Свет
Русија поднесе жалба против Украина до Европскиот суд за човекови права

Москва ја поднесе првата меѓудржавна тужба против Украина во врска со настаните од 2014 година, изјавија за ТАСС од канцеларијата на рускиот државен јавен обвинител.
„На 22 јули, Руската Федерација поднесе до Европскиот суд за човекови права меѓудржавна тужба против Украина заснована на Член 33 од Конвенцијата за заштита на човековите права и основните слободи“, соопшти прес-службата на обвинителството.
Од канцеларијата на државниот јавен обвинител посочуваат дека тужбата се однесува на настаните што следеа по пучот во Украина во февруари 2014 година.
Според соопштението, тие бараат судиите да ја разгледаат одговорноста на украинските власти за смртта на цивили, нивното незаконското затворање и суровиот третман кон луѓето како во Мајдан така и последователно во конфликтот во Донбас.
„Тужбата има за цел да го сврти вниманието на Европскиот суд за човекови права и на целата глобална заедница кон бесрамна и систематска повреда на човековите права од страна на украинските власти, да се евидентираат бројните случаи на кривични дела во меѓународната правна рамка, да се принудат украинските власти да престанат да извршуваат такви дела, да спроведат соодветна истрага и веднаш ги изведат сторителите пред лицето на правдата, покрај враќањето на мирот и хармонијата во Украина “, се нагласува во соппштението од канцеларијата на државниот јавен обвинител.
Покрај тоа, во тужбата се бара судот да ја испита практиката на потиснување на слободата на говорот и прогонот на неистомисленици во Украина со забрана за работа на медиуми, интернет-платформи и со таргетирање новинари.
Цитирајќи ја актуелната политика на Киев за исфрлање на рускиот јазик од секојдневниот живот со закони со кои се бара украински јазик да се користи во различни опкружувања, руските власти велат дека нивната тужба опфаќа „дискриминација на руското говорно население и отстранувањето на јазикот од јавната сфера “.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.