Свет
Русија почнува со повлекување на трупите за помош од Италија
Руското Министерство за одбрана в четврток ќе почне со повлекување од Италија на трупите за нуклеарна, биолошка и хемиска (НБЦ) заштита кои ѝ помагаа на Италија во реакцијата против пандемијата на Ковид-19, изјави рускиот министерот за одбрана, Сергеј Шогу, пренесува „Спутник“.
„Утре ќе почнеме со повлекување на трупите за НБЦ-заштита од Италија. Барам од началникот на Генералштабот да организира свечен прием на тимовите и да ми предложи мерки за стимулација за истакнатите војници, лекари и сите оние кои се ангажирани за дезинфекција на италијанските градови и објекти “, рече Шојгу.
Од 22 март, 15 руски воени авиони со експерти за вирусологија и епидемиологија на Министерството за одбрана, пристигнаа во Италија за да помогнат во борбата против пандемијата на коронавирусот и да достават опрема за дијагностика и за дезинфекција.
Италија неодамна објави дека има најниско дневно зголемување на бројот на починати од средината на март.
Поради постојаниот позитивен тренд, владата ги воведе првите мерки за релаксација на националниот карантин што стапи во сила на 4 мај. Сепак, граѓаните ќе треба да почекаат до 18 мај за отворање на продавниците и музеите, а салоните за убавина, фризерниците, барови и рестораните ќе бидат отворени дури по 1 јуни.
Во Италија, која е една од најтешко погодените земји од пандемијата, има речиси 212.000 потврдени случаи на коронавирус и повеќе од 29.000 смртни случаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.