свет
Русија: Киев планира провокации за Велигден

Шефот на рускиот центар за контрола на националната одбрана, Михаил Мизинцев, изјави дека Киев намерно подготвува услови за провокации од страна на украинските безбедносни служби на Велигден, „кои ќе активираат нов бран на русофобија во Украина и во странство“.
„ Во моментот на кампањата на режимот во Киев се подготвуваат провокативни акции во украинските медиуми, кои ја обвинуваат Русија за наводно организирање гранатирање на верски објекти“, рече Мизинцев.
Според него, овие провокации, исто така, имаат за цел да ја дискредитираат Украинската православна црква на Московската патријаршија.
Тој тврди дека „епископите на Украинската православна црква добиле препораки од кабинетот на претседателот Володимир Зеленски да не се одржуваат традиционални велигденски богослужби ноќта на 23 и 24 април, туку да се заменат со интернет пренос на богослужбите во црквите“.
Мизинцев оцени дека таквите известувања не биле намерно испратени до Украинската православна црква на Московската патријаршија за да се организираат масовни собири на верници во нејзините цркви, пренесува ТАС С.
Рускиот функционер изјави и дека украинските специјални служби планираат провокација со употреба на хемиски супстанци во пристаништето Јужни во Одеса, за да ги обвинат руските вооружени сили дека пукаат во цивили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.