Свет
Русија со предупредување – во Авганистан може да избие граѓанска војна

Русија верува дека постои опасност од граѓанска војна во Авганистан, но портпаролот на Кремљ, Дмитриј Песков изјави дека Русите немаат намера да се мешаат, пренесуваат руските агенции.
„Се разбира, никој нема намера да се меша во овие настани“, рече Песков на прашање за можна руска интервенција во конфликтот. Но, тој исто така рече дека сегашната ситуација претставува дополнителна опасност и закана.
Русија со загриженост го следи напредокот на Талибанците во Авганистан. Тие предупредуваат дека борците од Централна Азија можат да навлезат во поранешната советска територија. Москва долго време беше ангажирана во преговори со Талибанците, кои ја преземаа власта во Авганистан пред нешто повеќе од една недела.
Според руската државна компанија за извоз на оружје „Рособоронекспорт“, авганистанската криза може да ја зголеми побарувачката за руско оружје.
„Но, ако тоа им треба на соседните земји или нашите партнери, ние сме подготвени да одговориме“, рече директорот на компанијата, Александар Микеев.
Новинските агенции го цитираат рускиот вицепремиер кој кажал дека Русија е подготвена да ги снабдува своите сојузници од Заедничката организација за договор за безбедност (Воената алијанса на Русија, Белорусија, Ерменија, Казахстан, Таџикистан и Киргистан) што се граничат со Авганистан, со оружје и друга воена опрема по особено ниски цени, пишуваат светските агенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Протести на Алјаска: „Не го сакаме Путин тука“

„Не го сакаме Путин тука. Нека ги повлече своите трупи од Украина. Алјаска стои со Украина“, велат демонстрантите во Анкориџ кои се собраа на улиците пред средбата меѓу Доналд Трамп и Владимир Путин.
🇺🇸🇺🇦 Happening right now: a big pro-Ukrainian rally in Anchorage ahead of the Trump-Putin meeting. “Ukraine and Alaska — Russian never again.” pic.twitter.com/Zx2VKVYW9G
— Ostap Yarysh (@OstapYarysh) August 15, 2025
Во Алјаска беа организирани 16 протести против средбата Трамп-Путин, а во Анкориџ, најголемиот град во оваа федерална држава, на улиците се собраа неколку стотици луѓе, објавува „Анкориџ дејли њуз“. Тие носеа украински и американски знамиња.
фото: принтскрин
Свет
Русија: Се надеваме на продолжување на конструктивните разговори со САД

Рускиот министер за надворешни работи Сергеј Лавров изјави дека Москва се надева на продолжување на „корисните и конструктивни разговори“ со САД.
Лавров рече дека очекува разговорите да продолжат денес во Алјаска. „Никогаш не правиме планови однапред. Знаеме дека имаме аргументи, јасна и разбирлива позиција и ќе ја презентираме“, рече Лавров.
Тој додаде дека многу веќе е постигнато за време на посетата на Стив Виткоф, кој зборуваше во име на претседателот Трамп, и дека за тоа зборувал и претседателот Путин. „Се надевам дека ќе го продолжиме овој конструктивен разговор“, заклучи Лавров.
Свет
Белата куќа го објави распоредот за средбата Трамп-Путин

Белата куќа го објави распоредот за средбата меѓу американскиот претседател Доналд Трамп и рускиот претседател Владимир Путин.
Во 6:45 часот наутро по источно време (11:45 часот наутро по македонско време), американскиот претседател треба да ја напушти Белата куќа за Анкориџ, Алјаска, каде што ќе се одржат разговорите.
Средба
Трамп и Путин треба да ги започнат своите разговори околу 11:00 часот наутро по локално време (21:00 часот по македонско време). Тие ќе се сретнат приватно, со присуство само на нивните преведувачи.
Враќањето на Трамп
Американскиот претседател планира да го напушти Анкориџ и да се врати во Белата куќа околу 17:45 часот по локално време (03:45 часот по македонско време).