Свет
Русија може да ги анектира отцепените територии на Грузија, вели поранешниот претседател Медведев
Заменик-претседателот на рускиот совет за безбедност, Дмитриј Медведев, рече дека Москва може да ги анектира грузиските отцепени региони Јужна Осетија и Абхазија.
„Идејата за приклучување кон Русија сè уште е популарна во Абхазија и Јужна Осетија“, напиша Медведев, поранешен руски претседател, во написот објавен рано во средата во весникот „Аргументи и факти“.
„Тоа е можно да се спроведе доколку има добри причини за тоа“, рече Медведев.
Грузија ја загуби контролата над регионите по распадот на Советскиот Сојуз. Москва ја призна нивната независност во 2008 година по обидот на Грузија да ја врати контролата врз Јужна Осетија со сила, што доведе до руски контранапад.
„Нема да чекаме ако нашата загриженост стане поблиска до реалноста“, рече Медведев во написот што ја одбележа 15-годишнината од признавањето на независноста, мислејќи на можна анексија.
Русија анектира четири провинции на Украина во септември минатата година – Донецк, Луганск, Херсон и Запорожје, но ниту една од анексиите не е меѓународно признаена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.