Свет
Русија прифатила разговор со САД
Русија го прифати американското барање за средба меѓу државниот секретар на САД, Ентони Блинкен, и рускиот министер за надворешни работи, Сергеј Лавров.
Ова денеска го изјави портпаролот на американскиот Стејт департмент, Нед Прајс.
Тој рече дека Вашингтон сѐ уште очекува разговорите да се одржат во наредните денови.
Блинкен вчера изјави дека ќе го искористи планираниот повик за да го притисне Лавров да одговори на значајната понуда од администрацијата на американскиот претседател Џозеф Бајден до Москва за да обезбеди ослободување на американските државјани – кошаркарката Бритни Гринер и маринецот Пол Вилан, кои се во затвор во Русија.
Како што објави Си-ен-ен, по неколкумесечна внатрешна дебата, администрацијата на Бајден понудила размена на рускиот дилер на оружје Виктор Бут, кој издружува 25-годишна затворска казна во САД, за Гринер и Вилан.
Во 2020 година маринецот Пол Вилан беше осуден на 16 години затвор за шпионажа. Тој и неговото семејство цело време тврдат дека бил невино осуден, а овие наводи биле демантирани од американската влада, пишува „Хаф пост“.
Кошаркарката Бритни Гринер, која неколку месеци е во руски затвор, на суд признала дека имала масло од канабис во багажот кога била на аеродромот во Москва наведувајќи дека случајно го спакувала во куферот.
Нивниот последен разговор се случил на 15 февруари годинава, десет дена пред почетокот на конфликтот во Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.